ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਵੀਡੀਓ ‘ਚ ਫਲਾਈਟ ਦੇ ਅੰਦਰ ਦਾ ਨਜ਼ਾਰਾ ਦਿਖਾਈ ਦੇ ਰਿਹਾ ਹੈ। ਫਲਾਈਟ ‘ਚ ਕੁਝ ਯਾਤਰੀ ਬੈਠੇ ਨਜ਼ਰ ਆ ਰਹੇ ਹਨ। ਜੋ ਕਾਫੀ ਡਰੇ ਹੋਏ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੇ ਡਰ ਦਾ ਕਾਰਨ ਇਹ ਹੈ ਕਿ ਫਲਾਈਟ ਦੇ ਅੰਦਰ ਸੱਪ ਵੜ ਗਿਆ ਹੈ। ਜਿੱਥੇ ਸਮਾਨ ਦਾ ਰੇਕ ਯਾਤਰੀ ਸੀਟ ਦੇ ਉੱਪਰ ਹੁੰਦਾ ਹੈ। ਉੱਥੇ ਇੱਕ ਸੱਪ ਘੁੰਮਦਾ ਨਜ਼ਰ ਆ ਰਿਹਾ ਹੈ। ਇਸ ਨੂੰ ਦੇਖ ਕੇ ਫਲਾਈਟ ‘ਚ ਬੈਠੇ ਯਾਤਰੀ ਕਾਫੀ ਡਰੇ ਹੋਏ ਨਜ਼ਰ ਆ ਰਹੇ ਹਨ।
ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਫਲਾਈਟ ਕਰਮਚਾਰੀ ਸੱਪ ਨੂੰ ਫੜਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਅੰਤ ਵਿੱਚ ਉਹ ਉਸ ਸੱਪ ਨੂੰ ਫੜਨ ਵਿੱਚ ਸਫਲ ਹੋ ਗਏ ਅਤੇ ਪਲਾਸਟਿਕ ਦੀ ਬੋਤਲ ਅਤੇ ਪਲਾਸਟਿਕ ਪੋਲੀਥੀਨ ਦੀ ਵਰਤੋਂ ਕਰਕੇ ਸੱਪ ਨੂੰ ਫੜ ਲਿਆ ਜਾਂਦਾ ਹੈ। ਇਹ ਵੀਡੀਓ ਫਲਾਈਟ ‘ਚ ਹੀ ਬੈਠੇ ਇਕ ਯਾਤਰੀ ਨੇ ਬਣਾਈ ਹੈ। ਵੀਡੀਓ ਏਅਰ ਏਸ਼ੀਆ ਦੀ ਉਡਾਣ ਦਾ ਦੱਸਿਆ ਜਾ ਰਿਹਾ ਹੈ। ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ @MothershipSG ਨਾਮ ਦੇ ਅਕਾਊਂਟ ਦੁਆਰਾ ਸ਼ੇਅਰ ਕੀਤਾ ਗਿਆ ਹੈ। ਜਿਸ ਨੂੰ ਹੁਣ ਤੱਕ ਕਰੀਬ 80000 ਵਾਰ ਦੇਖਿਆ ਜਾ ਚੁੱਕਾ ਹੈ।
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ ਨੂੰ ਲੈ ਕੇ ਲੋਕ ਕਾਫੀ ਕਮੈਂਟ ਵੀ ਕਰ ਰਹੇ ਹਨ। ਕਮੈਂਟ ਕਰਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ, ‘ਬਿਨਾਂ ਪਾਸਪੋਰਟ ਤੋਂ ਐਂਟਰੀ ਕਿਵੇਂ ਹੋਈ?’ ਜਦਕਿ ਇਕ ਹੋਰ ਯੂਜ਼ਰ ਨੇ ਮਜ਼ਾਕੀਆ ਲਹਿਜੇ ‘ਚ ਲਿਖਿਆ, ‘ਸੱਪ ਨੂੰ ਥਾਈ ਮਸਾਜ ਦੀ ਲੋੜ ਹੋ ਸਕਦੀ ਹੈ।’
