ਅਦਾਕਾਰਾ ਅੰਕਿਤਾ ਲੋਖੰਡੇ ਦੇ ਕੁੱਤੇ ਸਕਾਚ ਦਾ ਦਿਹਾਂਤ ਹੋ ਗਿਆ ਹੈ ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਪੋਸਟ ਸ਼ੇਅਰ ਕੀਤੀ ਹੈ। ਜਿਸ ਚ ਉਸਨੇ ਆਪਣੇ ਕੁੱਤੇ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ- ਮਮਾ ਤੁਹਾਨੂੰ ਬਹੁਤ ਯਾਦ ਕਰਨਗੇ, Rest In Peace।
ਦੱਸ ਦਈਏ ਕਿ ਸਕੌਚ ਅੰਕਿਤਾ ਅਤੇ ਉਸਦੇ ਸਾਬਕਾ ਬੁਆਏਫ੍ਰੈਂਡ ਸੁਸ਼ਾਂਤ ਸਿੰਘ ਰਾਜਪੂਤ ਦਾ ਪਹਿਲਾ ਕੁੱਤਾ ਸੀ। ਅੰਕਿਤਾ ਅਤੇ ਸੁਸ਼ਾਂਤ ਦੇ ਬ੍ਰੇਕਅੱਪ ਤੋਂ ਬਾਅਦ ਸਕੌਚ ਅੰਕਿਤਾ ਦੇ ਨਾਲ ਰਹਿੰਦਾ ਸੀ। ਦੱਸ ਦੇਈਏ, ਸਕੌਚ ਦੇ ਨਾਮ ਤੋਂ ਇੱਕ ਇੰਸਟਾਗ੍ਰਾਮ ਅਕਾਊਂਟ ਵੀ ਹੈ, ਜਿਸ ‘ਤੇ ਸੁਸ਼ਾਂਤ ਦੀਆਂ ਕਈ ਤਸਵੀਰਾਂ ਹਨ।
ਸਕੌਚ ਦੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸੁਸ਼ਾਂਤ ਅਤੇ ਅੰਕਿਤਾ ਨਾਲ ਬਿਤਾਈਆਂ ਕਈ ਯਾਦਾਂ ਹਨ। ਅੰਕਿਤਾ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਸਕੌਚ ਨਾਲ ਵੀਡੀਓ ਅਤੇ ਫੋਟੋਆਂ ਸ਼ੇਅਰ ਕਰ ਚੁੱਕੀ ਹੈ। ਸੁਸ਼ਾਂਤ ਨੇ ਇਹ ਕੁੱਤਾ ਅੰਕਿਤਾ ਨੂੰ ਤੋਹਫੇ ਵਜੋਂ ਦਿੱਤਾ ਸੀ। ਪਰ ਜਦੋਂ ਉਹ ਰਿਲੇਸ਼ਨਸ਼ਿਪ ‘ਚ ਸਨ ਤਾਂ ਦੋਵੇਂ ਮਿਲ ਕੇ ਇਸ ਨੂੰ ਸੰਭਾਲਦੇ ਸਨ।