ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦਾ ਪ੍ਰੀ-ਵੈਡਿੰਗ ਜਸ਼ਨ ਸ਼ੁਰੂ ਹੋ ਗਿਆ ਹੈ। ਅੱਜ ਸ਼ਾਮ ਫੈਸ਼ਨ ਸ਼ੋਅ ਦਾ ਆਯੋਜਨ ਕੀਤਾ ਗਿਆ ਹੈ। ਇਸ ਫੈਸ਼ਨ ਸ਼ੋਅ ਵਿੱਚ ਸ਼ਾਮਲ ਹੋਣ ਵਾਲੇ ਮਹਿਮਾਨ ਥੀਮ ਆਧਾਰਿਤ ਪਹਿਰਾਵੇ (ਸ਼ਾਨਦਾਰ ਕਾਕਟੇਲ ਪਹਿਰਾਵੇ) ਵਿੱਚ ਨਜ਼ਰ ਆਉਣਗੇ । ਸ਼ਾਮ ਦੇ ਸਮਾਗਮ ਨੂੰ ‘ਐਨ ਈਵਨਿੰਗ ਇਨ ਏਵਰਲੈਂਡ’ ਦਾ ਨਾਂ ਦਿੱਤਾ ਗਿਆ ਹੈ।ਅਮਿਤਾਭ ਬੱਚਨ, ਸਲਮਾਨ ਖਾਨ ਅਤੇ ਸ਼ਾਹਰੁਖ ਤੋਂ ਲੈ ਕੇ ਦੀਪਿਕਾ ਪਾਦੂਕੋਣ ਸਮੇਤ ਕਈ ਸਿਤਾਰੇ ਜਾਮਨਗਰ ਪਹੁੰਚ ਚੁੱਕੇ ਹਨ।
ਸਮਾਗਮ ਵਾਲੀ ਥਾਂ (ਰਿਲਾਇੰਸ ਟਾਊਨਸ਼ਿਪ) ਜਿੱਥੇ ਸਮਾਗਮ ਹੋਣੇ ਹਨ, ‘ਤੇ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ। ਬੈਡਮਿੰਟਨ ਖਿਡਾਰਨ ਸਾਇਨਾ ਨੇਹਵਾਲ ਨੇ ਰਿਲਾਇੰਸ ਟਾਊਨਸ਼ਿਪ ਦੇ ਅੰਦਰ ਦਾ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵਿੱਚ ਮਹਿਮਾਨਾਂ ਦੇ ਠਹਿਰਨ ਲਈ ਲਗਜ਼ਰੀ ਟੈਂਟ ਹਾਊਸ ਬਣਾਏ ਗਏ ਹਨ। ਅੰਦਰ ਏਸੀ ਵੀ ਲਗਾਇਆ ਗਿਆ ਹੈ।
ਅਨੰਤ-ਰਾਧਿਕਾ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਵਿੱਚ ਅਰਿਜੀਤ ਸਿੰਘ, ਪ੍ਰੀਤਮ, ਬੀ ਪਰਾਕ, ਦਿਲਜੀਤ ਦੋਸਾਂਝ, ਹਰੀਹਰਨ ਅਤੇ ਅਜੇ-ਅਤੁਲ ਦੀ ਪਰਫਾਰਮੈਂਸ ਦੇਖਣ ਨੂੰ ਮਿਲੇਗੀ। ਅੰਤਰਰਾਸ਼ਟਰੀ ਪੌਪ ਸਟਾਰ ਰਿਹਾਨਾ ਵੀ ਇਸ ਸੂਚੀ ਵਿੱਚ ਸਿਖਰ ‘ਤੇ ਹੈ। ਰਿਹਾਨਾ ਨੂੰ ਵੀਰਵਾਰ ਨੂੰ ਜਾਮਨਗਰ ਏਅਰਪੋਰਟ ‘ਤੇ ਦੇਖਿਆ ਗਿਆ ਸੀ ਅਤੇ ਉਸ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ ਸੀ। ਪੌਪ ਸਟਾਰ ਰਿਹਾਨਾ ਅੱਜ ਰਾਤ ਪਰਫਾਰਮ ਕਰੇਗੀ। ਇਸਦੇ ਲਈ ਉਸਨੇ ਇੱਕ ਐਕਸਕਲੂਸਿਵ ਪਲੇਲਿਸਟ ਤਿਆਰ ਕੀਤੀ ਹੈ। ਜੋ ਪਲੇਲਿਸਟ ਸਾਹਮਣੇ ਆਈ ਹੈ, ਉਸ ‘ਚ ਰਿਹਾਨਾ ਦੇ ਕੁਝ ਮਸ਼ਹੂਰ ਗੀਤ ਸ਼ਾਮਲ ਹਨ।