ਪ੍ਰਿਯੰਕਾ ਚੋਪੜਾ ਦੀ ਭੈਣ ਮੀਰਾ ਚੋਪੜਾ ਦਾ ਮੰਗਲਵਾਰ ਨੂੰ ਜੈਪੁਰ ‘ਚ ਵਿਆਹ ਹੋ ਗਿਆ ਹੈ। 40 ਸਾਲਾ ਅਭਿਨੇਤਰੀ ਮੀਰਾ ਨੇ ਆਪਣੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਅਤੇ ਕਾਰੋਬਾਰੀ ਰਕਸ਼ਿਤ ਕੇਜਰੀਵਾਲ ਨਾਲ ਜੈਪੁਰ-ਦਿੱਲੀ ਹਾਈਵੇਅ ‘ਤੇ ਬੁਏਨਾ ਵਿਸਟਾ ਲਗਜ਼ਰੀ ਗਾਰਡਨ ਸਪਾ ਰਿਜ਼ੋਰਟ ‘ਚ ਸੱਤ ਫੇਰੇ ਲਏ। ਵਿਆਹ ਵਿੱਚ ਮੀਰਾ ਦੇ ਇੰਡਸਟਰੀ ਦੇ ਕਈ ਕਰੀਬੀ ਦੋਸਤਾਂ ਨੇ ਸ਼ਿਰਕਤ ਕੀਤੀ, ਜਿਨ੍ਹਾਂ ਵਿੱਚ ਸੰਦੀਪ ਸਿੰਘ, ਆਨੰਦ ਪੰਡਿਤ, ਅਰਜਨ ਬਾਜਵਾ ਅਤੇ ਗੌਰਵ ਚੋਪੜਾ ਸ਼ਾਮਲ ਸਨ।
ਫੋਟੋਆਂ ਸ਼ੇਅਰ ਕਰਦੇ ਹੋਏ ਮੀਰਾ ਚੋਪੜਾ ਨੇ ਕੈਪਸ਼ਨ ਲਿਖਿਆ- ਹੁਣ ਹਮੇਸ਼ਾ ਲਈ ਖੁਸ਼ੀਆਂ, ਲੜਾਈਆਂ, ਹਾਸੇ, ਹੰਝੂ ਅਤੇ ਜ਼ਿੰਦਗੀ ਭਰ ਦੀਆਂ ਯਾਦਾਂ.. ਹਰ ਜਨਮ ਤੁਹਾਡੇ ਨਾਲ। ਮੀਰਾ ਨੇ ਜਿਵੇਂ ਹੀ ਆਪਣੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤੀਆਂ ਤਾਂ ਪ੍ਰਸ਼ੰਸਕਾਂ ਨੇ ਉਸ ਨੂੰ ਵਧਾਈਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ।
ਦੱਸ ਦਈਏ ਕਿ ਪਿਛਲੇ ਕੁਝ ਸਮੇਂ ਤੋਂ ਬਾਲੀਵੁੱਡ ਦੇ ਹਰ ਵਿਆਹ ‘ਚ ਦੁਲਹਨ ਨੂੰ ਪੇਸਟਲ ਰੰਗ ਦੇ ਲਹਿੰਗੇ ‘ਚ ਦੇਖਿਆ ਜਾ ਰਿਹਾ ਹੈ। ਚਾਹੇ ਉਹ ਰਕੁਲ ਪ੍ਰੀਤ ਹੋਵੇ ਜਾਂ ਕਿਆਰਾ ਅਡਵਾਨੀ। ਚਾਹੇ ਉਹ ਆਥੀਆ ਸ਼ੈੱਟੀ ਹੋਵੇ ਜਾਂ ਆਲੀਆ ਭੱਟ। ਇਥੋਂ ਤਕ ਕਿ ਪਰਿਣੀਤੀ ਨੇ ਵੀ ਪੇਸਟਲ ਲਹਿੰਗਾ ਚੁਣਿਆ ਸੀ ਪਰ ਪ੍ਰਿਅੰਕਾ ਨੇ ਆਪਣੇ ਵਿਆਹ ਲਈ ਲਾਲ ਰੰਗ ਦਾ ਲਹਿੰਗਾ ਚੁਣਿਆ ਸੀ। ਅਜਿਹੇ ‘ਚ ਮੀਰਾ ਵੀ ਪ੍ਰਿਯੰਕਾ ਚੋਪੜਾ ਦੇ ਰਸਤੇ ‘ਤੇ ਚੱਲਦੀ ਨਜ਼ਰ ਆਈ।
