ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਹੁਣ ਇਕ ਅਜਿਹੇ ਫੀਚਰ ‘ਤੇ ਕੰਮ ਕਰ ਰਿਹਾ ਹੈ ਜਿਸ ਦੇ ਆਉਣ ਤੋਂ ਬਾਅਦ ਤੁਸੀਂ ਕਹੋਗੇ ਕਿ ਇਹ ਉਹੀ ਹੈ ਜਿਸ ਦਾ ਤੁਸੀਂ ਇੰਤਜ਼ਾਰ ਕਰ ਰਹੇ ਸੀ। WhatsApp ਸਟੇਟਸ ਫੀਚਰ ਲਈ ਇੱਕ ਵੱਡਾ ਅਪਡੇਟ ਜਾਰੀ ਕਰਨ ਜਾ ਰਿਹਾ ਹੈ, ਜਿਸ ਤੋਂ ਬਾਅਦ ਕੁਝ ਲੋਕਾਂ ਲਈ ਇਹ ਫੀਚਰ ਸਮੱਸਿਆ ਬਣ ਜਾਵੇਗਾ ਪਰ ਕੁਝ ਲੋਕਾਂ ਲਈ ਇਹ ਇੱਕ ਤੋਹਫ਼ਾ ਹੋਵੇਗਾ।
ਵਟਸਐਪ ਇੱਕ ਨਵੇਂ ਫੀਚਰ ਦੀ ਟੈਸਟਿੰਗ ਕਰ ਰਿਹਾ ਹੈ। ਇਸ ਫੀਚਰ ਦੇ ਆਉਣ ਤੋਂ ਬਾਅਦ ਤੁਸੀਂ ਆਪਣੇ ਸਟੇਟਸ ‘ਚ ਕਿਸੇ ਨੂੰ ਵੀ ਟੈਗ ਕਰ ਸਕੋਗੇ। ਇਹ ਬਿਲਕੁਲ ਉਸੇ ਤਰ੍ਹਾਂ ਹੋਵੇਗਾ ਜਿਵੇਂ ਇੰਸਟਾਗ੍ਰਾਮ ਅਤੇ ਫੇਸਬੁੱਕ ‘ਤੇ ਪਹਿਲਾਂ ਤੋਂ ਮੌਜੂਦ ਹੈ। ਜਿਸਨੂੰ ਵੀ ਤੁਸੀਂ ਆਪਣੇ ਸਟੇਟਸ ਵਿੱਚ ਟੈਗ ਕਰੋਗੇ ਉਸਨੂੰ ਟੈਗ ਹੋਣ ਦੀ ਨੋਟੀਫਿਕੇਸ਼ਨ ਮਿਲੇਗੀ।
ਸਰਲ ਸ਼ਬਦਾਂ ਵਿਚ ਕਹੀਏ ਤਾਂ ਜਿਸ ਵਿਅਕਤੀ ਲਈ ਤੁਸੀਂ ਸਟੇਟਸ ਪੋਸਟ ਕਰੋਗੇ, ਉਸ ਨੂੰ ਇਹ ਕਿਸੇ ਵੀ ਸਥਿਤੀ ਵਿਚ ਦੇਖਣਾ ਹੋਵੇਗਾ। Wabetainfo ਨੇ WhatsApp ਦੇ ਇਸ ਨਵੇਂ ਫੀਚਰ ਬਾਰੇ ਜਾਣਕਾਰੀ ਦਿੱਤੀ ਹੈ। ਨਵੇਂ ਫੀਚਰ ਦੀ ਜਾਂਚ WhatsApp Android ਦੇ ਬੀਟਾ ਵਰਜ਼ਨ 2.24.6.19 ‘ਤੇ ਕੀਤੀ ਜਾ ਰਹੀ ਹੈ। ਜੇਕਰ ਤੁਸੀਂ ਵੀ ਬੀਟਾ ਯੂਜ਼ਰ ਹੋ ਤਾਂ ਤੁਸੀਂ ਇਸ ਫੀਚਰ ਨੂੰ ਦੇਖ ਅਤੇ ਇਸਤੇਮਾਲ ਕਰ ਸਕੋਗੇ।