Toyota Kirloskar Motor ਨੇ ਅੱਜ (3 ਅਪ੍ਰੈਲ) ਨੂੰ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਸਭ ਤੋਂ ਸਸਤੀ SUV Toyota ਅਰਬਨ ਕਰੂਜ਼ਰ ਟੇਜ਼ਰ ਲਾਂਚ ਕਰ ਦਿੱਤੀ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਕਾਰ 22.8kmpL ਦੀ ਮਾਈਲੇਜ ਦੇਵੇਗੀ। ਇਸਦੀ ਕੀਮਤ 7.73 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ, ਟਾਪ-ਐਂਡ ਵੇਰੀਐਂਟ ਲਈ 13.03 ਲੱਖ ਰੁਪਏ ਤੱਕ ਜਾਂਦੀ ਹੈ, ਦੋਵੇਂ ਕੀਮਤਾਂ ਐਕਸ-ਸ਼ੋਰੂਮ ਹਨ।
ਟੋਇਟਾ ਨੇ ਅੱਜ ਤੋਂ ਅਧਿਕਾਰਤ ਤੌਰ ‘ਤੇ ਕਾਰ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ ਅਤੇ ਇਸ ਦੀ ਡਿਲੀਵਰੀ ਵੀ ਜਲਦੀ ਹੀ ਸ਼ੁਰੂ ਹੋ ਜਾਵੇਗੀ। ਕੰਪਨੀ ਨੇ ਇਸ ਕਾਰ ਨੂੰ 12 ਵੇਰੀਐਂਟ ਅਤੇ 8 ਕਲਰ ਆਪਸ਼ਨ ਦੇ ਨਾਲ ਪੇਸ਼ ਕੀਤਾ ਹੈ।
ਦੱਸ ਦਈਏ ਕਿ ਇਹ CNG ਦੇ ਨਾਲ ਵੀ ਉਪਲਬਧ ਹੈ, ਇਸਦੀ ਕੀਮਤ 8.71 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ। Toyota Tazer ਦਾ ਸਿੱਧਾ ਮੁਕਾਬਲਾ ਮਾਰੂਤੀ ਸੁਜ਼ੂਕੀ ਫਰੰਟਿਸ ਨਾਲ ਹੋਵੇਗਾ। ਇਸ ਤੋਂ ਇਲਾਵਾ ਇਹ ਭਾਰਤ ‘ਚ Tata Nexon, Hyundai Venue, Kia Sonet, Nissan Magnite, Renault Kiger ਅਤੇ ਹੋਰ ਨਾਲ ਵੀ ਮੁਕਾਬਲਾ ਕਰੇਗੀ।
SUV ਵਿੱਚ ਵਾਇਰਲੈੱਸ ਐਂਡਰੌਇਡ ਆਟੋ ਅਤੇ ਐਪਲ ਕਾਰਪਲੇ, ਆਟੋਮੈਟਿਕ ਕਲਾਈਮੇਟ ਕੰਟਰੋਲ, ਕਨੈਕਟਡ ਕਾਰ ਟੈਕ, OTA ਅੱਪਡੇਟ, DRL ਦੇ ਨਾਲ ਆਟੋਮੈਟਿਕ LED ਹੈੱਡਲੈਂਪ, 360-ਡਿਗਰੀ ਕੈਮਰਾ, ਹੈੱਡ ਅੱਪ ਡਿਸਪਲੇ, ਵਾਇਰਲੈੱਸ ਚਾਰਜਰ, ਸਮਾਰਟਵਾਚ ਕਨੈਕਟੀਵਿਟੀ, ਦੇ ਨਾਲ 9-ਇੰਚ ਦੀ ਟੱਚਸਕ੍ਰੀਨ ਇਨਫੋਟੇਨਮੈਂਟ ਸਕ੍ਰੀਨ ਸ਼ਾਮਲ ਹੈ। ਆਦਿ ਤੁਹਾਨੂੰ ਮਿਲਦੇ ਹਨ।