ਬੀਤੇ ਦਿਨੀਂ ਬੌਲੀਵੁੱਡ ਸਟਾਰ ਜਤਿੰਦਰ ਅੱਜ 82 ਸਾਲ ਦੇ ਹੋ ਗਏ ਹਨ। ਕਰੀਬ ਚਾਰ ਦਹਾਕਿਆਂ ਦੇ ਕਰੀਅਰ ‘ਚ ਜਤਿੰਦਰ ਨੇ ‘ਤੋਹਫਾ’, ‘ਹਿੰਮਤਵਾਲਾ’, ‘ਕਾਰਵਾਂ’, ‘ਪਰੀਚੈ’, ‘ਮਾਵਾਲੀ’ ਸਮੇਤ ਕਈ ਹਿੱਟ ਫਿਲਮਾਂ ‘ਚ ਕੰਮ ਕੀਤਾ ਹੈ। ਉਸ ਦੇ ਵਿਲੱਖਣ ਡਾਂਸਿੰਗ ਸਟਾਈਲ ਕਾਰਨ ਲੋਕ ਉਸ ਨੂੰ ਜੰਪਿੰਗ ਜੈਕ ਕਹਿ ਕੇ ਬੁਲਾਉਂਦੇ ਸਨ। ਜਤਿੰਦਰ ਨੇ ਲਗਭਗ 121 ਹਿੱਟ ਫਿਲਮਾਂ ਦਿੱਤੀਆਂ ਪਰ ਇਸ ਦੇ ਬਾਵਜੂਦ ਉਨ੍ਹਾਂ ਨੂੰ ਕਦੇ ਵੀ ਸਰਵੋਤਮ ਅਦਾਕਾਰ ਦਾ ਐਵਾਰਡ ਨਹੀਂ ਮਿਲਿਆ।
8 ਸਾਲਾਂ ‘ਚ 60 ਫਿਲਮਾਂ ‘ਚ ਕੰਮ ਕਰਨ ਵਾਲੇ ਜਤਿੰਦਰ ਨੇ ਕਰੀਬ 23 ਸਾਲ ਪਹਿਲਾਂ ਐਕਟਿੰਗ ਛੱਡ ਦਿੱਤੀ ਸੀ। 2001 ‘ਚ ਉਹ ਫਿਲਮ ‘ਕੁਛ ਤੋ ਹੈ’ ‘ਚ ਨਜ਼ਰ ਆਏ ਸਨ।
ਇਸ ਤੋਂ ਬਾਅਦ ਉਹ ਕੁਝ ਮਿੰਟਾਂ ਲਈ ਹੀ ਕੁਝ ਟੀਵੀ ਸੀਰੀਅਲ ਅਤੇ ਵੈੱਬ ਸੀਰੀਜ਼ ‘ਚ ਨਜ਼ਰ ਆਏ ਹੈ। ਇੱਕ ਇੰਟਰਵਿਊ ਵਿੱਚ ਜਤਿੰਦਰ ਨੇ ਇੱਥੋਂ ਤੱਕ ਕਿਹਾ ਸੀ ਕਿ ਉਨ੍ਹਾਂ ਨੂੰ ਇਹ ਵੀ ਯਾਦ ਨਹੀਂ ਸੀ ਕਿ ਉਹ ਕਦੇ ਐਕਟਰ ਸਨ।
ਵੈਸੇ ਤਾਂ ਐਕਟਿੰਗ ਤੋਂ ਇਲਾਵਾ ਜਤਿੰਦਰ ਨੇ ਪ੍ਰੋਡਕਸ਼ਨ ਹਾਊਸ ਤੋਂ ਵੀ ਕਾਫੀ ਕਮਾਈ ਕੀਤੀ ਪਰ ਫਿਲਮਾਂ ਦਾ ਨਿਰਮਾਣ ਕਰਦੇ ਹੋਏ ਜਤਿੰਦਰ ਦੋ ਵਾਰ ਦੀਵਾਲੀਆ ਵੀ ਹੋ ਗਏ। ਫਿਰ ਵੀ ਜਤਿੰਦਰ ਨੇ ਹਾਰ ਨਹੀਂ ਮੰਨੀ ਅਤੇ ਅੱਜ ਉਨ੍ਹਾਂ ਦੀ ਜਾਇਦਾਦ 1512 ਕਰੋੜ ਰੁਪਏ ਹੈ।
