ਜੇਕਰ ਤੁਸੀਂ ਵੀ ਕਿਸੇ ਐਪਲ ਡਿਵਾਈਸ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਡੇ ਲਈ ਵੱਡੀ ਖਬਰ ਹੈ। ਐਪਲ ਨੇ ਆਪਣੇ ਉਪਭੋਗਤਾਵਾਂ ਨੂੰ ਇੱਕ ਵੱਡੇ ਸਾਈਬਰ ਹਮਲੇ ਬਾਰੇ ਚੇਤਾਵਨੀ ਦਿੱਤੀ ਹੈ। ਐਪਲ ਨੇ ਕਿਹਾ ਹੈ ਕਿ ਭਾਰਤ ਸਮੇਤ ਦੁਨੀਆ ਦੇ 91 ਦੇਸ਼ਾਂ ਦੇ ਉਪਭੋਗਤਾ ਕਿਸੇ ਵੀ ਸਮੇਂ ਪੈਗਾਸਸ ਵਰਗੇ ਸਪਾਈਵੇਅਰ ਦਾ ਸ਼ਿਕਾਰ ਹੋ ਸਕਦੇ ਹਨ।
ਐਪਲ ਨੇ ਆਈਫੋਨ ‘ਤੇ ਪੈਗਾਸਸ ਵਰਗੇ ਸਪਾਈਵੇਅਰ ਹਮਲੇ ਦਾ ਖਤਰਾ ਜਤਾਇਆ ਹੈ। ਇਕਨਾਮਿਕ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ‘ਮਰਸੇਨਰੀ ਸਪਾਈਵੇਅਰ’ ਰਾਹੀਂ ਆਈਫੋਨ ਯੂਜ਼ਰਸ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਇਸ ਰਾਹੀਂ ਆਈਫੋਨ ਨੂੰ ਐਕਸੈਸ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਇਸ ਨੂੰ ਲੈ ਕੇ ਐਪਲ ਨੇ ਭਾਰਤ ਸਮੇਤ 91 ਦੇਸ਼ਾਂ ‘ਚ ਆਪਣੇ ਯੂਜ਼ਰਸ ਨੂੰ ਚੇਤਾਵਨੀ ਮੇਲ ਭੇਜੀ ਹੈ।
ਐਪਲ ਨੇ ਕੁਝ ਭਾਰਤੀ ਉਪਭੋਗਤਾਵਾਂ ਨੂੰ 11 ਅਪ੍ਰੈਲ ਨੂੰ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 12:30 ਵਜੇ ਚੇਤਾਵਨੀ ਮੇਲ ਭੇਜੀ ਹੈ। ਜਿਸ ਚ ਲਿਖਿਆ ਹੈ- ਚੇਤਾਵਨੀ: ਐਪਲ ਨੇ ਤੁਹਾਡੇ ਆਈਫੋਨ ‘ਤੇ ਇੱਕ ਟਾਰਗੇਟਡ ਮਰਸੇਨਰੀ ਸਪਾਈਵੇਅਰ ਹਮਲੇ ਦਾ ਪਤਾ ਲਗਾਇਆ ਹੈ।
ਮੇਲ ਵਿੱਚ ਲਿਖਿਆ ਹੈ, ‘ਐਪਲ ਨੇ ਪਤਾ ਲਗਾਇਆ ਹੈ ਕਿ ਤੁਸੀਂ ਇੱਕ ‘Mercenary Spyware’ ਹਮਲੇ ਦੇ ਸ਼ਿਕਾਰ ਹੋ ਰਹੇ ਓ, ਜੋ ਤੁਹਾਡੀ Apple ID -xxx- ਨਾਲ ਜੁੜੇ ਇੱਕ ਆਈਫੋਨ ਨੂੰ ਰਿਮੋਟਲੀ ਹੈਕ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਕਿਰਪਾ ਕਰਕੇ ਇਸ ਨੂੰ ਗੰਭੀਰਤਾ ਨਾਲ ਲਓ।”