ਚੀਨੀ ਤਕਨੀਕੀ ਕੰਪਨੀ ਵੀਵੋ ਨੇ ਭਾਰਤੀ ਬਾਜ਼ਾਰ ‘ਚ Vivo T3X 5G ਸਮਾਰਟਫੋਨ ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਇਸ ਸਮਾਰਟਫੋਨ ‘ਚ 44W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ 6000mAh ਦੀ ਬੈਟਰੀ, Qualcomm Snapdragon 6 Gen1 ਪ੍ਰੋਸੈਸਰ ਅਤੇ 50 ਮੈਗਾਪਿਕਸਲ ਕੈਮਰਾ ਦਿੱਤਾ ਹੈ।
ਵੀਵੋ ਦਾ ਦਾਅਵਾ ਹੈ ਕਿ 0.799 ਸੈਂਟੀਮੀਟਰ ਮੋਟਾਈ ਅਤੇ ਸਨੈਪਡ੍ਰੈਗਨ 6 ਜੇਨ 1 ਪ੍ਰੋਸੈਸਰ ਦੇ ਨਾਲ, ਇਹ ਸੈਗਮੈਂਟ ਦਾ ਸਭ ਤੋਂ ਪਤਲਾ ਅਤੇ ਤੇਜ਼ ਸਮਾਰਟਫੋਨ ਹੋਵੇਗਾ। ਕੰਪਨੀ ਨੇ ਇਸ ਫੋਨ ਨੂੰ ਭਾਰਤੀ ਬਾਜ਼ਾਰ ‘ਚ ਦੋ ਕਲਰ ਆਪਸ਼ਨ ਅਤੇ ਤਿੰਨ ਸਟੋਰੇਜ ਵੇਰੀਐਂਟ ‘ਚ ਲਾਂਚ ਕੀਤਾ ਹੈ।
Vivo T3X ਸਮਾਰਟਫੋਨ ‘ਚ 120Hz ਰਿਫਰੈਸ਼ ਰੇਟ ਦੇ ਨਾਲ 6.72 ਇੰਚ ਦੀ ਫੁੱਲ HD+ AMOLED ਡਿਸਪਲੇ ਮਿਲੇਗੀ। ਕੰਪਨੀ ਨੇ ਫੋਟੋਗ੍ਰਾਫੀ ਅਤੇ ਵੀਡੀਓ ਰਿਕਾਰਡਿੰਗ ਲਈ ਸਮਾਰਟਫੋਨ ਦੇ ਰਿਅਰ ਪੈਨਲ ‘ਤੇ ਡਿਊਲ ਕੈਮਰਾ ਸੈੱਟਅਪ ‘ਚ 50MP + 2MP ਕੈਮਰਾ ਅਤੇ ਸੈਲਫੀ ਅਤੇ ਵੀਡੀਓ ਰਿਕਾਰਡਿੰਗ ਲਈ 8MP ਕੈਮਰਾ ਦਿੱਤਾ ਹੈ। ਸਮਾਰਟਫੋਨ ‘ਚ ਕੁਨੈਕਟੀਵਿਟੀ ਲਈ ਕੰਪਨੀ ਨੇ USB Type-C ਚਾਰਜਿੰਗ ਪੋਰਟ, 2G ਤੋਂ 5G ਬੈਂਡ ਸਪੋਰਟ ਅਤੇ ਸਾਈਡ ਫਿੰਗਰਪ੍ਰਿੰਟ ਸੈਂਸਰ ਦਿੱਤਾ ਹੈ।
ਦੱਸ ਦਈਏ ਕਿ Vivo T3X ਦੇ 4 GB ਰੈਮ ਅਤੇ 128 GB ਸਟੋਰੇਜ ਵੇਰੀਐਂਟ ਦੀ ਕੀਮਤ 13,499 ਰੁਪਏ ਹੈ। ਪਰ ਇਸਨੂੰ 1000 ਰੁਪਏ ਦੇ ਬੈਂਕ ਆਫਰ ਦੇ ਨਾਲ 12,499 ਰੁਪਏ ਵਿੱਚ ਖਰੀਦਿਆ ਜਾ ਸਕਦਾ ਹੈ। ਜਦੋਂ ਕਿ 6 ਜੀਬੀ ਰੈਮ ਅਤੇ 128 ਜੀਬੀ ਸਟੋਰੇਜ ਵੇਰੀਐਂਟ ਨੂੰ 1500 ਰੁਪਏ ਦੀ ਛੋਟ ਦੇ ਨਾਲ 14,999 ਰੁਪਏ ਦੀ ਬਜਾਏ 13,499 ਰੁਪਏ ਵਿੱਚ ਖਰੀਦਿਆ ਜਾ ਸਕਦਾ ਹੈ।