ਗੂਗਲ ਨੇ ਭਾਰਤ ਦੀ ਪਹਿਲੀ ਮਹਿਲਾ ਪਹਿਲਵਾਨ ਹਮੀਦਾ ਬਾਨੋ ਨੂੰ ਡੂਡਲ ਰਾਹੀਂ ਸ਼ਰਧਾਂਜਲੀ ਦਿੱਤੀ ਹੈ। ਅੱਜ ਗੂਗਲ ਦੇ ਹੋਮ ਪੇਜ ‘ਤੇ ਸਰਚ ਇੰਜਣ ਦਾ ਲੋਗੋ ਹਮੀਦਾ ਦੀ ਤਸਵੀਰ ਦਾ ਹੈ। ਹਮੀਦਾ 1940 ਅਤੇ 50 ਦੇ ਦਹਾਕੇ ਦੌਰਾਨ ਕੁਸ਼ਤੀ ਕਰਦੀ ਸੀ। ਉਹ ਉੱਤਰ ਪ੍ਰਦੇਸ਼ ਦੇ ਅਲੀਗੜ੍ਹ ਦੀ ਰਹਿਣ ਵਾਲੀ ਸੀ। ਹਮੀਦਾ ਨੇ ਪਹਿਲਵਾਨ ਬਾਬਾ ਪਹਿਲਵਾਨ ਨੂੰ ਸਿਰਫ਼ 1 ਮਿੰਟ 34 ਸਕਿੰਟ ‘ਚ ਹਰਾਇਆ, ਜਿਸ ਤੋਂ ਬਾਅਦ ਉਸ ਨੇ ਪੇਸ਼ੇਵਰ ਕੁਸ਼ਤੀ ਤੋਂ ਸੰਨਿਆਸ ਲੈ ਲਿਆ।
ਭਾਰਤ ਦੀ ਪਹਿਲੀ ਪੇਸ਼ੇਵਰ ਮਹਿਲਾ ਪਹਿਲਵਾਨ ਵਜੋਂ ਜਾਣੀ ਜਾਂਦੀ ਬਾਨੋ ਦੀ ਪ੍ਰਸਿੱਧੀ ਦਾ ਸਫ਼ਰ ਚੁਣੌਤੀਆਂ ਭਰਪੂਰ ਹੋਣ ਦੇ ਨਾਲ ਨਾਲ ਕਮਾਲ ਦਾ ਵੀ ਸੀਚੁਣੌਤੀਆਂਅਲੀਗੜ੍ਹ, ਉੱਤਰ ਪ੍ਰਦੇਸ਼ ਦੀ ਰਹਿਣ ਵਾਲੀ ਹਮੀਦਾ ਬਾਨੋ, “ਅਲੀਗੜ੍ਹ ਦੀ ਐਮਾਜ਼ਾਨ” ਵਜੋਂ ਪ੍ਰਸਿੱਧ ਹੋ ਗਈ। ਮੁੰਬਈ ਵਿੱਚ 1954 ਦੇ ਇੱਕ ਮੁਕਾਬਲੇ ਵਿੱਚ, ਬਾਨੋ ਨੇ ਕਥਿਤ ਤੌਰ ‘ਤੇ ਰੂਸ ਦੀ “ਮਾਦਾ ਭਾਲੂ” ਵਜੋਂ ਜਾਣੀ ਜਾਂਦੀ ਵੇਰਾ ਚਿਸਟੀਲਿਨ ਨੂੰ ਇੱਕ ਮਿੰਟ ਤੋਂ ਵੀ ਘੱਟ ਸਮੇਂ ਵਿੱਚ ਹਰਾਇਆ ਸੀ।
ਦੱਸਿਆ ਜਾਂਦਾ ਹੈ ਕਿ ਹਮੀਦਾ ਬਾਨੋ ਦਾ ਭਾਰ 108 ਕਿਲੋਗ੍ਰਾਮ (ਲਗਭਗ) ਅਤੇ ਉਸਦੀ ਉਚਾਈ 1.6 ਮੀਟਰ ਸੀ। ਉਸਨੂੰ ਦੁੱਧ ਬਹੁਤ ਪਸੰਦ ਸੀ ਅਤੇ ਰੋਜ਼ਾਨਾ 5-6 ਲੀਟਰ ਦੁੱਧ ਪੀਂਦੀ ਸੀ। ਆਪਣੇ ਕਰੀਅਰ ਦੌਰਾਨ ਉਹ ਫਲਾਂ ਦਾ ਜੂਸ ਵੀ ਪਸੰਦ ਕਰਨ ਲੱਗ ਗਈ। ਬਾਨੋ ਦੇ ਖਾਣੇ ਵਿੱਚ ਬਿਰਯਾਨੀ, ਮਟਨ, ਬਦਾਮ ਅਤੇ ਮੱਖਣ ਵੀ ਸ਼ਾਮਲ ਸੀ।