ਮਸ਼ਹੂਰ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦੇ 15ਵੇਂ ਸੀਜ਼ਨ ‘ਚ ਵਾਈਲਡਕਾਰਡ ਦੇ ਰੂਪ ‘ਚ ਨਜ਼ਰ ਆਉਣ ਵਾਲੀ ਅਭਿਨੇਤਰੀ ਦੇਵੋਲੀਨਾ ਭੱਟਾਚਾਰਜੀ ਦੀ ਹਾਲ ਹੀ ‘ਚ ਸਰਜਰੀ ਹੋਈ ਹੈ। ਅਭਿਨੇਤਰੀ ਪੋਲ ਟਾਸਕ ਦੌਰਾਨ ਜਖ਼ਮੀ ਹੋ ਗਈ ਸੀ। ਹੁਣ ਉਸਨੇ ਇੱਕ ਵੀਡੀਓ ਦੇ ਨਾਲ ਇੱਕ ਨੋਟ ਵੀ ਲਿਖਿਆ ਹੈ ਜਿਸ ਵਿੱਚ ਉਹ ਹਸਪਤਾਲ ਵਿੱਚ ਹੈ। ਉਸ ਨੇ ਸਰਜਰੀ ਕਰਵਾਈ ਹੈ ਅਤੇ ਉਹ ਬਾਗ ਵਿਚ ਘੁੰਮ ਰਹੀ ਹੈ ਅਤੇ ਆਪਣੇ ਕੁੱਤੇ ਨਾਲ ਸਮਾਂ ਬਿਤਾਉਂਦੀ ਨਜ਼ਰ ਆ ਰਹੀ ਹੈ।
ਵੀਡੀਓ ਦੇ ਬੈਕਗ੍ਰਾਊਂਡ ‘ਚ ‘ਦਿਲ ਹੈ ਛੋਟਾ ਸਾ’ ਗੀਤ ਚੱਲ ਰਿਹਾ ਹੈ। ਦੇਵੋਲੀਨਾ ਨੇ ਵੀਡੀਓ ਦੇ ਨਾਲ ਆਪਣੇ ‘ਬਿੱਗ ਬੌਸ 15’ ਦੇ ਸਫਰ ਦੌਰਾਨ ਆਏ ਉਤਰਾਅ-ਚੜ੍ਹਾਅ ਬਾਰੇ ਵੀ ਦੱਸਿਆ ਹੈ। ਅਦਾਕਾਰਾ ਨੇ ਇੱਕ ਨੋਟ ਵਿੱਚ ਲਿਖਿਆ ਹੈ ਕਿ 19 ਘੰਟੇ ਤੱਕ ਕੰਮ ਕਰਨ ਦਾ ਉਸ ‘ਤੇ ਕੀ ਪ੍ਰਭਾਵ ਪਿਆ। ਆਪਣੇ ਬਿੱਗ ਬੌਸ 15 ਦੇ ਸਫਰ ਨੂੰ ਯਾਦ ਕਰਦੇ ਹੋਏ ਦੇਵੋਲੀਨਾ ਨੇ ਲਿਖਿਆ, ”ਮੇਰੀ BB15 ਯਾਤਰਾ ਇੱਕ ਰੋਲਰ ਕੋਸਟਰ ਰਾਈਡ ਸੀ।
ਮੈਂ ਮਾਨਸਿਕ, ਸਰੀਰਕ ਜਾਂ ਭਾਵਨਾਤਮਕ ਤੌਰ ‘ਤੇ ਬਹੁਤ ਸਾਰੇ ਉਤਰਾਅ-ਚੜ੍ਹਾਅ ਦਾ ਸਾਹਮਣਾ ਕੀਤਾ ਸੀ।। ਜਿਵੇਂ ਕਿ ਤੁਸੀਂ ਸਾਰੇ ਜਾਣਦੇ ਹੋ ਕਿ ਪੋਲ ਟਾਸਕ ਦੌਰਾਨ ਮੈਂ ਜ਼ਖਮੀ ਹੋ ਗਈ ਸੀ। ‘ਬਿੱਗ ਬੌਸ 15’ ਤੋਂ ਬਾਹਰ ਹੋਣ ਤੋਂ ਬਾਅਦ, ਮੈਨੂੰ ਤੁਰੰਤ ਨਰਵ ਡੀਕੰਪ੍ਰੇਸ਼ਨ ਸਰਜਰੀ ਕਰਵਾਉਣੀ ਪਈ।
