ਅਹਿਮਦਾਬਾਦ : – IPL ‘ਚ ਅਹਿਮਦਾਬਾਦ ਦੀ ਟੀਮ ਦਾ ਨਾਂ ‘ਗੁਜਰਾਤ ਟਾਈਟਨਸ’ ਹੋਵੇਗਾ। ਟੀਮ ਫਰੈਂਚਾਇਜ਼ੀ ਸੀਵੀਸੀ ਕੈਪੀਟਲ ਨੇ 12 ਅਤੇ 13 ਫਰਵਰੀ ਨੂੰ ਹੋਣ ਵਾਲੀ ਖਿਡਾਰੀਆਂ ਦੀ ਮੇਗਾ ਨਿਲਾਮੀ ਤੋਂ ਪਹਿਲਾਂ ਇਹ ਐਲਾਨ ਕੀਤਾ ਹੈ। ਟੀਮ ਦੇ ਕੋਚ ਆਸ਼ੀਸ਼ ਨਹਿਰਾ ਹੋਣਗੇ। ਇਸ ਦੇ ਨਾਲ ਹੀ ਕਪਤਾਨ ਹਾਰਦਿਕ ਪੰਡਯਾ ਨੂੰ ਬਣਾਇਆ ਗਿਆ ਹੈ।
ਟੀਮ ਨੇ ਪਹਿਲਾਂ ਹੀ ਭਾਰਤੀ ਆਲਰਾਊਂਡਰ ਹਾਰਦਿਕ ਪੰਡਯਾ ਅਤੇ ਅਫਗਾਨਿਸਤਾਨ ਦੇ ਤਜਰਬੇਕਾਰ ਸਪਿਨਰ ਰਾਸ਼ਿਦ ਖਾਨ ਨੂੰ 15-15 ਕਰੋੜ ਰੁਪਏ ਵਿਚ ਸ਼ਾਮਲ ਕੀਤਾ ਹੈ, ਜਦਕਿ ਨੌਜਵਾਨ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨੂੰ 8 ਕਰੋੜ ਰੁਪਏ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਅਹਿਮਦਾਬਾਦ ਦੀ ਟੀਮ ਨੂੰ ਸੀਵੀਸੀ ਕੈਪੀਟਲ ਗਰੁੱਪ ਨੇ 5625 ਕਰੋੜ ਰੁਪਏ ਦੀ ਬੋਲੀ ‘ਤੇ ਖਰੀਦਿਆ ਹੈ।
