ਕੀ ਕੋਈ ਸਰਜਰੀ ਦਾ ਆਦੀ ਹੋ ਸਕਦਾ ਹੈ? ਜੇਕਰ ਅਮਰੀਕੀ ਮਾਡਲ ਮੈਰੀ ਮੈਗਡੇਲੀਨ ਨੂੰ ਇਹ ਸਵਾਲ ਪੁੱਛਿਆ ਜਾਵੇ ਤਾਂ ਉਹ ਯਕੀਨੀ ਤੌਰ ‘ਤੇ ਹਾਂ ਦਾ ਜਵਾਬ ਦੇਵੇਗੀ। ਉਸ ਨੇ ਆਪਣੇ ਸਰੀਰ ਦੇ ਲਗਭਗ ਹਰ ਹਿੱਸੇ ਦੀ ਕਾਸਮੈਟਿਕ ਸਰਜਰੀ ਕਰਵਾਈ ਹੈ। 25 ਸਾਲਾ ਮਾਡਲ ਮੈਰੀ ਮੈਗਡੇਲੀਨ ਨੇ ਦੱਸਿਆ ਕਿ ਹਾਲ ਹੀ ‘ਚ ਉਸ ਨੇ ਆਪਣੇ ਨੱਕ ਦੀ ਸਰਜਰੀ ਕਰਵਾਈ ਹੈ, ਜਿਸ ਨਾਲ ਉਸ ਦਾ ਨੱਕ ‘ਬਾਰਬੀ ਡੌਲ’ ਵਰਗਾ ਲੱਗਦਾ ਹੈ। ਦੋ ਸਾਲ ਪਹਿਲਾਂ ਉਨ੍ਹਾਂ ਦੇ ਪ੍ਰਾਈਵੇਟ ਪਾਰਟ ਦੀ ਸਰਜਰੀ ਵੀ ਹੋਈ ਸੀ। ਇਕ ਅੰਦਾਜ਼ੇ ਮੁਤਾਬਕ ਉਸ ਨੇ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਦੀ ਸਰਜਰੀ ‘ਤੇ ਕੁੱਲ 75 ਲੱਖ ਰੁਪਏ ਤੋਂ ਵੱਧ ਖਰਚ ਕੀਤੇ ਹਨ। ਉਸ ਨੇ ਆਪਣੇ ਸਰੀਰ ‘ਤੇ ਕੀਤੀਆਂ ਇਨ੍ਹਾਂ ਸਾਰੀਆਂ ਸਰਜਰੀਆਂ ਨੂੰ ਇੰਸਟਾਗ੍ਰਾਮ ‘ਤੇ ਵੀ ਸ਼ੇਅਰ ਕੀਤਾ ਹੈ।
ਉਸ ਨੇ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀ ਫੋਟੋ ਦੇ ਅਨੁਸਾਰ, ਉਹ ਤਿੰਨ ਵਾਰ ਨੱਕ ਦੀ ਸਰਜਰੀ, ਚਿਹਰੇ ਦੀ ਸਰਜਰੀ, ਚਿਹਰੇ ‘ਤੇ ਫੈਟ ਟ੍ਰਾਂਸਫਰ ਸਮੇਤ ਦਰਜਨਾਂ ਆਪਰੇਸ਼ਨ ਕਰਵਾ ਚੁੱਕੀ ਹੈ| ਉਸ ਨੇ ਇੰਸਟਾਗ੍ਰਾਮ ‘ਤੇ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਉਨ੍ਹਾਂ ਨੇ 21 ਸਾਲ ਦੀ ਉਮਰ ਵਿੱਚ ਪਹਿਲੀ ਵਾਰ ਕਾਸਮੈਟਿਕ ਸਰਜਰੀ ਕਰਵਾਈ ਸੀ। ਅਗਲੇ ਹਫਤੇ ਮੈਰੀ ਮੈਗਡੇਲੀਨ ਆਈਬ੍ਰੋ ਟਰਾਂਸਪਲਾਂਟ ਕਰਵਾਉਣ ਜਾ ਰਹੀ ਹੈ। ਠੋਡੀ, ਬੁੱਲ੍ਹਾਂ ਦੀ ਸਰਜਰੀ ਪਹਿਲਾਂ ਹੀ ਕਰਵਾ ਚੁੱਕੀ ਹੈ।