ਨਵੀਂ ਦਿੱਲੀ : – ਉੱਤਰ ਪ੍ਰਦੇਸ਼ ਦੇ ਗੋਂਡਾ ਵਿੱਚ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੇ ਇੱਕ ਪ੍ਰਚਾਰ ਭਾਸ਼ਣ ਨੂੰ ਸੈਨਾ ਭਰਤੀ ਫੌਜ ਵਿੱਚ ਨੌਕਰੀਆਂ ਦੀ ਮੰਗ ਕਰਨ ਵਾਲੇ ਨੌਜਵਾਨਾਂ ਦੀ ਨਾਅਰੇਬਾਜ਼ੀ ਕਰਨ ਕਰਕੇ ਵਿਚਾਲੇ ਰੋਕਣਾ ਪਿਆ।
ਰੱਖਿਆ ਮੰਤਰੀ ਰਾਜਨਾਥ ਸਿੰਘ, ਜੋ ਕਿ ਸਟੇਜ ‘ਤੇ ਸਨ, ਨੇ ਵਿਰੋਧ ਬਾਰੇ ਪੁੱਛਿਆ ਅਤੇ ਫਿਰ ਸੈਨਾ ਭਰਤੀ ਹੋਣ ਦਾ ਭਰੋਸਾ ਦੇਣ ਤੋਂ ਬਾਅਦ ਅੱਗੇ ਵਧੇ।
“ਸੈਨਾ ਭਰਤੀ ਚਾਲੂ ਕਰੋ (ਫੌਜ ਵਿੱਚ ਭਰਤੀ ਸ਼ੁਰੂ ਕਰੋ)”, “ਹਮਾਰੀ ਮਾਂਗੇ ਪੂਰੀ ਕਰੋ (ਸਾਡੀ ਮੰਗ ਪੂਰੀ ਕਰੋ)” ਅੱਜ ਰੈਲੀ ਵਿੱਚ ਨਾਅਰੇ ਸਨ।
ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਫਿਰ ਪ੍ਰਦਰਸ਼ਨ ਕਰ ਰਹੇ ਨੌਜਵਾਨਾਂ ਨੂੰ “ਹੋਗੀ, ਹੋਗੀ (ਇਹ ਹੋ ਜਾਵੇਗਾ)”, “ਚਿੰਤਾ ਨਾ ਕਰੋ” ਕਹਿ ਕੇ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ।
“ਤੁਹਾਡੀ ਚਿੰਤਾ ਸਾਡੀ ਵੀ ਹੈ। ਕੋਰੋਨਵਾਇਰਸ ਕਾਰਨ ਕੁਝ ਮੁਸ਼ਕਲਾਂ ਆਈਆਂ,” ਉਨ੍ਹਾਂ ਨੇ ਸਮਝਾਇਆ।
ਫਿਰ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੇ ਜ਼ੋਰ ਪਾਉਣ ‘ਤੇ ਹਰ ਕੋਈ “ਭਾਰਤ ਮਾਤਾ ਕੀ ਜੈ” ਬੋਲਿਆ।
ਸਿੰਘ ਨੇ ਕਿਹਾ, “ਜੇਕਰ ਯੂਪੀ ਵਿੱਚ ਦੁਬਾਰਾ ਸੱਤਾ ਵਿੱਚ ਆਈ ਤਾਂ ਭਾਜਪਾ ਸਰਕਾਰ ਹਰ ਸਾਲ ਹੋਲੀ ਅਤੇ ਦੀਵਾਲੀ ਦੇ ਮੌਕੇ ‘ਤੇ ਮੁਫ਼ਤ ਐਲਪੀਜੀ ਗੈਸ ਸਿਲੰਡਰ ਮੁਹੱਈਆ ਕਰਵਾਏਗੀ।”
