ਉੱਤਰ ਪ੍ਰਦੇਸ਼ ਦੇ ਫ਼ਿਰੋਜ਼ਾਬਾਦ ਜ਼ਿਲ੍ਹੇ ਦੇ ਪੰਜ ਵਿਧਾਨ ਸਭਾ ਹਲਕਿਆਂ ਦੇ ਸਾਰੇ ਬੂਥਾਂ ‘ਤੇ ਐਤਵਾਰ ਸਵੇਰੇ 7 ਵਜੇ ਤੋਂ ਵੋਟਿੰਗ ਸ਼ੁਰੂ ਹੋ ਗਈ। ਫ਼ਿਰੋਜ਼ਾਬਾਦ ਵਿੱਚ ਇਸ ਵਾਰ ਸਾਰੀਆਂ ਸੀਟਾਂ ਲਈ 53 ਉਮੀਦਵਾਰ ਮੈਦਾਨ ਵਿੱਚ ਹਨ। ਉਨ੍ਹਾਂ ਦੀ ਕਿਸਮਤ ਦਾ ਫੈਸਲਾ ਜ਼ਿਲ੍ਹੇ ਦੇ 18.53 ਲੱਖ ਵੋਟਰ ਕਰਨਗੇ। ਵੋਟਿੰਗ ਲਈ 2195 ਬੂਥ ਬਣਾਏ ਗਏ ਹਨ। ਪਹਿਲੇ ਦੋ ਘੰਟਿਆਂ ਵਿੱਚ ਜ਼ਿਲ੍ਹੇ ਵਿੱਚ ਸਿਰਫ਼ 9.79 ਫੀਸਦੀ ਪੋਲਿੰਗ ਦਰਜ ਕੀਤੀ ਗਈ। ਸ਼ਿਕੋਹਾਬਾਦ ਵਿਧਾਨ ਸਭਾ ਚ ਸਵੇਰੇ 9 ਵਜੇ ਤੱਕ ਵੋਟਿੰਗ ਪ੍ਰਤੀਸ਼ਤ ਵਿੱਚ ਸਭ ਤੋਂ ਰਹੀ ਜਦਕਿ ਜਸਰਾਣਾ ਵਿਧਾਨ ਸਭਾ ਹਲਕੇ ਚ ਸਭ ਤੋਂ ਘੱਟ ਵੋਟਿੰਗ ਪ੍ਰਤੀਸ਼ਤ ਦਰਜ ਕੀਤੀ ਗਈ
ਦਸ ਦਈਏ ਕਿ ਟੁੰਡਲਾ ਵਿਧਾਨ ਸਭਾ ਵਿੱਚ 9.16 ਫੀਸਦੀ, ਜਸਰਾਣਾ ਵਿੱਚ 8.04 ਫੀਸਦੀ ਵੋਟਿੰਗ ਹੋਈ। ਫ਼ਿਰੋਜ਼ਾਬਾਦ ਵਿੱਚ 9.02, ਸ਼ਿਕੋਹਾਬਾਦ ਵਿੱਚ 11.05 ਪ੍ਰਤੀਸ਼ਤ ਵੋਟਾਂ ਪਈਆਂ। ਸਿਰਸਾਗੰਜ ਵਿੱਚ 11 ਫੀਸਦੀ ਪੋਲਿੰਗ ਦਰਜ ਕੀਤੀ ਗਈ ਹੈ। ਸਵੇਰੇ 9 ਵਜੇ ਤੋਂ ਬਾਅਦ ਪੋਲਿੰਗ ਸਟੇਸ਼ਨਾਂ ‘ਤੇ ਲੰਬੀਆਂ ਕਤਾਰਾਂ ਲੱਗ ਗਈਆਂ।