ਕਰੀਨਾ ਕਪੂਰ ਖਾਨ ਅਤੇ ਸੈਫ ਅਲੀ ਖਾਨ ਦੇ ਛੋਟੇ ਬੇਟੇ ਜੇਹ ਅਲੀ ਖਾਨ ਬੀਤੇ ਦਿਨ 1 ਸਾਲ ਦਾ ਹੋ ਗਿਆ ਹੈ। ਬੀਤੀ ਸ਼ਾਮ ਸਾਰਾ ਅਲੀ ਖਾਨ ਨੇ ਜੇਹ ਦੇ ਜਨਮਦਿਨ ਦੀ ਝਲਕ ਦਿਖਾਈ। ਇਸ ਦੌਰਾਨ ਹੁਣ ਜੇਹ ਦੇ ਜਨਮਦਿਨ ਦੀਆਂ ਅਣਦੇਖੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਜਿਸ ‘ਚ ਜੇਹ ਅਲੀ ਖਾਨ ਆਪਣੀ ਮਾਸੀ ਅਤੇ ਭੂਆ ਦੀ ਗੋਦ ‘ਚ ਨਜ਼ਰ ਆ ਰਿਹਾ ਹੈ । ਸੋਸ਼ਲ ਮੀਡੀਆ ‘ਤੇ ਇਨ੍ਹਾਂ ਤਸਵੀਰਾਂ ਨੂੰ ਦਰਸ਼ਕਾਂ ਦੇ ਵੱਲੋਂ ਪਸੰਦ ਕੀਤਾ ਜਾ ਰਿਹਾ ਹੈ ।
ਦੱਸ ਦਈਏ ਕਿ ਬੀਤੇ ਦਿਨ ਜੇਹ ਅਲੀ ਖਾਨ ਪੂਰੇ ਇੱਕ ਸਾਲ ਦਾ ਹੋ ਗਿਆ ਸੀ । ਜਿਸ ਦਾ ਬਰਥਡੇ ਬੜੀ ਹੀ ਧੂਮਧਾਮ ਦੇ ਨਾਲ ਮਨਾਇਆ ਗਿਆ । ਜੇਹ ਅਲੀ ਖ਼ਾਨ ਕਰੀਨਾ ਕਪੂਰ ਅਤੇ ਸੈਫ ਅਲੀ ਖਾਨ ਦਾ ਛੋਟਾ ਬੇਟਾ ਹੈ । ਇਸ ਤੋਂ ਪਹਿਲਾਂ ਕਰੀਨਾ ਕਪੂਰ ਖਾਨ ਦਾ ਇੱਕ ਵੱਡਾ ਬੇਟਾ ਤੈਮੂਰ ਅਲੀ ਖਾਨ ਵੀ ਹੈ । ਉਹ ਵੀ ਕਿਊਟਨੈਸ ਦੇ ਮਾਮਲੇ ‘ਚ ਘੱਟ ਨਹੀਂ ਹੈ । ਉਸ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੁੰਦੀਆਂ ਹਨ ਅਤੇ ਜੇਹ ਅਲੀ ਖਾਨ ਤੈਮੂਰ ਦੀ ਹੀ ਕਾਰਬਨ ਕਾਪੀ ਹੈ ।
ਇਸ ਤੋਂ ਪਹਿਲਾਂ ਸੈਫ ਅਲੀ ਖਾਨ ਨੇ ਅੰਮ੍ਰਿਤਾ ਸਿੰਘ ਦੇ ਨਾਲ ਵਿਆਹ ਕਰਵਾਇਆ ਸੀ ਅਤੇ ਇਸ ਵਿਆਹ ਤੋਂ ਸੈਫ ਅਲੀ ਖਾਨ ਦੇ ਦੋ ਬੱਚੇ ਹਨ ਸਾਰਾ ਅਲੀ ਖਾਨ ਅਤੇ ਇਬ੍ਰਾਹੀਮ ਖਾਨ । ਸਾਰਾ ਬਾਲੀਵੁੱਡ ਦੀਆਂ ਕਈ ਫ਼ਿਲਮਾਂ ‘ਚ ਕੰਮ ਕਰ ਚੁੱਕੀ ਹੈ ਜਦੋਂ ਕਿ ਇਬ੍ਰਾਹੀਮ ਨੇ ਬਾਲੀਵੁੱਡ ਤੋਂ ਦੂਰੀ ਬਣਾਈ ਹੋਈ ਹੈ ।ਬੀਤੇ ਦਿਨ ਸਭ ਨੇ ਰਲ ਕੇ ਨੰਨ੍ਹੇ ਜੇਹ ਅਲੀ ਖ਼ਾਨ ਦਾ ਜਨਮ ਦਿਨ ਮਨਾਇਆ ਸੀ ।ਇਸ ਜਨਮ ਦਿਨ ‘ਤੇ ਕਰਿਸ਼ਮਾ ਕਪੂਰ, ਜੇਹ ਅਲੀ ਖਾਨ ਦੀ ਭੂਆ ਵੀ ਮੌਜੂਦ ਸਨ ।
