1993 ਦੇ ਦਿੱਲੀ ਬੰਬ ਧਮਾਕੇ ਦੇ ਦੋਸ਼ੀ ਪ੍ਰੋ: ਦਵਿੰਦਰ ਪਾਲ ਸਿੰਘ ਭੁੱਲਰ ਦੀ ਪਤਨੀ ਨਵਨੀਤ ਕੌਰ, ਦਿੱਲੀ ਸਰਕਾਰ ਦੇ ਸਜ਼ਾ ਸਮੀਖਿਆ ਬੋਰਡ (SRB) ਵੱਲੋਂ ਆਪਣੇ ਪਤੀ ਦੀ ਸਮੇਂ ਤੋਂ ਪਹਿਲਾਂ ਰਿਹਾਈ ਨੂੰ ਟਾਲਣ ਤੋਂ ਨਾਰਾਜ਼ ਹੈ। ਹਾਲਾਂਕਿ, ਉਸਨੇ ਉਮੀਦ ਨਹੀਂ ਛੱਡੀ ਹੈ।
ਟ੍ਰਿਬਿਊਨ ਨਾਲ ਗੱਲਬਾਤ ਕਰਦਿਆਂ, ਉਨਾਂ ਨੇ ਕਿਹਾ ਕਿ ਇਹ ਬਹੁਤ “ਦਰਦਨਾਕ” ਹੈ ਕਿ ਉਨਾਂ ਦੇ “ਬੀਮਾਰ” ਪਤੀ ਨੂੰ 24 ਸਾਲਾਂ ਤੱਕ ਜੇਲ੍ਹ ਦੀਆਂ ਸਲਾਖਾਂ ਪਿੱਛੇ ਰਹਿਣ ਦੇ ਬਾਵਜੂਦ ਰਾਹਤ ਨਹੀਂ ਮਿਲ ਸਕੀ। “ਇਸ ਵਾਰ ਸਾਨੂੰ ਉਮੀਦ ਸੀ ਕਿ ਉਹ (ਭੁੱਲਰ) ਸਾਰੀ ਉਮਰ ਸਾਡੇ ਨਾਲ ਰਹੇਗਾ। ਮੈਨੂੰ ਉਮੀਦ ਹੈ, ਉਹ (ਕੇਜਰੀਵਾਲ), ਬਿਨਾਂ ਕਿਸੇ ਸਿਆਸੀ ਹਿੱਤ ਦੇ, ਅਗਲੀ ਵਾਰ ਪੈਨਲ ਦੀ ਮੀਟਿੰਗ ਹੋਣ ‘ਤੇ ਉਦਾਰਵਾਦੀ ਹੋਣਗੇ, ”ਉਨਾਂ ਨੇ ਕਿਹਾ।
ਭੁੱਲਰ ਉਨ੍ਹਾਂ ਅੱਠ ਸਿੱਖ ਕੈਦੀਆਂ ਵਿੱਚੋਂ ਇੱਕ ਸੀ, ਜਿਨ੍ਹਾਂ ਨੂੰ 2019 ਵਿੱਚ ਵਿਸ਼ੇਸ਼ ਛੋਟ ਦੇਣ ਦਾ ਐਲਾਨ ਕੀਤਾ ਗਿਆ ਸੀ, ਪਰ ਇਹ ਦਿੱਲੀ ਸਰਕਾਰ ਤੋਂ ਮਨਜ਼ੂਰੀ ਨਾ ਮਿਲਣ ਕਾਰਨ ਰੁਕਿਆ ਰਿਹਾ।