ਰੈਪ ਕਿੰਗ ਹਨੀ ਸਿੰਘ ਮੰਗਲਵਾਰ ਨੂੰ ਆਪਣਾ 39ਵਾਂ ਜਨਮਦਿਨ ਮਨਾ ਰਹੇ ਹਨ। 15 ਮਾਰਚ 1983 ਨੂੰ ਹੁਸ਼ਿਆਰਪੁਰ ਵਿੱਚ ਜਨਮੇ ਹਨੀ ਸਿੰਘ ਨੇ ਥੋੜ੍ਹੇ ਸਮੇਂ ‘ਚ ਹੀ ਕਾਫੀ ਪ੍ਰਸਿੱਧੀ ਖੱਟ ਲਈ। ਰੈਪ ਸੰਗੀਤ ਦੀ ਸ਼ੁਰੂਆਤ ਭਾਰਤ ਵਿੱਚ ਹਨੀ ਸਿੰਘ ਨੇ ਕੀਤੀ ਸੀ। ਮਸ਼ਹੂਰ ਸੰਗੀਤ ਨਿਰਦੇਸ਼ਕ ਅਤੇ ਗਾਇਕ ਹਨੀ ਸਿੰਘ ਨੇ ਕਈ ਹਿੱਟ ਪਾਰਟੀ ਗੀਤ ਗਾਏ ਹਨ। ਉਸਨੇ ਬਾਲੀਵੁੱਡ ਫਿਲਮਾਂ ਵਿੱਚ ਵੀ ਕਈ ਹਿੱਟ ਟਰੈਕ ਬਣਾਏ ਹਨ। ਉਸਦੀ ਰੈਪ ਸ਼ੈਲੀ ਅਤੇ ਬੋਲ ਵੱਖਰੇ ਹੀ ਹਨ ਅਤੇ ਕਿਸੇ ਵੀ ਪਾਰਟੀ ਦੀ ਸ਼ੁਰੂਆਤ ਜ਼ਿਆਦਾਤਰ ਉਸਦੇ ਗਾਣਿਆਂ ਨਾਲ ਹੀ ਹੁੰਦੀ ਹੈ।
ਸਨੀ ਸਨੀ
ਯੋ ਯੋ ਹਨੀ ਸਿੰਘ ਅਤੇ ਨੇਹਾ ਕੱਕੜ ਦਾ ਗਾਇਆ ਗਾਣਾ “ਸਨੀ ਸਨੀ” ਸਭ ਦਾ ਪਸੰਦੀਦਾ ਪਾਰਟੀ ਸਾਂਗ ਹੈ। ਇਹ ਫਿਲਮ ਯਾਰੀਆਂ ਵਿੱਚ ਫਿਲਮਾਇਆ ਗਿਆ ਸੀ। ਇਸ ਵਿੱਚ ਗਰਮੀਆਂ ਦੀਆਂ ਵਾਈਬਸ ਹਨ ਅਤੇ ਇੱਕ ਯਕੀਨੀ ਪੂਲ ਪਾਰਟੀ ਹਿੱਟ ਹੈ।
ਹਾਈ ਹੀਲਸ
ਇਹ ਗਰੋਵੀ ਨੰਬਰ ਫਿਲਮ “ਕੀ ਐਂਡ ਕਾ” ਵਿੱਚ ਦਿਖਾਇਆ ਗਿਆ ਹੈ। ਇਹ ਕਿਸੇ ਵੀ ਮੌਕੇ ‘ਤੇ ਡਾਂਸ ਕਰਨ ਲਈ ਤੁਹਾਨੂੰ ਮਜਬੂਰ ਕਰ ਦਏਗਾ। ਇਸ ਦੇ ਨਾਲ ਹੀ ਇਸ ਗਾਣੇ ਦੇ ਬੋਲ ਵੀ ਬਹੁਤ ਹਨ। 2016 ਵਿਚ ਆਇਆ ਯੋ ਯੋ ਹਨੀ ਸਿੰਘ ਦਾ ਇਹ ਗਾਣਾ ਥੋੜੇ ਸਮੇ ‘ਚ ਹੀ ਨੌਜਵਾਨਾਂ ਦੀ ਪਹਿਲੀ ਪਸੰਦ ਬਣ ਗਿਆ ਸੀ।
ਲੁੰਗੀ ਡਾਂਸ
ਸ਼ਾਹਰੁਖ ਖਾਨ ਅਤੇ ਦੀਪਿਕਾ ਪਾਦੁਕੋਣ ਦੀ ਚੇਨਈ ਐਕਸਪ੍ਰੈਸ ਵਿੱਚ ਪ੍ਰਦਰਸ਼ਿਤ ਗਾਣਾ ਲੂੰਗੀ ਡਾਂਸ ਕਈ ਸਾਲਾਂ ਤਕ ਪ੍ਰਸ਼ੰਸਕਾਂ ਦਾ ਪਸੰਦੀਦਾ ਰਿਹਾ ਹੈ। ਜਦੋਂ ਇਹ ਟਰੈਕ ਚੱਲਦਾ ਹੈ ਤਾਂ ਤੁਸੀਂ ਆਪਣੇ ਆਪ ਨੂੰ ਡਾਂਸ ਕਰਨ ਤੋਂ ਰੋਕ ਨਹੀਂ ਸਕੋਗੇ। 2013 ਵਿਚ ਆਏ ਇਸ ਗਾਣੇ ਨੂੰ ਸੋਸ਼ਲ ਮੀਡੀਆ ਤੇ 500 ਮਿਲੀਆਂ ਤੋਂ ਵੱਧ ਲੋਕਾਂ ਵੱਲੋ ਪਸੰਦ ਕੀਤਾ ਗਿਆ ਹੈ।
ਹਨੀ ਸਿੰਘ ਨੇ ਦਿਲਜੀਤ ਦੋਸਾਂਝ ਨਾਲ 'ਲੱਕ 28 ਕੁੜੀ ਦਾ' ਗੀਤ ਗਾਇਆ ਸੀ, ਜੋ 'ਬੀਬੀਸੀ ਏਸ਼ੀਅਨ ਡਾਉਨਲੋਡ ਚਾਰਟ' 2011 ਦੀ ਸੂਚੀ ਵਿੱਚ ਨੰਬਰ 1 'ਤੇ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣੇ ਕਰੀਅਰ ਦੇ ਕਈ ਹਿੱਟ ਗੀਤ ਦਿੱਤੇ। ਉਨ੍ਹਾਂ ਦੇ ਹਰ ਗੀਤ 'ਯੋ ਯੋ ਹਨੀ ਸਿੰਘ' ਰੈਪ ਦਾ ਹਿੱਸਾ ਜ਼ਰੂਰ ਸੀ।
