ਨਵੀਂ ਦਿੱਲੀ: ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਲੰਬੇ ਰਿਸ਼ਤੇ ਤੋਂ ਬਾਅਦ ਹੁਣ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ ਹਨ। ਸੋਸ਼ਲ ਮੀਡੀਆ ‘ਤੇ ਫੈਨਜ਼ ਵੱਲੋਂ ਵਧਾਈਆਂ ਦਾ ਦੌਰ ਜਾਰੀ ਹੈ। ਭੱਟ ਅਤੇ ਕਪੂਰ ਪਰਿਵਾਰ ਦੇ ਨਾਲ-ਨਾਲ ਸਿਰਫ ਖਾਸ ਮਹਿਮਾਨ ਅਤੇ ਦੋਸਤ ਹੀ ਵਿਆਹ ਦਾ ਹਿੱਸਾ ਰਹੇ ਸਨ। ਇਸ ਵਿਆਹ ਤੋਂ ਬਾਅਦ ਹੁਣ ਦੋਵੇਂ ਰਿਸੈਪਸ਼ਨ ਨਹੀਂ ਕਰਨਗੇ, ਇਸ ਗੱਲ ਦਾ ਐਲਾਨ ਇਸ ਜੋੜੇ ਨੇ ਬੀਤੇ ਦਿਨ ਹੀ ਕਰ ਦਿੱਤਾ ਸੀ। ਇਸ ਦੇ ਨਾਲ ਹੀ ਵਿਆਹ ‘ਚ ਆਏ ਮਹਿਮਾਨਾਂ ਨੇ ਵਿਆਹ ਦੀਆਂ ਤਸਵੀਰਾਂ ਲਗਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਸ ਦੇ ਨਾਲ ਹੀ ਕਪੂਰ ਦੀ ਫੈਮਿਲੀ ਫੋਟੋ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਇਸ ਫੋਟੋ ਵਿੱਚ ਛੋਟੇ ਤੋਂ ਲੈ ਕੇ ਵੱਡੇ ਤੱਕ ਮੈਂਬਰ ਸ਼ਾਮਲ ਹਨ। ਤਸਵੀਰ ‘ਚ ਨਵੀਂ ਵਿਆਹੀ ਜੋੜੀ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਸਾਹਮਣੇ ਪੋਜ਼ ਦਿੰਦੇ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ ‘ਚ ਕਰੀਨਾ ਅਤੇ ਕਰਿਸ਼ਮਾ ਕਪੂਰ ਰਣਬੀਰ ਕਪੂਰ ਦੀ ਭੈਣ ਰਿਧੀਮਾ ਕਪੂਰ, ਅਨੀਸ਼ਾ ਮਲਹੋਤਰਾ ਰਣਬੀਰ ਕਪੂਰ ਦੀ ਮਾਸੀ ਦੇ ਬੇਟੇ ਨਿਖਿਲ ਨੰਦਾ, ਸ਼ਵੇਤਾ ਬੱਚਨ ਅਤੇ ਨਵਿਆ ਨਵੇਲੀ ਨੰਦਾ, ਰੀਮਾ ਜੈਨ ਅਤੇ ਉਨ੍ਹਾਂ ਦੇ ਬੱਚੇ ਆਧਾਰ ਜੈਨ ਅਤੇ ਅਰਮਾਨ ਜੈਨ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ ਦੇ ਨਾਲ ਦੂਜੀ ਤਸਵੀਰ ‘ਚ ਆਕਾਸ਼ ਅੰਬਾਨੀ ਅਤੇ ਉਨ੍ਹਾਂ ਦੀ ਪਤਨੀ ਸ਼ਲੋਕਾ ਮਹਿਤਾ ਵੀ ਨਜ਼ਰ ਆ ਰਹੇ ਹਨ।
ਵਿਆਹ ਤੋਂ ਤੁਰੰਤ ਬਾਅਦ ਆਲੀਆ ਭੱਟ ਨੇ ਆਪਣੇ ਵਿਆਹ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ, ਇਨ੍ਹਾਂ ਤਸਵੀਰਾਂ ਦੇ ਨਾਲ ਉਹ ਲਿਖਦੀ ਹੈ- ‘ਅੱਜ, ਆਪਣੇ ਪਰਿਵਾਰ ਅਤੇ ਦੋਸਤਾਂ ਵਿਚਕਾਰ, ਘਰ… ਆਪਣੀ ਪਸੰਦੀਦਾ ਜਗ੍ਹਾ ‘ਤੇ ਅਸੀਂ 5 ਸਾਲ ਬਿਤਾਏ ਹਨ ਅਤੇ ਹੁਣ ਅਸੀਂ ਵਿਆਹ ਕਰ ਲਿਆ ਹੈ। ਸਾਡੇ ਕੋਲ ਪਹਿਲਾਂ ਹੀ ਬਹੁਤ ਸਾਰੀਆਂ ਯਾਦਾਂ ਹਨ. ਜੋ ਹਾਸੇ, ਪਿਆਰ, ਗੁੱਸੇ, ਝਗੜੇ, ਰਾਤਾਂ, ਫਿਲਮਾਂ ਨਾਲ ਭਰਪੂਰ ਹਨ। ਸਾਡੇ ਜੀਵਨ ਦੇ ਸਭ ਤੋਂ ਮਹੱਤਵਪੂਰਣ ਸਮਿਆਂ ਦੌਰਾਨ ਸਾਡੇ ਨਾਲ ਰਹਿਣ ਅਤੇ ਸਾਡੇ ‘ਤੇ ਪਿਆਰ ਦੀ ਵਰਖਾ ਕਰਨ ਲਈ ਤੁਹਾਡਾ ਧੰਨਵਾਦ। ਇਨ੍ਹਾਂ ਪਲਾਂ ਨੇ ਕੁਝ ਖਾਸ ਬਣਾ ਦਿੱਤਾ ਹੈ।
