ਜਾਪਾਨ ਤੋਂ ਇੱਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਵਿਅਕਤੀ ਦੇ ਕੁੱਤਾ ਬਣਨ ਦੇ ਸ਼ੌਕ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਜਾਪਾਨ ਦਾ ਰਹਿਣ ਵਾਲਾ ਇਹ ਵਿਅਕਤੀ, ਜਿਸਦਾ ਨਾਮ ਟੋਕੋ ਹੈ, ਹੁਣ ਕੁੱਤਾ ਬਣ ਗਿਆ ਹੈ। ਇਨਸਾਨ ਤੋਂ ਕੁੱਤੇ ਬਣੇ ਟੋਕੋ ਨੇ ਵੀ ਸੋਸ਼ਲ ਮੀਡੀਆ ‘ਤੇ ਇਕ ਫੋਟੋ ਸ਼ੇਅਰ ਕੀਤੀ ਹੈ। ਜਿਸ ਦੀ ਕਾਫੀ ਚਰਚਾ ਹੋ ਰਹੀ ਹੈ। ਅਸਲ ‘ਚ ਜਾਪਾਨ ‘ਚ ਰਹਿਣ ਵਾਲੇ ਇਸ ਵਿਅਕਤੀ ਦਾ ਬਚਪਨ ਤੋਂ ਹੀ ਸੁਪਨਾ ਸੀ ਕਿ ਉਹ ਕੁੱਤਿਆਂ ਦੀ ਜ਼ਿੰਦਗੀ ਜੀਵੇ। ਜਾਪਾਨ ਵਿੱਚ ਇੱਕ ਪੇਸ਼ੇਵਰ ਏਜੰਸੀ, ਜ਼ੈਪੇਟ ਵਰਕਸ਼ਾਪ ਕੰਪਨੀ ਨੇ ਟੋਕੋ ਨੂੰ “ਕੋਲੀ” ਇੱਕ ਕੁੱਤੇ ਦੀ ਨਸਲ ਵਿੱਚ ਬਦਲ ਦਿੱਤਾ ਹੈ।
ਵਿਅਕਤੀ ਨੇ ਕੁੱਤਾ ਬਣਨ ਲਈ 11 ਲੱਖ ਰੁਪਏ (ਕਰੀਬ 2 ਮਿਲੀਅਨ ਜਾਪਾਨੀ ਯੇਨ) ਖਰਚ ਕਰ ਦਿੱਤੇ। ਇੰਨੇ ਪੈਸਿਆਂ ਲਈ ਵਿਅਕਤੀ ਨੇ ਅਜਿਹੀ ਪੋਸ਼ਾਕ ਬਣਵਾਈ, ਜਿਸ ਨੂੰ ਪਹਿਨ ਕੇ ਉਹ ਬਿਲਕੁਲ ਕੁੱਤੇ ਵਰਗਾ ਦਿਖਾਈ ਦਿੰਦਾ ਹੈ। ਇਸ ਪਹਿਰਾਵੇ ਵਿਚ ਉਸ ਨੂੰ ਪਛਾਣਨਾ ਬਹੁਤ ਮੁਸ਼ਕਲ ਹੋ ਗਿਆ ਹੈ। ਇਸ ਪੋਸ਼ਾਕ ਨੂੰ ਬਣਾਉਣ ਵਿੱਚ ਲਗਭਗ 40 ਦਿਨ ਲੱਗੇ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਪੋਸ਼ਾਕ ਨੂੰ ਬਣਾਉਣ ‘ਚ ਉਨ੍ਹਾਂ ਨੂੰ ਕਾਫੀ ਮਿਹਨਤ ਕਰਨੀ ਪਈ, ਕਿਉਂਕਿ ਇਨਸਾਨਾਂ ਅਤੇ ਕੁੱਤਿਆਂ ‘ਚ ਕਾਫੀ ਫਰਕ ਹੁੰਦਾ ਹੈ। ਟੋਕੋ ਚਾਹੁੰਦਾ ਸੀ ਕਿ ਉਹ ਇਸ ਪੋਸ਼ਾਕ ਨੂੰ ਪਹਿਨ ਕੇ ਹੂ ਬ ਹੂ ਕੁੱਤੇ ਵਾਂਗ ਹੀ ਦਿਖੇ।
