ਚੰਡੀਗੜ੍ਹ 20 ਜੂਨ2022 : – ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੀ ਲਗਾਤਾਰ ਤਿੰਨੇ ਫ਼ੋਜੀ ਮੁਖੀਆਂ ਨਾਲ ਹੋਈ ਮੀਟਿੰਗ ਪਿਛੋ ਹੱਥਿਆਰਬੰਦ ਸੈਨਾਵਾਂ ਦੀ ਸਾਂਝੀ ਪ੍ਰੈਸ ਕਾਨਫਰੰਸ ਦੌਰਾਨ ਭਾਰਤੀ ਫੌਜ਼ ਨੇ ਸਪਸ਼ਟ ਕੀਤਾ ਕਿ ਅਗਨੀਪੱਥ ਯੌਜਨਾ ਵਾਪਸ ਲੈਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ ਤੇ ਹੁਣ ਅਗਨੀਪੱਥ ਦੇ ਜ਼ਰੀਏ ਫੌਜ਼ ‘ਚ ਭਰਤੀ ਸੰਭਵ ਹੋਵੇਗੀ। ਅਗਨੀਪੱਥ ਸਕੀਮ ਦੇ ਵਿਰੋਧ ‘ਚ ਹਿੰਸਕ ਪ੍ਰਦਰਸ਼ਨ ਕਰਨ ਵਾਲੇ ਸਾਰੇ ਵਿਖਾਵਾਕਾਰੀ ਭਰਤੀ ਹੋਣ ਦੇ ਚਾਹਵਾਨ ‘ਤੇ ਯੰਗ ਉਮੀਦਵਾਰ ਤਾਂ ਹੋ ਨਹੀਂ ਸਕਦੇ। ਨੋਜਵਾਨਾਂ ਨੂੰ ਵੀ ਅਹਿਸਾਸ ਹੋਣਾ ਚਾਹੀਦਾ ਕਿ ਭੰਨ-ਤੋੜ ਸਾੜ-ਫੂਕ ਵਾਲੀਆਂ ਵਾਰਦਾਤਾਂ ਨਾਲ ਜਿੱਥੇ ਦੇਸ਼ ਦੀ ਸੰਪਤੀ ਨੂੰ ਨੁਕਸਾਨ ਪਹੁੰਚਦਾ ਹੈ ਉੱਥੇ ਹੀ ਗਵਾਂਢੀ ਮੁਲਕਾਂ ਦੀਆਂ ਭਾਰਤ ਵਿਰੋਧੀ ਏਜੰਸੀਆਂ ਨੂੰ ਹੋਰ ਵੀ ਹੁਲਾਰਾ ਮਿਲੇਗਾ ਅਤੇ ਦੇਸ਼ ਦੀ ਸੁਰਖਿਆ ਪ੍ਰਭਾਵਿਤ ਹੋਵੇਗੀ।ਇਹ ਵਿਚਾਰ ਆਲ ਇੰਡੀਆ ਡਿਫੈਂਸ ਬ੍ਰਦਰਹੁੱਡ ਪੰਜਾਬ ਦੇ ਸੂਬਾ ਪ੍ਰਧਾਨ ਬ੍ਰਿਗੇਡੀਅਰ ਕੁਲਦੀਪ ਸਿੰਘ ਕਾਹਲੋਂ ਨੇ ਮੀਡੀਆ ਦੇ ਨਾਂਅ ਜਾਰੀ ਕੀਤੇ ਪ੍ਰੈਸ ਨੋਟ ਰਾਹੀਂ ਸਾਂਝੇ ਕੀਤੇ।
ਬ੍ਰਿਗੇਡੀਅਰ ਕਾਹਲੋ ਨੇ ਕਿਹਾ ਕਿ ਫੌਜ਼ ‘ਚ ਜ਼ਵਾਨਾਂ ਦੀ ਭਰਤੀ ਆਲ ਇੰਡੀਆ ਰਿਕਰੂਟੇਬਲ ਮੇਲ ਪਾਪੂਲੇਸ਼ਨ ਦੀ ਕੌਮੀ ਕੀਤੀ ਦੇ ਅਤੰਰਗਤ ਕੀਤੀ ਜਾਂਦੀ ਹੈ। ਜਿਸ ਵਿਚ ਹਰ ਵਰਗ, ਧਰਮ, ਜਾਤ ਪਾਤ, ਸਮਾਜ ਅਤੇ ਦੇਸ਼ ਦੇ ਹਰ ਸੂਬੇ ‘ਚ’ ਨੌਜਵਾਨ ਭਰਤੀ ਕੀਤੇ ਜਾਂਦੇ ਹਨ ਅਤੇ ਅਫ਼ਸਰਾਂ ਦੀ ਭਰਤੀ ਮੈਰਿਟ ਦੇ ਹਿਸਾਬ ਨਾਲ ਕੀਤੀ ਜਾਂਦੀ ਹੈ। ਇਸ ਲੱਖ ਤੋੰ ਵੱਧ ਜਵਾਨਾਂ ਦੀ ਫੌਜ਼ ‘ਚ ਘਾਟ ਹੈ ਤੇ ਤਕਰੀਬਨ 9ਹਜ਼ਾਰ ਅਫ਼ਸਰਾਂ ਦੀ ਕਮੀ ਵੀ ਹੈ, ਹਰ ਸਾਲ 60ਹਜ਼ਾਰ ਦੇ ਕਰੀਬ ਫੌਜੀਆਂ ਦੀ ਘਰ ਵਾਪਸੀ ਹੋ ਜਾਂਦੀ ਹੈ। ਆਪ ਮੁਹਾਰੇ ਹੋਏ ਅੰਦੋਲਨ ‘ਚ ਸਾਰੀਆਂ ਜਾਤੀਆਂ, ਧਰਮਾਂ, ਭਾਸ਼ਾਵਾਂ, ਖੇਤਰਾਂ ਦੇ ਹਰ ਵਰਗ ਵਾਲੇ ਨੌਜਵਾਨ ਸ਼ਾਮਲ ਹਨ ‘ਤੇ ਇਨ੍ਹਾਂ ਦਾ ਕਈ ਵੀ ਨਿਸ਼ਚਿਤ ਨੇਤਾ ਨਹੀਂ ਹੈ। ਇਹ ਵੀ ਵੱਖਰੀ ਗੱਲ ਹੈ ਕਿ ਫੌਜ਼ ਦੀ ਤਰ੍ਹਾਂ ਅਗਨੀਵੀਰਾਂ ਦਾ ਵੀ ਸਿਆਸੀਕਰਨ ਸ਼ੁਰੂ ਹੋ ਚੁੱਕਿਆ ਹੈ ਜ਼ੋ ਕਿ ਉਨ੍ਹਾਂ ਦੇ ਹਿੱਤ ਵਿਚ ਨਹੀਂ ਹੈ।
ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੇ ਬਿਆਨ ਅਨੂਸਾਰ ਅਗਨੀ ਪੱਥ ਯੋਜਨਾ 2 ਸਾਲਾਂ ਦੀ ਚਰਚਾ ਤੇ ਸਾਬਕਾ ਫੌਜੀ ਵਰਗ ਨਾਲ ਸੋਚ ਵਿਚਾਰ ਕਰਨ ਉਪਰੰਤ ਲਾਗੂ ਕੀਤੀ ਗਈ। ਨੇਵੀ ਦੇ ਮੁੱਖੀ ਐਡਮਿਰਲ ਆਰ ਹਰੀ ਕੁਮਾਰ ਨੇ ਇਹ ਵੀ ਕਿਹਾ ਕਿ ਕਈ ਹੋਰ ਮੁਲਕਾਂ ਦੇ ਭਰਤੀ ਮਾਡਲ ‘ਤੇ ਜੁੜੇ ਪਹਿਲੂਆਂ ਬਾਰੇ ਜਾਇਜ਼ਾ ਲਿਆ ਗਿਆ। ਅਸੀਂ ਫੌਜ਼ ਮੁਖੀਆਂ ਦੀ ਕਾਬਲੀਅਤ ਤੇ ਸਲਾਹ ਮਸ਼ਵਰਾ ਤੇ ਕਿੰਤੂ ਪ੍ਰੰਤੂ ਨਹੀਂ ਕਰਦੇ।ਅਗਰ ਸਟੇਕ ਹੋਲਡਰਾਂ ਤੇ ਜਮੀਨੀ ਪੱਧਰ ਵਾਲੇ ਸਾਬਕਾਂ ਫੌਜੀਆਂ ਦੇ ਵਿਚਾਰ ਵੀ ਲਏ ਜਾਂਦੇ ਤਾਂ ਪਹਿਲਾਂ 2 ਸਾਲ ਵਾਸਤੇ ਚਾਲੂ ਸਾਲ ਦੀ ਭਰਤੀ ਸਮੇਂ ਉਮਰ ‘ਚ ਵਾਧਾ, ਮੁੱੜ ਵਸੇਬੇ ਦੀਆਂ ਚੁਣੋਤੀਆਂ, ਫੌਜ਼ ਨਾਲ ਜੁੜੀਆਂ ਸਿਹਤ ਅਤੇ ਕੰਨਟੀਨ ਵਗੈਰਾ ਦੀਆਂ ਸਹੂਲਤਾਂ ਬਾਰੇ ਥੋੜ੍ਹਾ ਥੋੜ੍ਹਾ ਕਰਕੇ ਐਲਾਨਨਾਮੇ ਨਾ ਕਰਨੇ ਪੈਂਦੇ।
ਬ੍ਰਿਗੇਡੀਅਰ ਕਾਹਲੋਂ ਨੇ ਪਤੱਰਕਾਰਾਂ ਨਾਲ ਗਲਬਾਤ ਦੋਰਾਨ ਦੱਸਿਆ ਕਿ ਸਰਬਹਿੰਦ ਫੌਜੀ ਭਾਈਚਾਰਾ ਪੰਜਾਬ ਜ਼ੋ ਕਿ ਗੈਰ ਸਿਆਸੀ ਸੰਸਥਾ ਹੈ ਉਸਨੂੰ ਤਾਂ ਕਿਸੇ ਨੇ ਨਹੀਂ ਪੁੱਛਿਆ। ਪਰ ਦਿੱਲੀ ਵਾਲਿਆਂ ਨਾਲ ਜਰੂਰ ਮੀfਟੰਗ ਕੀਤੀ ਹੋਵੇਗੀ। ਫ਼ੌਜੀ ਭਾਈਚਾਰੇ ਦੀ ਸੈਡੋ ਕੈਬਨਿਟ ਨੇ ਜਦੋ ਬੀਤੀ ਜਨਵਰੀ ਨੂੰ ਗੁਰਦਾਸਪੁਰ ਅਤੇ ਅੰਮ੍ਰਿਤਸਰ ਦੇ ਕੁੱਝ ਪਿੰਡਾਂ ਦਾ ਦੌਰਾ ਕੀਤਾ ਤਾਂ ਸਰਪੰਚਾਂ ਪੰਚਾਂ ਵਲੋੰ ਕਈ ਐਸੇ ਨੋਜਵਾਨ ਮਿਲਾਏ ਗਏ ਜ਼ੋ ਕਿ ਹਰ ਪਖੋੰ ਭਰਤੀ ਲਈ ਯੋਗ ਵੀ ਐਲਾਨੇ ਗਏ ਪਰ ਉਨ੍ਹਾਂ ਨੂੰ ਕਾਲ ਅੱਪ ਲੈਟਰ ਨਾ ਜਾਰੀ ਕੀਤੇ ਗਏ ਬਾਕੀ ਨੋਜਵਾਨਾਂ ਦੇ ਅੰਦਰ ਵੀ ਫੌਜ਼ ‘ਚ ਬੰਦ ਪਈ ਭਰਤੀ ਨੂੰ ਲੈ ਕੇ ਖਿੱਚ ਨਜ਼ਰ ਆਈ। ਇਸ ਸਿਲਸਲੇ ‘ਚ ਚੰਡੀਗੜ੍ਹ ਵਿਖੇ 12 ਅਪ੍ਰੈਲ ਨੂੰ ਫੌਜੀ ਭਾਈਚਾਰੇ ਦੇ ਕੌਰ ਗਰੁੱਪ ਵਲੋਂ ਪ੍ਰੈਸ ਕਾਨਫਰੰਸ ਕਰਕੇ ਪਤੱਰਕਾਰਾਂ ਨੂੰ ਜਾਣਕਾਰੀ ਮੁਹਈਆ ਕਰਵਾਈ ਗਈ ਅਤੇ ਵਿਸਥਾਰ ਪੂਰਵਕ ਢੰਗ ਨਾਲ ਲੇਖ ਵੀ ਲਿਖਿਆ ਗਿਆ ਸੀ।ਉਨ੍ਹਾਂ ਕਿਹਾ ਇਸ ਸਬੰਧ ਵਿਚ ਨੋਜਵਾਨਾਂ ਵਲੋ ਸਾਂਝੇ ਤੌਰ ‘ਤੇ ਜੰਤਰ ਮੰਤਰ ਵਿਖੇ ਵੀ ਧਰਨੇ ਦਿੱਤੇ ਗਏ।ਪੈਦਲ ਯਾਤਰਾਵਾਂ ਵੀ ਸ਼ੁਰੂ ਹੋਈਆਂ ਪਰ ਸਰਕਾਰ ਦੇ ਕੰਨਾਂ ‘ਤੇ ਜੂੰਅ ਵੀ ਨਹੀਂ ਸਰਕੀ ਜਿਸ ਕਾਰਨ ਦੇਸ਼ ਦੇ ਨੌਜਵਾਨ ਭੜਕ ਗਏ। ਉਨ੍ਹਾਂ ਕਿਹਾ ਕਿ ਅਸੀਂ ਫੌਜੀ ਭਾਈਚਾਰੇ ਵਲੋਂ ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਨ ਮੰਤਰੀ ਅਨੂਰਾਗ ਠਾਕੁਰ ਵਲੋਂ ਨੌਜਵਾਨਾਂ ਨਾਲ ਗੱਲਬਾਤ ਦੇ ਸੱਦੇ ਦਾ ਸਵਾਗਤ ਕਰਦਿਆਂ ਨੋਜਵਾਨਾਂ ਨੂੰ ਸਾੜ- ਫੂਕ ਨਾ ਕਰਨ ਦੀ ਅਪੀਲ ਕੀਤੀ ਹੈ।
