‘ਬਿੱਗ ਬੌਸ’ ਦੇ 13 ਵੇਂ ਸੀਜ਼ਨ ‘ਚ ਨਜ਼ਰ ਆਏ ਅਦਾਕਾਰ ਪਾਰਸ ਛਾਬੜਾ ਅੱਜ ਆਪਣਾ ਜਨਮਦਿਨ ਮਨਾ ਰਹੇ ਹਨ। ਪਾਰਸ ਦਾ ਜਨਮ 11 ਜੁਲਾਈ 1990 ਨੂੰ ਦਿੱਲੀ ਵਿੱਚ ਹੋਇਆ ਸੀ। ਦਰਅਸਲ 11 ਜੁਲਾਈ ਨੂੰ ਪਾਰਸ ਆਪਣਾ 32 ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ। ਭਾਵੇਂ ਪਾਰਸ ਦਾ ਅੱਜ ਜਨਮਦਿਨ ਹੈ ਪਰ ਐਤਵਾਰ ਰਾਤ ਤੋਂ ਹੀ ਉਹ ਆਪਣੇ ਜਨਮਦਿਨ ਦਾ ਜਸ਼ਨ ਮਨਾ ਰਹੇ ਹਨ। ਇਸ ਖ਼ਾਸ ਦਿਨ ’ਤੇ ਪਾਰਸ ਨੇ ਮਾਹਿਰਾ ਅਤੇ ਆਪਣੇ ਕੁਝ ਦੋਸਤਾਂ ਨਾਲ ਜਨਮਦਿਨ ਸੈਲੀਬ੍ਰੇਟ ਕੀਤਾ। ਮਾਹਿਰਾ ਨੇ ਇਸ ਜਸ਼ਨ ਦੀਆਂ ਕੁਝ ਵੀਡੀਓ ਇੰਸਟਾਸਟੋਰੀ ’ਤੇ ਸਾਂਝੀਆਂ ਕੀਤੀਆਂ ਹਨ , ਜੋ ਹੁਣ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ।
ਵੀਡੀਓ ’ਚ ਪਾਰਸ ਜਨਮਦਿਨ ਦਾ ਕੇਕ ਕੱਟਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਪਾਰਸ ਕੇਕ ਨਾਲ ਪੋਜ਼ ਦੇ ਰਹੇ ਹਨ। ਮਾਹਿਰਾ ਨੇ ਵੀ ਪਾਰਸ ਨੂੰ ਕੇਕ ਖ਼ਵਾ ਰਹੀ ਹੈ। ਪਾਰਸ ਦੇ ਟੀ.ਵੀ ਸੀਰੀਅਲ ’ਚ ਕੰਮ ਦੀ ਗੱਲ ਕਰੀਏ ਤਾਂ ਪਾਰਸ ਨੇ ਕਈ ਸੀਰੀਅਲਾਂ ’ਚ ਕੰਮ ਕੀਤਾ ਹੈ ਪਰ ਉਨ੍ਹਾਂ ਨੂੰ ਬਿਗ ਬਾਸ ਤੋਂ ਕਾਫ਼ੀ ਪ੍ਰਸਿੱਧੀ ਮਿਲੀ। ਪਾਰਸ ਵੀ ਸ਼ੋਅ ਦੇ ਫ਼ਿਨਾਲੇ ’ਚ ਪਹੁੰਚੇ ਸਨ ਪਰ ਉਨ੍ਹਾਂ ਨੇ ਪੈਸੇ ਲੈ ਕੇ ਸ਼ੋਅ ਛੱਡ ਦਿੱਤਾ ਸੀ। ਪਾਰਸ ਛਾਬੜਾ ਨੇ ਸਾਲ 2014 ‘ਚ ਫਿਲਮ ‘M3 – ਮਿਡਸਮਰ ਮਿਡਨਾਈਟ ਮੁੰਬਈ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਨਿਰਦੇਸ਼ਕ ਬ੍ਰਿਜ ਭੂਸ਼ਣ ਦੀ ਇਸ ਫਿਲਮ ਵਿੱਚ ਪਾਰਸ ਨੇ ਮੁੱਖ ਭੂਮਿਕਾ ਨਿਭਾਈ ਹੈ।
ਫਿਲਮ ‘ਚ ਪਾਰਸ ਦੇ ਨਾਲ ਸਾਰਾ ਖਾਨ, ਕਿਰਨ ਕੁਮਾਰ ਵੀ ਅਹਿਮ ਭੂਮਿਕਾਵਾਂ ‘ਚ ਸਨ। ਹਾਲਾਂਕਿ ਇਹ ਫਿਲਮ ਬਾਕਸ ਆਫਿਸ ‘ਤੇ ਕੁਝ ਖਾਸ ਕਮਾਲ ਨਹੀਂ ਕਰ ਸਕੀ। ਪਾਰਸ ਨੇ 2015 ਵਿੱਚ ਫਿਰ ਤੋਂ ਟੈਲੀਵਿਜ਼ਨ ਦੀ ਦੁਨੀਆ ਵੱਲ ਰੁਖ ਕੀਤਾ। ਉਸਨੇ ਇੱਕ ਵਾਰ ਫਿਰ ਐਮਟੀਵੀ ਦੇ ਰਿਐਲਿਟੀ ਸ਼ੋਅ ‘ਸਪਲਿਟਸਵਿਲਾ’ ਦੇ ਸੀਜ਼ਨ 8 ਵਿੱਚ ਹਿੱਸਾ ਲਿਆ। ਹਾਲਾਂਕਿ, ਉਹ ਦੂਜੀ ਵਾਰ ਸ਼ੋਅ ਜਿੱਤਣ ਵਿੱਚ ਅਸਫਲ ਰਹੇ। ਇਸ ਤੋਂ ਬਾਅਦ ਪਾਰਸ ‘ਬਧੋ ਬਹੂ’, ‘ਆਰੰਭ’, ‘ਕਰਨਸੰਗੀਨੀ’, ‘ਅਘੋਰੀ’ ਵਰਗੇ ਸ਼ੋਅ ਸਮੇਤ ਕਈ ਮਸ਼ਹੂਰ ਟੀਵੀ ਸੀਰੀਅਲਾਂ ‘ਚ ਅਹਿਮ ਭੂਮਿਕਾ ਨਿਭਾਉਂਦੇ ਨਜ਼ਰ ਆਏ।
