ਡਾਂਸ ਰਿਐਲਿਟੀ ਸ਼ੋਅ ਝਲਕ ਦਿਖਲਾ ਜਾ 5 ਸਾਲਾਂ ਬਾਅਦ ਵਾਪਸੀ ਕਰਨ ਜਾ ਰਿਹਾ ਹੈ। ਜਦੋਂ ਤੋਂ ਪ੍ਰਸ਼ੰਸਕਾਂ ਨੂੰ ਇਸ ਸ਼ੋਅ ਬਾਰੇ ਪਤਾ ਲੱਗਾ ਹੈ, ਉਹ ਕਾਫੀ ਉਤਸ਼ਾਹਿਤ ਹੋ ਗਏ ਹਨ। ਖਬਰਾਂ ਦੀ ਮੰਨੀਏ ਤਾਂ ਝਲਕ ਦਿਖਲਾ ਜਾ ਦਾ ਸੀਜ਼ਨ 10 ਕਾਫੀ ਧਮਾਕੇਦਾਰ ਹੋਣ ਵਾਲਾ ਹੈ। ਜੱਜਾਂ ਤੋਂ ਲੈ ਕੇ ਮੁਕਾਬਲੇਬਾਜ਼ਾਂ ਤੱਕ ਹਰ ਕੋਈ ਦਰਸ਼ਕਾਂ ਨੂੰ ਹੈਰਾਨ ਕਰਨ ਵਾਲਾ ਹੈ। ਹੁਣ ਝਲਕ ਦਿਖਲਾ ਜਾ ਦੇ ਪ੍ਰਸ਼ੰਸਕਾਂ ਲਈ ਇੱਕ ਖੁਸ਼ਖਬਰੀ ਹੈ। ਸ਼ੋਅ ਬਾਰੇ ਇੱਕ ਨਵੀਂ ਅਪਡੇਟ ਸਾਹਮਣੇ ਆਈ ਹੈ। ਸ਼ੋਅ ਦੇ ਆਨ ਏਅਰ ਹੋਣ ਦੀ ਅੰਤਿਮ ਤਰੀਕ ਦਾ ਖੁਲਾਸਾ ਹੋ ਗਿਆ ਹੈ। ਝਲਕ ਦਿਖਲਾ ਜਾ 10 ਦਾ ਪਹਿਲਾ ਐਪੀਸੋਡ 2 ਸਤੰਬਰ ਨੂੰ ਪ੍ਰਸਾਰਿਤ ਹੋਵੇਗਾ। ਸ਼ੋਅ ਦੀ ਸ਼ੁਰੂਆਤ ਨੂੰ ਲੈ ਕੇ ਮੇਕਰਸ ਭੰਬਲਭੂਸੇ ‘ਚ ਸਨ।
ਹੁਣ ਆਨ ਏਅਰ ਹੋਣ ਵਾਲੇ ਸ਼ੋਅ ਦੀ ਰਿਲੀਜ਼ ਡੇਟ ਸਾਹਮਣੇ ਆ ਗਈ ਹੈ। ‘ਝਲਕ ਦਿਖਲਾ ਜਾ 10’ ਕਰਨ ਜੌਹਰ ਅਤੇ ਮਾਧੁਰੀ ਦੀਕਸ਼ਿਤ ਦੇ ਨਾਲ ਨੋਰਾ ਫਤੇਹੀ ਜੱਜ ਕਰਨ ਜਾ ਰਹੀ ਹੈ। ਖਬਰਾਂ ਮੁਤਾਬਕ ਇਸ ਸ਼ੋਅ ਲਈ ਸਭ ਤੋਂ ਪਹਿਲਾਂ ਕਾਜੋਲ ਨੂੰ ਅਪ੍ਰੋਚ ਕੀਤਾ ਗਿਆ ਸੀ। ਮੇਕਰਸ ਚਾਹੁੰਦੇ ਸਨ ਕਿ ਕਰਨ ਜੌਹਰ ਅਤੇ ਕਾਜੋਲ ਦੀਕਸ਼ਿਤ ਇਸ ਸ਼ੋਅ ਨੂੰ ਜੱਜ ਕਰਨ ਪਰ ਕਾਜੋਲ ਨੇ ਸ਼ੋਅ ਲਈ ਇਨਕਾਰ ਕਰ ਦਿੱਤਾ। ਕਾਜੋਲ ਦੇ ਇਨਕਾਰ ਤੋਂ ਬਾਅਦ ਮਾਧੁਰੀ ਦੀਕਸ਼ਿਤ ਨਾਲ ਸੰਪਰਕ ਕੀਤਾ ਗਿਆ ਅਤੇ ਉਨ੍ਹਾਂ ਨੇ ਇਸ ਲਈ ਹਾਂ ਕਰ ਦਿੱਤੀ। ਹੁਣ ਖਬਰਾਂ ਮੁਤਾਬਕ ਤੀਜੀ ਜੱਜ ਨੋਰਾ ਫਤੇਹਰੀ ਬਣਨ ਜਾ ਰਹੀ ਹੈ। ਪੁਸ਼ਟੀ ਕੀਤੇ ਪ੍ਰਤੀਯੋਗੀਆਂ ਦੀ ਸੂਚੀ ਅਜੇ ਸਾਹਮਣੇ ਨਹੀਂ ਆਈ ਹੈ। ਖਬਰਾਂ ਦੀ ਮੰਨੀਏ ਤਾਂ ਝਲਕ ਦਿਖਲਾ ਜਾ 10 ‘ਚ ਨਿਆ ਸ਼ਰਮਾ, ਪਾਰਸ ਕਾਲਨਾਵਤ, ਨਿੱਕੀ ਤੰਬੋਲੀ ਅਤੇ ਹਿਨਾ ਖਾਨ ਡਾਂਸ ਕਰਦੇ ਨਜ਼ਰ ਆਉਣ ਵਾਲੇ ਹਨ।
