ਮਾਰੂਤੀ-ਸੁਜ਼ੂਕੀ ਕੰਪਨੀ ਆਪਣੇ ਇਲੈਕਟ੍ਰਿਕ ਵਾਹਨਾਂ ਨੂੰ ਹਰਿਆਣਾ ‘ਚ ਹੀ ਬਣਾਏਗੀ। ਇਸ ਦੇ ਲਈ ਕੰਪਨੀ ਸੋਨੀਪਤ ਦੇ ਖਰਖੋਦਾ ‘ਚ 900 ਏਕੜ ਦਾ ਪਲਾਂਟ ਲਗਾਉਣ ਜਾ ਰਹੀ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਖੁਦ 28 ਅਗਸਤ ਨੂੰ ਇਸ ਪਲਾਂਟ ਦਾ ਨੀਂਹ ਪੱਥਰ ਰੱਖਣਗੇ। ਇਸ ਸਬੰਧੀ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ। ਪੀ ਐਮ ਮੋਦੀ ਨੀਂਹ ਪੱਥਰ ਰੱਖਣ ਦੇ ਪ੍ਰੋਗਰਾਮ ‘ਚ ਵਰਚੂਅਲੀ ਹਿੱਸਾ ਲੈਣਗੇ ਜਦਕਿ ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਸਮੇਤ ਸਾਰੇ ਕੇਂਦਰੀ ਨੇਤਾ ਇਸ ਪ੍ਰੋਗਰਾਮ ‘ਚ ਮੌਜੂਦ ਰਹਿਣਗੇ।
ਗੁਰੂਗ੍ਰਾਮ ਅਤੇ ਮਾਨੇਸਰ ਤੋਂ ਬਾਅਦ ਹਰਿਆਣਾ ਵਿੱਚ ਮਾਰੂਤੀ ਸੁਜ਼ੂਕੀ ਦਾ ਇਹ ਤੀਜਾ ਪਲਾਂਟ ਹੈ। ਇਸ ਪਲਾਂਟ ‘ਤੇ ਕੁੱਲ 18 ਹਜ਼ਾਰ ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਇਸ ਪਲਾਂਟ ਵਿੱਚ ਹਰ ਸਾਲ ਕਰੀਬ 2.50 ਲੱਖ ਵਾਹਨਾਂ ਦਾ ਨਿਰਮਾਣ ਕੀਤਾ ਜਾਵੇਗਾ। ਸਾਲ 2025 ਤੱਕ ਇੱਥੇ ਉਤਪਾਦਨ ਸ਼ੁਰੂ ਹੋ ਜਾਵੇਗਾ। ਮਾਰੂਤੀ ਕਾਰਾਂ ਦੇ ਨਾਲ-ਨਾਲ ਇੱਥੇ ਸੁਜ਼ੂਕੀ ਦੇ ਬਾਈਕ ਨਿਰਮਾਣ ਪਲਾਂਟ ਦਾ ਨੀਂਹ ਪੱਥਰ ਵੀ ਰੱਖਿਆ ਜਾਵੇਗਾ।