ਬਰਨਾਲਾ, 8 ਸਤੰਬਰ 2022 – ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਨੇ ਮੈਡੀਕਲ ਦਾਖਲਿਆਂ ਲਈ ਰਾਸ਼ਟਰੀ ਯੋਗਤਾ ਕਮ ਦਾਖਲਾ ਪ੍ਰੀਖਿਆ (NEET) ਪ੍ਰੀਖਿਆ ਦੇ 54 ਦਿਨਾਂ ਬਾਅਦ ਨਤੀਜਾ ਜਾਰੀ ਕੀਤਾ ਹੈ। ਇਸ ਵਿੱਚ ਬਰਨਾਲਾ ਦੇ ਚਾਰ ਬੱਚਿਆਂ ਨੇ ਸਫ਼ਲਤਾ ਹਾਸਲ ਕਰਕੇ ਜ਼ਿਲ੍ਹੇ ਅਤੇ ਆਪਣੇ ਮਾਪਿਆਂ ਦਾ ਨਾਂ ਰੌਸ਼ਨ ਕੀਤਾ ਹੈ।
ਬਰਨਾਲਾ ਦੀ ਰਹਿਣ ਵਾਲੀ ਹਰਸ਼ਿਤਾ ਗੁਪਤਾ ਨੇ NEET ਦੀ ਪ੍ਰੀਖਿਆ ਵਿੱਚ ਜਨਰਲ ਕੈਟਾਗਰੀ ਵਿੱਚ 9080ਵਾਂ ਰੈਂਕ ਅਤੇ ਆਲ ਇੰਡੀਆ 21754ਵਾਂ ਰੈਂਕ ਹਾਸਲ ਕੀਤਾ ਹੈ। ਹਰਸ਼ਿਤਾ ਨੇ ਦੱਸਿਆ ਕਿ ਉਹ ਇਸ ਕਾਮਯਾਬੀ ਦਾ ਸਿਹਰਾ ਆਪਣੇ ਦਾਦਾ, ਦਾਦੀ, ਮਾਤਾ, ਪਿਤਾ ਅਤੇ ਅਚੀਵਰ ਅਕੈਡਮੀ ਬਰਨਾਲਾ ਦੇ ਡਾਇਰੈਕਟਰ ਸਕੁਲ ਕੌਸ਼ਲ ਨੂੰ ਦਿੰਦੀ ਹੈ, ਜਿਨ੍ਹਾਂ ਨੇ ਉਸ ਨੂੰ ਹਮੇਸ਼ਾ ਲਗਨ ਨਾਲ ਪੜ੍ਹਾਈ ਕਰਨ ਲਈ ਪ੍ਰੇਰਿਤ ਕੀਤਾ। ਜੈ ਵਾਟਿਕਾ ਪਬਲਿਕ ਸਕੂਲ ਦੀ ਵਿਦਿਆਰਥਣ ਹਰਸ਼ਿਤਾ ਗੁਪਤਾ ਨੇ ਦੱਸਿਆ ਕਿ ਉਹ ਰੋਜ਼ਾਨਾ 12 ਘੰਟੇ ਪੜ੍ਹਾਈ ਕਰਦੀ ਸੀ।
ਜ਼ਿਲ੍ਹੇ ਦੇ ਪਿੰਡ ਖੁੱਡੀ ਦੀ ਰਹਿਣ ਵਾਲੀ ਮਹਿਕ ਨੇ NEET ਦੀ ਪ੍ਰੀਖਿਆ ਵਿੱਚ ਜਨਰਲ ਕੈਟਾਗਰੀ ਵਿੱਚ 12720ਵਾਂ ਰੈਂਕ ਅਤੇ ਆਲ ਇੰਡੀਆ ਵਿੱਚ 31273ਵਾਂ ਰੈਂਕ ਹਾਸਲ ਕੀਤਾ ਹੈ। ਮਹਿਕ ਨੇ ਦੱਸਿਆ ਕਿ ਉਹ ਇਸ ਕਾਮਯਾਬੀ ਦਾ ਸਿਹਰਾ ਅਚੀਵਰ ਅਕੈਡਮੀ ਬਰਨਾਲਾ ਦੇ ਡਾਇਰੈਕਟਰ, ਕੈਮਿਸਟਰੀ ਅਧਿਆਪਕ ਸਕੁਲ ਕੌਸ਼ਲ, ਬਾਇਓ ਅਧਿਆਪਕ ਵਿਨੋਦ ਗਰਗ, ਫਿਜ਼ਿਕਸ ਅਧਿਆਪਕ ਹਰਜੀਤ ਸਿੰਘ ਦੇ ਨਾਲ-ਨਾਲ ਆਪਣੇ ਮਾਤਾ ਪਿਤਾ ਨੂੰ ਦਿੰਦੀ ਹੈ, ਜਿਨ੍ਹਾਂ ਨੇ ਉਸ ਨੂੰ ਹਮੇਸ਼ਾ ਲਗਨ ਨਾਲ ਪੜ੍ਹਾਈ ਕਰਨ ਲਈ ਪ੍ਰੇਰਿਤ ਕੀਤਾ। ਆਰੀਆਭੱਟ ਇੰਟਰ ਨੈਸ਼ਨਲ ਸਕੂਲ ਬਰਨਾਲਾ ਦੀ 12ਵੀਂ ਜਮਾਤ ਦੀ ਵਿਦਿਆਰਥਣ ਮਹਿਕ ਨੇ ਦੱਸਿਆ ਕਿ ਉਹ ਰੋਜ਼ਾਨਾ 17 ਤੋਂ 19 ਘੰਟੇ ਪੜ੍ਹਾਈ ਕਰਦੀ ਸੀ।
ਤਪਾ ਵਾਸੀ ਸੰਜੀਵ ਸਿੰਘ ਨੇ NEET ਦੀ ਪ੍ਰੀਖਿਆ ਵਿੱਚ 605 ਅੰਕ ਪ੍ਰਾਪਤ ਕੀਤੇ ਹਨ। ਵਿਦਿਆਰਥੀ ਸੰਜੀਵ ਨੇ ਦੱਸਿਆ ਕਿ ਉਸ ਦੇ ਪਿਤਾ ਹਰਿੰਦਰ ਸਿੰਘ ਅਤੇ ਮਾਤਾ ਡਿੰਪਲ ਨੇ ਉਸ ਨੂੰ ਹਮੇਸ਼ਾ ਪੜ੍ਹਾਈ ਲਈ ਪ੍ਰੇਰਿਤ ਕੀਤਾ ਹੈ। ਸੰਜੀਵ ਨੇ ਕਿਹਾ ਕਿ ਉਹ ਕਾਰਡੀਓਲੋਜਿਸਟ (ਦਿਲ ਦੇ ਮਾਹਿਰ) ਡਾਕਟਰ ਬਣ ਕੇ ਲੋਕਾਂ ਦੀ ਸੇਵਾ ਕਰਨਾ ਚਾਹੁੰਦਾ ਹੈ।
ਤਪਾ ਨਿਵਾਸੀ ਡਾ: ਅਮਿਤ ਕੁਮਾਰ ਅਤੇ ਮਾਂ ਡਾ: ਸੁਨੀਤਾ ਰਾਣੀ ਦੇ ਪੁੱਤਰ ਅਸ਼ਮੀਨ ਕੁਮਾਰ ਨੇ ਨੀਟ ਪ੍ਰੀਖਿਆ ‘ਚ 640 ਅੰਕ ਪ੍ਰਾਪਤ ਕੀਤੇ ਹਨ | ਅਸ਼ਮੀਨ ਨੇ ਦੱਸਿਆ ਕਿ ਉਹ ਉਸ ਦੇ ਦਾਦਾ ਮਰਹੂਮ ਸੀ. ਡਾ: ਕ੍ਰਿਸ਼ਨ ਕੁਮਾਰ ਆਪਣੇ ਪਿਤਾ ਡਾ: ਅਮਿਤ ਕੁਮਾਰ ਅਤੇ ਮਾਤਾ ਡਾ: ਸੁਨੀਤਾ ਦੀ ਤਰ੍ਹਾਂ ਐਮਡੀ ਡਾਕਟਰ ਬਣ ਕੇ ਲੋਕਾਂ ਦੀ ਸੇਵਾ ਕਰਨਾ ਚਾਹੁੰਦੇ ਹਨ। ਉਸ ਨੇ ਕਿਹਾ ਕਿ ਉਸ ਦੀ ਕਾਮਯਾਬੀ ਵਿੱਚ ਇਨ੍ਹਾਂ ਤਿੰਨਾਂ ਦਾ ਵੱਡਾ ਯੋਗਦਾਨ ਹੈ।
