ਅੱਜ ਅਸੀਂ ਤੁਹਾਨੂੰ ਭਾਰਤ ਵਿੱਚ ਵਿਕਣ ਵਾਲੀਆਂ ਸਭ ਤੋਂ ਸਸਤੀਆਂ ਕਾਰਾਂ ਬਾਰੇ ਦੱਸਣ ਜਾ ਰਹੇ ਹਾਂ। ਇਨ੍ਹਾਂ ਕਾਰਾਂ ਦੀ ਕੀਮਤ 4 ਲੱਖ ਰੁਪਏ ਤੋਂ ਵੀ ਘੱਟ ਹੈ। ਕਿਫਾਇਤੀ ਹੋਣ ਦੇ ਨਾਲ-ਨਾਲ ਇਹ ਚੰਗੀ ਮਾਈਲੇਜ ਵੀ ਦਿੰਦਿਆਂ ਹਨ। ਇਨ੍ਹਾਂ ਕਾਰਾਂ ਦੀ ਸੂਚੀ ਵਿੱਚ ਮਾਰੂਤੀ ਸੁਜ਼ੂਕੀ ਸਮੇਤ ਕਈ ਵੱਡੀਆਂ ਕੰਪਨੀਆਂ ਦੀਆਂ ਗੱਡੀਆਂ ਸ਼ਾਮਲ ਹਨ। ਆਓ ਅਸੀਂ ਤੁਹਾਨੂੰ ਉਨ੍ਹਾਂ ਬਾਰੇ ਜਾਣਕਾਰੀ ਦਿੰਦੇ ਹਾਂ।
ਮਾਰੂਤੀ ਆਲਟੋ 800
ਮਾਰੂਤੀ ਆਲਟੋ 800 ਦੇਸ਼ ਦੀ ਸਭ ਤੋਂ ਸਸਤੀ ਅਤੇ ਪਸੰਦੀਦਾ ਕਾਰ ਹੈ। ਇਸਦੀ ਕੀਮਤ ਅਤੇ ਵਿਸ਼ੇਸ਼ਤਾਵਾਂ ਇਸ ਨੂੰ ਪਹਿਲੀ ਵਾਰ ਕਾਰ ਖਰੀਦਦਾਰਾਂ ਦੀ ਪਸੰਦ ਬਣਾਉਂਦੀਆਂ ਹਨ। ਕੰਪਨੀ ਇਸ ਕਾਰ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 3 ਲੱਖ 39 ਹਜ਼ਾਰ ਰੁਪਏ ਦੇ ਨਾਲ ਪੇਸ਼ ਕਰਦੀ ਹੈ। ਕਾਰ ਦੇ ਕੁੱਲ ਪੰਜ ਵੇਰੀਐਂਟ ਹਨ, ਜਿਸ ਵਿੱਚ ਸਟੈਂਡਰਡ ਮਾਡਲ ਸਭ ਤੋਂ ਸਸਤਾ ਹੈ। ਭਾਵੇਂ ਇਸ ਦੀ ਕੀਮਤ ਘੱਟ ਹੈ ਪਰ ਔਸਤ ਦੇ ਲਿਹਾਜ਼ ਨਾਲ ਇਹ ਵੱਡੀਆਂ ਕਾਰਾਂ ਨੂੰ ਵੀ ਪਿੱਛੇ ਛੱਡਦੀ ਹੈ।
ਆਲਟੋ K10
ਕੰਪਨੀ ਦੀ ਸਭ ਤੋਂ ਸਸਤੀ ਕਾਰ ਆਲਟੋ 800 ਤੋਂ ਬਾਅਦ ਇਸ ਕਾਰ ਨੂੰ ਵੀ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਹਾਲ ਹੀ ਵਿੱਚ ਲਾਂਚ ਕੀਤੀ ਗਈ Alto K10 ਦੀ ਕੀਮਤ 3.99 ਲੱਖ ਰੁਪਏ, ਐਕਸ-ਸ਼ੋਰੂਮ ਤੋਂ ਸ਼ੁਰੂ ਹੁੰਦੀ ਹੈ। K10 ਦੇ ਕੁੱਲ ਛੇ ਵੇਰੀਐਂਟ ਮਾਰਕੀਟ ਵਿੱਚ ਉਪਲਬਧ ਹਨ ਜੋ ਸਟੈਂਡਰਡ, LXi, VXi, VXi Plus, VXi AGS ਅਤੇ VXi Plus AGS ਹਨ। ਇਸ ‘ਚ 998cc ਦਾ ਪੈਟਰੋਲ ਇੰਜਣ ਹੈ, ਜੋ 24.39 kmpl ਦੀ ਔਸਤ ਦਿੰਦਾ ਹੈ।
ਰੈਡੀ ਗੋ
ਮਾਰੂਤੀ ਤੋਂ ਇਲਾਵਾ, ਨਿਸਾਨ ਦੇ ਡੈਟਸਨ ਬ੍ਰਾਂਡ ਦੀ ਰੈਡੀ ਗੋ ਵੀ ਦੇਸ਼ ਦੀਆਂ ਸਭ ਤੋਂ ਸਸਤੀਆਂ ਕਾਰਾਂ ਵਿੱਚੋਂ ਇੱਕ ਹੈ। ਇਸ ਕਾਰ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 3.97 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਕਰੀਬ 4 ਲੱਖ ਰੁਪਏ ਦੀ ਇਹ ਕਾਰ 800 ਸੀਸੀ ਇੰਜਣ, ABS, EBD, ਡਰਾਈਵਰ ਏਅਰਬੈਗ, ਰੀਅਰ ਡੋਰ ਚਾਈਲਡ ਸੇਫਟੀ ਲਾਕ, ਓਵਰ ਸਪੀਡ ਚੇਤਾਵਨੀ, ਰੀਅਰ ਪਾਰਕਿੰਗ ਸੈਂਸਰ ਅਤੇ ਬਾਡੀ ਕਲਰਡ ਬੰਪਰ ਵਰਗੀਆਂ ਵਿਸ਼ੇਸ਼ਤਾਵਾਂ ਨਾਲ ਆਉਂਦੀ ਹੈ।