ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਜਲਦ ਹੀ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕਰਨ ਜਾ ਰਹੇ ਹਨ, ਜਿਸ ਨੂੰ ਲੈ ਕੇ ਉਹ ਕਾਫੀ ਉਤਸ਼ਾਹਿਤ ਹਨ। ਆਲੀਆ ਨੇ ਕੁਝ ਮਹੀਨੇ ਪਹਿਲਾਂ ਆਪਣੇ ਪ੍ਰੈਗਨੈਂਸੀ ਦਾ ਐਲਾਨ ਕੀਤਾ ਸੀ। ਇਸ ਸਭ ਦੇ ਵਿਚਕਾਰ ਹੁਣ ਖਬਰ ਆ ਰਹੀ ਹੈ ਕਿ ਆਲੀਆ ਭੱਟ ਦੀ ਸੱਸ ਨੀਤੂ ਕਪੂਰ ਅਤੇ ਆਲੀਆ ਭੱਟ ਦੀ ਮਾਂ ਸੋਨੀ ਰਾਜ਼ਦਾਨ ਨੇ ਆਲੀਆ ਦੇ ਬੇਬੀ ਸ਼ਾਵਰ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਸੋਨੀ ਰਾਜ਼ਦਾਨ ਅਤੇ ਨੀਤੂ ਕਪੂਰ ਜਲਦ ਹੀ ਆਲੀਆ ਲਈ ਬੇਬੀ ਸ਼ਾਵਰ ਹੋਸਟ ਕਰਨਗੇ।
ਮੀਡੀਆ ਰਿਪੋਰਟਾਂ ਮੁਤਾਬਕ ਆਲੀਆ ਭੱਟ ਦੀ ਮਾਂ ਸੋਨੀ ਰਾਜ਼ਦਾਨ ਅਤੇ ਸੱਸ ਨੀਤੂ ਕਪੂਰ ਆਲੀਆ ਦੀ ਗੋਦ ਭਰਾਈ ਲਈ ਕੁਝ ਖਾਸ ਪਲਾਨਿੰਗ ਕਰ ਰਹੀਆਂ ਹਨ। ਦੋਵਾਂ ਨੇ ਆਲੀਆ ਦੇ ਬੇਬੀ ਸ਼ਾਵਰ ਦੀਆਂ ਤਿਆਰੀਆਂ ਵੀ ਸ਼ੁਰੂ ਕਰ ਦਿੱਤੀਆਂ ਹਨ, ਜਿਸ ‘ਚ ਸਿਰਫ ਕੁੜੀਆਂ/ਔਰਤਾਂ ਹੀ ਹੋਣਗੀਆਂ। ਬੇਬੀ ਸ਼ਾਵਰ ਮੁੰਬਈ ‘ਚ ਹੀ ਹੋਵੇਗਾ। ਹਾਲਾਂਕਿ, ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋਈ ਹੈ ਕਿ ਬੇਬੀ ਸ਼ਾਵਰ ਦੀ ਰਸਮ ਵਿਆਹ ਵਾਂਗ ਘਰ ‘ਚ ਹੋਵੇਗੀ ਜਾਂ ਕਿਸੇ ਹੋਰ ਜਗ੍ਹਾ ‘ਤੇ।
ਮੀਡੀਆ ਰਿਪੋਰਟਾਂ ਮੁਤਾਬਕ ਆਲੀਆ ਦਾ ਬੇਬੀ ਸ਼ਾਵਰ ਸਤੰਬਰ ਦੇ ਅੰਤ ਵਿੱਚ ਹੋ ਸਕਦਾ ਹੈ। ਸ਼ਾਹੀਨ ਭੱਟ, ਕਰੀਨਾ ਕਪੂਰ ਖਾਨ, ਕਰਿਸ਼ਮਾ ਕਪੂਰ, ਆਕਾਂਕਸ਼ਾ ਰੰਜਨ, ਨਵਿਆ ਨੰਦਾ, ਸ਼ਵੇਤਾ ਬੱਚਨ, ਆਰਤੀ ਸ਼ੈੱਟੀ ਅਤੇ ਆਲੀਆ ਭੱਟ ਦੇ ਗਰਲ ਗੈਂਗ ਭਾਵ ਬਚਪਨ ਦੇ ਦੋਸਤਾਂ ਦੇ ਸਮਾਗਮ ਵਿੱਚ ਸ਼ਾਮਲ ਹੋਣ ਦੀ ਪੂਰੀ ਸੰਭਾਵਨਾ ਹੈ। ਬੇਬੀ ਸ਼ਾਵਰ ਬਾਂਦਰਾ, ਮੁੰਬਈ ਵਿੱਚ ਹੋਵੇਗਾ। ਦੱਸ ਦੇਈਏ ਕਿ ਪਿਛਲੇ ਮਹੀਨੇ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਆਪਣਾ ਬੇਬੀਮੂਨ ਮਨਾਉਣ ਇਟਲੀ ਗਏ ਸਨ।
