ਮੁੰਬਈ ਦਾ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡਾ 18 ਅਕਤੂਬਰ ਨੂੰ 6 ਘੰਟਿਆਂ ਲਈ ਰੱਖ-ਰਖਾਅ ਲਈ ਬੰਦ ਰਹੇਗਾ। ਰੱਖ-ਰਖਾਅ ਦਾ ਕੰਮ ਸਵੇਰੇ 11 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਕੀਤਾ ਜਾਵੇਗਾ। ਇਸ ਦੌਰਾਨ ਹਵਾਈ ਅੱਡੇ ਦੇ ਦੋਵੇਂ ਟਰਮੀਨਲ ਬੰਦ ਰਹਿਣਗੇ। ਏਅਰਪੋਰਟ ਨੇ ਆਪਣੀ ਯਾਤਰੀ ਐਡਵਾਈਜ਼ਰੀ ‘ਚ ਇਹ ਜਾਣਕਾਰੀ ਦਿੱਤੀ ਹੈ। ਇਸ ਏਅਰਪੋਰਟ ਤੋਂ ਹਰ ਰੋਜ਼ ਕਰੀਬ 800 ਫਲਾਈਟਾਂ ਲੈਂਡ ਅਤੇ ਟੇਕਆਫ ਕਰਦੀਆਂ ਹਨ। ਮੇਨਟੇਨੈਂਸ ਲਈ ਕੁਝ ਫਲਾਈਟਾਂ ਦਾ ਸਮਾਂ ਬਦਲਿਆ ਗਿਆ ਹੈ।
ਏਅਰਪੋਰਟ ਅਥਾਰਟੀ ਨੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਕਿ ਮੁੰਬਈ ਹਵਾਈ ਅੱਡਾ ਮਾਨਸੂਨ ਤੋਂ ਬਾਅਦ ਰਨਵੇ ‘ਤੇ ਰੱਖ-ਰਖਾਅ ਦੇ ਕੰਮ ਲਈ ਛੇ ਘੰਟਿਆਂ ਲਈ ਬੰਦ ਰਹੇਗਾ। ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ (CSMIA) ਵੱਲੋ ਕਿਹਾ ਗਿਆ ਹੈ ਕਿ ਹਵਾਈ ਅੱਡੇ ਦੇ RWY 14/32 ਅਤੇ 09/27 ਦੋਵਾਂ ਰਨਵੇਅ ‘ਤੇ ਰੱਖ-ਰਖਾਅ ਦਾ ਕੰਮ ਹੋਵੇਗਾ, ਇਸ ਲਈ ਮੰਗਲਵਾਰ ਨੂੰ ਹਵਾਈ ਅੱਡੇ ਨੂੰ ਬੰਦ ਰੱਖਣ ਦਾ ਫੈਸਲਾ ਕੀਤਾ ਗਿਆ ਹੈ।