ਕ੍ਰਿਕਟ ਟੀਮ ਦੇ ਕੇਐੱਲ ਰਾਹੁਲ ਨੂੰ ਸਾਊਥ ਅਫਰੀਕਾ ਦੌਰੇ ’ਤੇ ਰੋਹਿਤ ਸ਼ਰਮਾ ਦੀ ਗ਼ੈਰ-ਮੌਜੂਦਗੀ ’ਚ ਟੈਸਟ ਟੀਮ ਦਾ ਉਪ-ਕਪਤਾਨ ਬਣਾਇਆ ਗਿਆ ਹੈ। ਟੀਮ ਇੰਡੀਆ ਦੇ ਇਸ ਬੱਲੇਬਾਜ਼ ਨੇ ਸਾਥੀ ਮਯੰਕ ਅਗਰਵਾਲ ਨਾਲ ਗੱਲ ਕਰਦਿਆਂ ਕਈ ਗੱਲਾਂ ਦਾ ਖ਼ੁਲਾਸਾ ਕੀਤਾ। ਉਨ੍ਹਾਂ ਨੇ ਦੱਸਿਆ ਕਿ ਕਿਵੇਂ ਉਨ੍ਹਾਂ ਦਾ ਟੈਸਟ ਕਰੀਅਰ ਖ਼ਤਮ ਹੋ ਚੁੱਕਾ ਸੀ ਪਰ ਹੁਣ ਉਹ ਵਾਪਸੀ ਕਰ ਚੁੱਕੇ ਹਨ ਅਤੇ ਉਪ ਕਪਤਾਨੀ ਕਰਨ ਦਾ ਮੌਕਾ ਮਿਲੇਗਾ।ਰਾਹੁਲ ਨੇ ਕਿਹਾ, ”ਬਸ 6-7 ਮਹੀਨੇ ਪਹਿਲਾਂ ਮੈਂ ਸੋਚਿਆ ਵੀ ਨਹੀਂ ਸੀ ਕਿ ਮੈਨੂੰ ਭਾਰਤ ਲਈ ਟੈਸਟ ਮੈਚ ‘ਚ ਦੁਬਾਰਾ ਖੇਡਣ ਦਾ ਮੌਕਾ ਮਿਲੇਗਾ। ਹਾਲਾਤ ਬਹੁਤ ਤੇਜ਼ੀ ਨਾਲ ਬਦਲਦੇ ਹਨ ਅਤੇ ਮੈਂ ਬਹੁਤ ਖੁਸ਼ ਹਾਂ ਕਿ ਮੈਨੂੰ ਇੰਨੀ ਵੱਡੀ ਜ਼ਿੰਮੇਵਾਰੀ ਮਿਲੀ ਹੈ।
ਦੱਖਣੀ ਅਫਰੀਕਾ ਦੇ ਦੌਰੇ ‘ਤੇ ਟੀਮ ਦਾ ਉਪ-ਕਪਤਾਨ ਬਣਾਉਣਾ। ਮੈਂ ਇਸ ਕੰਮ ਨੂੰ ਚੰਗੀ ਤਰ੍ਹਾਂ ਕਰਨ ਲਈ ਤਿਆਰ ਹਾਂ। ਮੇਰੇ ਕੋਲ ਬਾਕਸਿੰਗ ਡੇਅ ਨਾਲ ਜੁੜੀਆਂ ਮਿੱਠੀਆਂ ਯਾਦਾਂ ਹਨ। ਮੈਂ ਬਾਕਸਿੰਗ ਡੇਅ ‘ਤੇ ਹੀ ਆਸਟ੍ਰੇਲੀਆ ‘ਚ ਆਪਣਾ ਟੈਸਟ ਡੈਬਿਊ ਕੀਤਾ ਸੀ ਪਰ ਇਹ ਇੰਨਾ ਚੰਗਾ ਨਹੀਂ ਸੀ। ਮੈਂ ਇਕ ਵਾਰ ਫਿਰ ਆਪਣੀ ਜਗ੍ਹਾ ਗੁਆ ਬੈਠਾ ਅਤੇ ਮੈਂ ਸੋਚਿਆ ਕਿ ਸ਼ਾਇਦ ਇਹ ਮੇਰਾ ਅੰਤ ਹੈ ਅਤੇ ਮੇਰੀ ਵਾਪਸੀ ਨਹੀਂ ਪਾਵੇਗੀ।’ ਮੈਨੂੰ ਲੱਗਦਾ ਹੈ ਕਿ ਖੇਡ ਪ੍ਰਤੀ ਮੇਰਾ ਰਵੱਈਆ ਹੁਣ ਪਹਿਲਾਂ ਨਾਲੋਂ ਜ਼ਿਆਦਾ ਸੰਤੁਲਿਤ ਹੈ। ਜਦੋਂ ਮੈਂ 2014 ਵਿੱਚ ਆਪਣਾ ਡੈਬਿਊ ਕੀਤਾ ਸੀ, ਜਿਸ ਤਰ੍ਹਾਂ ਨਾਲ ਮੈਂ ਖੇਡਦਾ ਸੀ, ਉਸ ਵਿੱਚ ਕਾਫੀ ਬਦਲਾਅ ਆਇਆ ਹੈ।
