ਟੀ-20 ਵਿਸ਼ਵ ਕੱਪ ‘ਚ ਭਾਰਤੀ ਟੀਮ ਦਾ ਸੈਮੀਫਾਈਨਲ ‘ਚ ਪਹੁੰਚਣ ਦਾ ਰਾਹ ਹੁਣ ਆਸਾਨ ਹੋ ਗਿਆ ਹੈ। ਟੀਮ ਇੰਡੀਆ ਨੇ ਬੁੱਧਵਾਰ ਨੂੰ ਬੰਗਲਾਦੇਸ਼ ਖਿਲਾਫ ਖੇਡੇ ਗਏ ਰੋਮਾਂਚਕ ਮੈਚ ‘ਚ ਜਿੱਤ ਦਰਜ ਕੀਤੀ। ਭਾਰਤ ਦੀ ਇਸ ਜਿੱਤ ਤੋਂ ਜਿੱਥੇ ਕ੍ਰਿਕੇਟ ਪ੍ਰੇਮੀਆਂ ‘ਚ ਖੁਸ਼ੀ ਹੈ ਉੱਥੇ ਹੀ ਪੰਜਾਬ ਦੇ ਹੋਣਹਾਰ ਅਰਸ਼ਪ੍ਰੀਤ ਦੇ ਘਰ ਵੀ ਦੀਵਾਲੀ ਵਰਗਾ ਮਾਹੌਲ ਹੋਇਆ ਪਿਆ ਹੈ। ਪਰਿਵਾਰ ‘ਤੇ ਕੋਚ ਖੁਸ਼ੀ ਨਾਲ ਨੱਚ-ਗਿਆ ਰਹੇ ਹਨ। ਅਰਸ਼ਦੀਪ ਦੀ ਮਾਂ ਦਲਜੀਤ ਕੌਰ ਨੇ ਦੱਸਿਆ ਕਿ ਅਰਸ਼ਦੀਪ ਆਪਣਾ ਪਹਿਲਾ ਵਿਸ਼ਵ ਕੱਪ ਖੇਡ ਰਿਹਾ ਹੈ। ਦਬਾਅ ਦੇ ਬਾਵਜੂਦ ਉਹ ਚੰਗਾ ਪ੍ਰਦਰਸ਼ਨ ਕਰ ਰਿਹਾ ਹੈ। ਹਰ ਮੈਚ ਦੇ ਨਾਲ ਕਪਤਾਨ ਰੋਹਿਤ ਸ਼ਰਮਾ ਦਾ ਵੀ ਅਰਸ਼ਦੀਪ ‘ਤੇ ਭਰੋਸਾ ਵਧਦਾ ਜਾ ਰਿਹਾ ਹੈ।
ਇਸ ਦੇ ਨਾਲ ਹੀ ਕੋਚ ਜਸਵੰਤ ਰਾਏ ਵੀ ਅਰਸ਼ਦੀਪ ਦੇ ਪ੍ਰਦਰਸ਼ਨ ਤੋਂ ਖੁਸ਼ ਹਨ। ਜਸਵੰਤ ਰਾਏ ਨੇ ਕਿਹਾ ਕਿ ਅਰਸ਼ਦੀਪ ਨੇ ਇੱਕ ਵਾਰ ਫਿਰ ਆਪਣੇ ਆਪ ਨੂੰ ਸਾਬਤ ਕਰ ਦਿੱਤਾ ਹੈ। ਦਬਾਅ ਦੇ ਬਾਵਜੂਦ ਅਰਸ਼ਦੀਪ ਨੇ ਬੰਗਲਾਦੇਸ਼ ਖਿਲਾਫ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਅਰਸ਼ਦੀਪ ਦੀ ਗੇਂਦਬਾਜ਼ੀ ਵਿੱਚ ਵਿਭਿੰਨਤਾ ਹੈ, ਉਹ ਪਿੱਚ ਅਤੇ ਬੱਲੇਬਾਜ਼ ਦੇ ਮੂਡ ਨੂੰ ਸਮਝਣ ਲੱਗ ਪਿਆ ਹੈ। ਗੇਂਦਬਾਜ਼ ਲਈ ਇਹ ਸਭ ਤੋਂ ਮਹੱਤਵਪੂਰਨ ਹੈ।
ਤੁਹਾਨੂੰ ਦੱਸ ਦਈਏ ਕਿ ਅਰਸ਼ਦੀਪ ਸਿੰਘ ਨੇ ਡੈੱਥ ਓਵਰਾਂ ਵਿੱਚ ਇੱਕ ਵਾਰ ਫਿਰ ਆਪਣੇ ਆਪ ਨੂੰ ਸਾਬਤ ਕਰ ਦਿੱਤਾ ਹੈ। ਮੈਚ ਦੇ ਆਖ਼ਰੀ ਓਵਰ ਵਿੱਚ ਬੰਗਲਾਦੇਸ਼ ਨੂੰ 20 ਦੌੜਾਂ ਦੀ ਲੋੜ ਸੀ ਪਰ ਮੈਚ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕਰ ਰਹੇ ਅਰਸ਼ਦੀਪ ਸਿੰਘ ਨੇ ਉਨ੍ਹਾਂ ਦੀਆਂ ਉਮੀਦਾਂ ’ਤੇ ਪਾਣੀ ਫੇਰ ਦਿੱਤਾ। ਡੈਥ ਓਵਰਾਂ ‘ਚ ਗੇਂਦਬਾਜ਼ੀ ‘ਚ ਮੁਹਾਰਤ ਰੱਖਣ ਵਾਲੇ ਅਰਸ਼ਦੀਪ ਨੇ ਆਖਰੀ ਓਵਰ ‘ਚ 14 ਦੌੜਾਂ ਦੇ ਕੇ ਭਾਰਤੀ ਟੀਮ ਨੂੰ 5 ਦੌੜਾਂ ਨਾਲ ਜਿੱਤ ਦਿਵਾਈ।ਅਰਸ਼ਦੀਪ ਵਰਲਡ ਕੱਪ ‘ਚ ਹੁਣ ਤੱਕ 9 ਵਿਕਟ ਲੈ ਚੁੱਕੇ ਹਨ। ਅਰਸ਼ਦੀਪ ਨੇ ਪਾਕਿਸਤਾਨ ਖਿਲਾਫ 3/32, ਨੀਦਰਲੈਂਡ ਖਿਲਾਫ 2/37, ਦੱਖਣੀ ਅਫਰੀਕਾ ਖਿਲਾਫ 2/25 ਅਤੇ ਬੰਗਲਾਦੇਸ਼ ਖਿਲਾਫ 4 ਓਵਰਾਂ ‘ਚ 38 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ।
