ਅੰਮ੍ਰਿਤਸਰ : – ਸ਼ਿਵ ਸੈਨਾ ਆਗੂ ਸੁਧੀਰ ਸੂਰੀ ਦੀ ਮੌਤ ਤੇ ਭੜਕੀ ਸ੍ਰੀ ਦੁਰਗਿਆਣਾ ਤੀਰਥ ਦੀ ਪ੍ਰਧਾਨ ਲਕਸ਼ਮੀ ਕਾਂਤਾ ਚਾਵਲਾ ਵਲੋ ਅਜ ਸ੍ਰੀ ਦੁਰਗਿਆਣਾ ਤੀਰਥ ਉਪਰ ਇਕ ਪ੍ਰੈਸ ਵਾਰਤਾ ਨੂੰ ਸੰਬੋਧਿਤ ਕਰਦਿਆਂ ਜਿਥੇ ਸੁਰਖਿਆ ਸੰਬਧੀ ਸਰਕਾਰ ਨੂੰ ਆੜੇ ਹੱਥੀ ਲਿਆ ਉਥੇ ਹੀ ਵਾਰਿਸ ਪੰਜਾਬ ਦੇ ਸੰਸਥਾ ਮੁੱਖੀ ਅੰਮ੍ਰਿਤਪਾਲ ਤੇ ਨੌਜਵਾਨਾਂ ਨੂੰ ਵਰਗਲਾਉਣ ਦੇ ਦੋਸ਼ ਲਾਏ।
ਇਸ ਸੰਬਧੀ ਗਲਬਾਤ ਕਰਦਿਆਂ ਪ੍ਰਧਾਨ ਲਕਸ਼ਮੀ ਕਾਂਤਾ ਚਾਵਲਾ ਨੇ ਦਸਿਆ ਕਿ ਸੁਧੀਰ ਸੂਰੀ ਵਰਗੇ ਨੇਤਾ ਦੀ ਇਸ ਤਰਾਂ ਪੁਲਿਸ ਸੁਰਖਿਆ ਵਿਚ ਮੌਤ ਹੋ ਜਾਣਾ ਮੰਦਭਾਗੀ ਗੱਲ ਹੈ ਕਿਉਕਿ ਪੁਲਿਸ ਵਲੋ ਕੀਤੇ ਨਾ ਕੀਤੇ ਉਹਨਾਂ ਦੀ ਸੁਰਖਿਆ ਵਿਚ ਅਣਗਹਿਲੀ ਵਰਤੀ ਅਤੇ ਕਾਤਿਲ ਵਲੋਂ ਉਹਨਾਂ ਨੂੰ ਸ਼ਰੇਆਮ ਗੋਲੀਆਂ ਮਾਰ ਕੇ ਕਤਲ ਕਰ ਦਿਤਾ ਗਿਆ ਅਤੇ ਪੁਲਿਸ ਮੂਕ ਦਰਸ਼ਕ ਬਣ ਵੇਖਦੀ ਰਹਿ ਗਈ ਜਿਸਦੇ ਚਲਦੇ ਅਜ ਹਰ ਇਕ ਆਗੂ ਆਪਣੀ ਸੁਰਖਿਆ ਨੂੰ ਲੈ ਕੇ ਸ਼ਸ਼ੋਪੰਜ ਵਿਚ ਹੈ ਜਿਸ ਨਾਲ ਲੋਕਾ ਦਾ ਵਿਸ਼ਵਾਸ ਕੀਤੇ ਨਾ ਕੀਤੇ ਪ੍ਰਸ਼ਾਸ਼ਨ ਅਤੇ ਮਾਹੌਲ ਤੋ ਉਠਦਾ ਜਾ ਰਿਹਾ ਹੈ।
ਵਾਰਿਸ ਪੰਜਾਬ ਦੇ ਸੰਸਥਾ ਦੇ ਆਗੂ ਤੇ ਸਵਾਲ ਕਰਦੇ ਉਹਨਾਂ ਦਸਿਆ ਅੰਮ੍ਰਿਤਪਾਲ ਦੀ ਸਥਿਤੀ ਸਰਕਾਰ ਨੂੰ ਸਪੱਸ਼ਟ ਕਰਨੀ ਚਾਹੀਦੀ ਹੈ ਅਤੇ ਉਸ ਦੇ ਭੜਕਾਉ ਭਾਸ਼ਨਾਂ,ਅਤੇ ਅਲਗਾੳ ਵਰਗੀ ਸਥਿਤੀ ਤੇ ਰੋਕ ਲਗਾਉਣੀ ਚਾਹੀਦੀ। ਕਿਉਕਿ ਉਹ ਲਗਾਤਾਰ ਪੰਜਾਬ ਦੀ ਜਵਾਨੀ ਨੂੰ ਭੜਕਾਉਣ ਭਾਸ਼ਨ ਦੇ ਨਾਲ ਗਲਤ ਰਾਹ ਤੇ ਤੋਰ ਰਿਹਾ ਹੈ।
