ਠੰਡ ਦੇ ਮੌਸਮ ਵਿੱਚ ਲੋਕ ਗਾਜਰ ਦਾ ਜ਼ਿਆਦਾ ਸੇਵਨ ਕਰਦੇ ਹਨ, ਕਿਉਂਕਿ ਇਹ ਪੌਸ਼ਟਿਕ ਗੁਣਾਂ ਨਾਲ ਭਰਪੂਰ ਹੁੰਦੀ ਹੈ। ਇਸ ਨੂੰ ਖਾਣ ਨਾਲ ਕਈ ਸਿਹਤ ਲਾਭ ਜੁੜੇ ਹੁੰਦੇ ਹਨ। ਪਰ ਕਈ ਵਾਰ ਇਹ ਪਤਾ ਨਹੀਂ ਲੱਗਦਾ ਕਿ ਕਿਹੜੀ ਗਾਜਰ ਚੰਗੀ ਹੈ ਜਾਂ ਕਿਹੜੀ ਗਾਜਰ ਮਿੱਠੀ ਹੈ?
ਗਾਜਰ ਖਰੀਦਦੇ ਸਮੇਂ ਅਸੀਂ ਅਕਸਰ ਧੋਖਾ ਖਾ ਜਾਂਦੇ ਹਨ ਕਿਉਂਕਿ ਕਈ ਵਾਰ ਅਸੀ ਗਾਜਰਾਂ ਨੂੰ ਉਹਨਾਂ ਦੀ ਦਿੱਖ ਦੇਖ ਕੇ ਲਿਆਉਂਦੇ ਹਾਂ ਪਰ ਅੰਦਰੋਂ ਸਵਾਦ ਬਿਲਕੁਲ ਫਿੱਕਾ ਹੁੰਦਾ ਹੈ। ਅਜਿਹੇ ਵਿੱਚ ਜਦੋਂ ਵੀ ਅਸੀਂ ਬਜ਼ਾਰ ਵਿੱਚੋਂ ਗਾਜਰ ਖਰੀਦਣ ਜਾਂਦੇ ਹਾਂ ਤਾਂ ਚੰਗੀ ਗਾਜਰ ਦੀ ਚੋਣ ਕਰਨ ਲਈ ਕੁੱਝ ਗੱਲਾਂ ਦਾ ਧਿਆਨ ਰੱਖਣਾ ਪੈਂਦਾ ਹੈ।
ਗਾਜਰ ਨੂੰ ਰੰਗ ਦੇਖ ਕੇ ਪਛਾਣੋ-
ਵਧੀਆ ਗਾਜਰ ਖਰੀਦਣ ਲਈ ਸਾਡੇ ਲਈ ਇਸ ਦੇ ਰੰਗ ਦੀ ਪਛਾਣ ਕਰਨਾ ਬਹੁਤ ਜ਼ਰੂਰੀ ਹੈ। ਬਜ਼ਾਰ ਵਿੱਚ ਕਈ ਰੰਗਾਂ ਦੀਆਂ ਗਾਜਰਾਂ ਹੁੰਦੀਆਂ ਹਨ, ਪਰ ਕਿਹਾ ਜਾਂਦਾ ਹੈ ਕਿ ਗੂੜੇ ਸੰਤਰੀ ਜਾਂ ਲਾਲ ਰੰਗ ਦੀਆਂ ਗਾਜਰਾਂ ਨੂੰ ਖਰੀਦਣਾ ਸਭ ਤੋਂ ਵਧੀਆ ਹੈ। ਮੋਟੀ ਗਾਜਰ ਮਿੱਠੀ ਹੁੰਦੀ ਹੈ ਅਤੇ ਪਤਲੀ ਗਾਜਰ ਲੂਣੀਆਂ ਸਬਜ਼ੀਆਂ ਲਈ ਹੁੰਦੀ ਹੈ।
ਤਾਜ਼ੀ ਗਾਜਰ ਪਤਾ ਲਗਾਉਣ ਦਾ ਤਰੀਕਾ-
ਜੇ ਗਾਜਰ ਦੇ ਉੱਪਰਲੇ ਪੱਤੇ ਮੁਰਝਾ ਗਏ ਹਨ, ਤਾਂ ਇਸ ਦਾ ਮਤਲਬ ਗਾਜਰ ਤਾਜ਼ੀ ਨਹੀਂ ਹੈ, ਇਸ ਦੇ ਨਾਲ ਹੀ ਤਾਜ਼ੀ ਗਾਜਰ ਨੂੰ ਇਸ ਦੀ ਗੰਧ ਤੋਂ ਵੀ ਪਛਾਣਿਆ ਜਾ ਸਕਦਾ ਹੈ। ਜੇ ਗਾਜਰ ਦੀ ਖੁਸ਼ਬੂ ਨਹੀਂ ਆਉਂਦੀ ਤਾਂ ਗਾਜਰ ਨਾ ਖਰੀਦੋ।
ਗਾਜਰ ਖਰੀਦਣ ਸਮੇਂ ਰੱਖੋ ਇਹ ਧਿਆਨ-
ਦਾਗ ਜਾਂ ਨਿਸ਼ਾਨ ਵਾਲੀ ਗਾਜਰ ਨਾ ਖਰੀਦੋ, ਕਿਉਂਕਿ ਇਸ ਦਾ ਸਵਾਦ ਖਰਾਬ ਹੋ ਸਕਦਾ ਹੈ।
ਗਾਜਰ ਖਰੀਦਣ ਤੋਂ ਪਹਿਲਾਂ ਤੁਸੀਂ ਨਮੂਨੇ ਦੇ ਤੌਰ ’ਤੇ ਇੱਕ ਗਾਜਰ ਦੀ ਜਾਂਚ ਕਰ ਸਕਦੇ ਹੋ।
ਬਹੁਤੀ ਭਾਰੀ ਗਾਜਰ ਨਾ ਖਰੀਦੋ ਕਿਉਂਕਿ ਭਾਰੀ ਗਾਜਰ ਦੇ ਅੰਦਰ ਜ਼ਿਆਦਾ ਗੰਢ ਨਿਕਲਦੇ ਹਨ।
