ਨਵੀਂ ਦਿੱਲੀ: ਆਯੁਸ਼ਮਾਨ ਖੁਰਾਨਾ ਅਤੇ ਰਕੁਲ ਪ੍ਰੀਤ ਸਿੰਘ ਸਟਾਰਰ ਫਿਲਮ ‘ਡਾਕਟਰ ਜੀ’ ਇਸ ਸਾਲ 14 ਅਕਤੂਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਸੀ। ਫਿਲਮ ਦਰਸ਼ਕਾਂ ਨੂੰ ਜ਼ਿਆਦਾ ਪ੍ਰਭਾਵਿਤ ਨਹੀਂ ਕਰ ਸਕੀ ਪਰ ਫਿਲਮ ਦੀ ਕਹਾਣੀ ਨੇ ਲੋਕਾਂ ਨੂੰ ਕਾਫੀ ਪ੍ਰਭਾਵਿਤ ਕੀਤਾ ਹੈ। ਡਾਕਟਰ ਜੀ ਦੀ ਕਹਾਣੀ ਇੱਕ ਮੈਡੀਕੋ ਬਾਰੇ ਹੈ ਜੋ ਆਰਥੋਪੀਡਿਕਸ ਵਿੱਚ ਮੁਹਾਰਤ ਹਾਸਲ ਕਰਨਾ ਚਾਹੁੰਦਾ ਹੈ, ਪਰ ਗਾਇਨੀਕੋਲੋਜੀ ਵਿੱਚ ਦਾਖਲਾ ਲੈ ਲੈਂਦਾ ਹੈ। ਫਿਲਮ ‘ਚ ਸ਼ੈਫਾਲੀ ਸ਼ਾਹ ਅਤੇ ਸ਼ੀਬਾ ਚੱਢਾ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਰਕੁਲਪ੍ਰੀਤ ਦਾ ਕਿਰਦਾਰ ਵੀ ਕਾਫੀ ਮਜ਼ਾਕੀਆ ਹੈ। ਜੇਕਰ ਤੁਸੀਂ ਫਿਲਮ ਨੂੰ ਸਿਨੇਮਾਘਰਾਂ ‘ਚ ਨਹੀਂ ਦੇਖ ਸਕਦੇ ਸੀ, ਤਾਂ ਹੁਣ ਤੁਸੀਂ ਇਸ ਨੂੰ OTT ‘ਤੇ ਦੇਖ ਸਕਦੇ ਹੋ।
ਸਿਨੇਮਾ ਰੇਅਰ ਦੇ ਟਵਿੱਟਰ ਅਕਾਊਂਟ ‘ਤੇ ‘ਡਾਕਟਰ ਜੀ’ ਦੀ OTT ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਗਿਆ ਹੈ। ਇਹ ਫਿਲਮ 11 ਦਸੰਬਰ ਤੇ ਨੈੱਟਫਲਿਕਸ ਇੰਡੀਆ ‘ਤੇ ਸਟ੍ਰੀਮ ਹੋਵੇਗੀ। ਅਭਿਨੇਤਾ ਆਯੁਸ਼ਮਾਨ ਖੁਰਾਨਾ ਤੋਂ ਇਲਾਵਾ ‘ਡਾਕਟਰ ਜੀ’ ਵਿੱਚ ਸ਼ੈਫਾਲੀ ਸ਼ਾਹ ਸਮੇਤ ਤਿੰਨ ਸ਼ਾਨਦਾਰ ਮਹਿਲਾ ਕਲਾਕਾਰ ਹਨ। ਸ਼ੇਫਾਲੀ ਸਾਹ ਫਿਲਮ ਦੇ ਮੈਡੀਕਲ ਕਾਲਜ ਦੀ ਕੋਆਰਡੀਨੇਟਰ ਦੀ ਭੂਮਿਕਾ ਵਿੱਚ ਹੈ, ਰਕੁਲ ਪ੍ਰੀਤ ਸਿੰਘ ਆਯੁਸ਼ਮਾਨ ਦੀ ਸੀਨੀਅਰ ਬਣੀ ਹੈ, ਜਦੋਂ ਕਿ ਸ਼ੀਬਾ ਚੱਢਾ ਨੇ ਕਾਮੇਡੀ-ਡਰਾਮੇ ਵਿੱਚ ਉਸਦੀ ਮਾਂ ਦੀ ਭੂਮਿਕਾ ਨਿਭਾਈ ਹੈ।
