ਕਾਂਗਰਸ ਦੀ ਭਾਰਤ ਜੋੜੋ ਯਾਤਰਾ ਦੇ 100 ਦਿਨ ਪੂਰੇ ਹੋ ਗਏ ਹਨ। ਇਹ ਯਾਤਰਾ ਫਿਲਹਾਲ ਰਾਜਸਥਾਨ ‘ਚ ਹੈ। ਭਾਰਤ ਜੋੜੋ ਯਾਤਰਾ ਆਪਣੇ 100ਵੇਂ ਦਿਨ ਰਾਜਸਥਾਨ ਦੇ ਦੌਸਾ ‘ਚ ਹੈ। ਅੱਜ ਯਾਤਰਾ ਇਕੋ ਪੜਾਅ ਵਿੱਚ ਕਰੀਬ 22 ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗੀ। ਅੱਜ ਚਾਹ ਦੀ ਬਰੇਕ ਦੀ ਥਾਂ ਸਿੱਧੀ ਲੰਚ ਬਰੇਕ ਰੱਖੀ ਗਈ ਹੈ। ਇਸ ਤੋਂ ਬਾਅਦ ਰਾਹੁਲ ਗਾਂਧੀ ਹੈਲੀਕਾਪਟਰ ਰਾਹੀਂ ਜੈਪੁਰ ਜਾਣਗੇ। ਭਾਰਤ ਜੋੜੋ ਯਾਤਰਾ ਦੇ 100 ਦਿਨ ਪੂਰੇ ਹੋਣ ‘ਤੇ ਅੱਜ ਜੈਪੁਰ ਸਥਿਤ ਪੀਸੀਸੀ ਦੇ ਨਵੇਂ ਦਫਤਰ ‘ਚ ਰਾਹੁਲ ਗਾਂਧੀ ਦੀ ਪ੍ਰੈੱਸ ਕਾਨਫਰੰਸ ਰੱਖੀ ਗਈ ਹੈ। ਰਾਜਸਥਾਨ ਵਿੱਚ ਰਾਹੁਲ ਗਾਂਧੀ ਦੀ ਇਹ ਪਹਿਲੀ ਪ੍ਰੈਸ ਕਾਨਫਰੰਸ ਹੋਵੇਗੀ।
ਭਾਰਤ ਜੋੜੋ ਯਾਤਰਾ ਦੇ 100 ਦਿਨ ਪੂਰੇ ਹੋਣ ‘ਤੇ ਕਾਂਗਰਸ ਪ੍ਰਧਾਨ ਖੜਗੇ ਨੇ ਕਿਹਾ ਕਿ ” ਭਾਰਤ ਜੋੜੋ ਯਾਤਰਾ ਦੇ 100 ਦਿਨ ਪੂਰੇ ਹੋ ਗਏ ਹਨ। ਸਾਰੇ ਭਾਰਤੀ ਯਾਤਰੀਆਂ ਨੂੰ ਅਤੇ ਖਾਸ ਕਰਕੇ ਰਾਹੁਲ ਗਾਂਧੀ ਨੂੰ ਬਹੁਤ-ਬਹੁਤ ਵਧਾਈਆਂ। ਇਸ ਯਾਤਰਾ ਨੂੰ ਲੱਖਾਂ ਲੋਕਾਂ ਦਾ ਸਹਿਯੋਗ, ਸਮਰਥਨ ਅਤੇ ਭਰੋਸਾ ਮਿਲਿਆ ਹੈ। ਇਹ ਇੱਕ ‘ਰਾਸ਼ਟਰੀ ਜਨ ਅੰਦੋਲਨ’ ਹੈ।