ਵਟਸਐਪ ਪੇ ਇੰਡੀਆ ਦੇ ਮੁਖੀ ਵਿਨੈ ਚੋਲੇਟੀ ਨੇ ਅਸਤੀਫਾ ਦੇ ਦਿੱਤਾ ਹੈ। ਉਨ੍ਹਾਂ ਦੀ ਨਿਯੁਕਤੀ ਚਾਰ ਮਹੀਨੇ ਪਹਿਲਾਂ ਹੀ ਹੋਈ ਸੀ। ਚੋਲੇਟੀ ਨੇ ਸੋਸ਼ਲ ਮੀਡੀਆ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ। ਚੋਲੇਟੀ ਨੇ ਲਿੰਕਡਇਨ ‘ਤੇ ਆਪਣੇ ਅਸਤੀਫੇ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਲਿਖਿਆ, ”ਵਟਸਐਪ ਪੇ ‘ਤੇ ਅੱਜ ਮੇਰਾ ਆਖਰੀ ਦਿਨ ਸੀ, ਮੈਂ ਕੰਪਨੀ ਛੱਡ ਦਿੱਤੀ ਹੈ। ਮੈਂ ਮਾਣ ਨਾਲ ਕਹਿ ਸਕਦਾ ਹਾਂ ਕਿ ਭਾਰਤ ਵਿੱਚ WhatsApp ਦੇ ਦਾਇਰੇ ਅਤੇ ਪ੍ਰਭਾਵ ਨੂੰ ਦੇਖਣਾ ਬਹੁਤ ਵਧੀਆ ਅਨੁਭਵ ਰਿਹਾ ਹੈ। ਚੋਲੇਟੀ WhatsApp ਨਾਲ ਜੁੜਨ ਤੋਂ ਪਹਿਲਾਂ Amazon ਵਿੱਚ ਸੀ।
ਜ਼ਿਕਰਯੋਗ ਹੈ ਕਿ ਵਿਨੈ ਚੋਲੇਟੀ ਅਕਤੂਬਰ 2021 ਵਿੱਚ ਵਟਸਐਪ-ਪੇ ਵਿੱਚ ਵਪਾਰੀ ਭੁਗਤਾਨ ਮੁਖੀ ਵਜੋਂ ਸ਼ਾਮਲ ਹੋਏ ਸਨ, ਉਸ ਤੋਂ ਬਾਅਦ ਸਤੰਬਰ 2022 ਵਿੱਚ ਉਨ੍ਹਾਂ ਨੂੰ WhatsApp-ਪੇ ਦਾ ਇੰਡੀਆ ਮੁਖੀ ਬਣਾਇਆ ਗਿਆ ਸੀ। ਚੋਲੇਟੀ ਨੇ ਮਨੀਸ਼ ਮਹਾਤਮੇ ਦੀ ਜਗ੍ਹਾ ਲਈ, ਜੋ ਸਤੰਬਰ ਵਿੱਚ ਵਟਸਐਪ ਤੋਂ ਅਸਤੀਫਾ ਦੇਣ ਤੋਂ ਬਾਅਦ ਐਮਾਜ਼ਾਨ ਵਿੱਚ ਸ਼ਾਮਲ ਹੋ ਗਏ ਸਨ।