ਨਿਰਦੇਸ਼ਕ ਜੇਮਸ ਕੈਮਰਨ ਦੀ ਫਿਲਮ ‘ਅਵਤਾਰ: ਦਿ ਵੇ ਆਫ ਵਾਟਰ’ 16 ਦਸੰਬਰ ਨੂੰ ਰਿਲੀਜ਼ ਹੋਈ ਹੈ। ‘ਅਵਤਾਰ: ਦਿ ਵੇ ਆਫ ਵਾਟਰ’ ਨੇ ਪਹਿਲੇ ਦਿਨ ਬਾਕਸ ਆਫਿਸ ‘ਤੇ ਜ਼ਬਰਦਸਤ ਓਪਨਿੰਗ ਕੀਤੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਫਿਲਮ ‘ਅਵਤਾਰ: ਦਿ ਵੇ ਆਫ ਵਾਟਰ’ ਨੇ ਦੋਹਰੇ ਅੰਕਾਂ ‘ਚ ਓਪਨਿੰਗ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਮ ‘ਅਵਤਾਰ : ਦਿ ਵੇ ਆਫ ਵਾਟਰ’ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਪ੍ਰਸ਼ੰਸਕ ਇਸ ਫਿਲਮ ਦਾ ਕਈ ਸਾਲਾਂ ਤੋਂ ਇੰਤਜ਼ਾਰ ਕਰ ਰਹੇ ਸਨ। ਬਾਲੀਵੁੱਡ ਬਾਕਸ ਆਫਿਸ ਕਲੈਕਸ਼ਨ ਮੁਤਾਬਕ ਫਿਲਮ ਪਹਿਲੇ ਦਿਨ 40-45 ਕਰੋੜ ਰੁਪਏ ਕਮਾਏਗੀ। ਖਬਰਾਂ ਮੁਤਾਬਕ ਲੋਕਾਂ ਨੇ ਇਸ ਫਿਲਮ ਦੀ ਐਡਵਾਂਸ ਬੁਕਿੰਗ ਪਹਿਲਾਂ ਹੀ ਕਰ ਲਈ ਸੀ। ਇਸ ਦੇ ਨਾਲ ਹੀ ਫਿਲਮ ਨੇ ਰਿਲੀਜ਼ ਤੋਂ ਪਹਿਲਾਂ ਹੀ ਐਡਵਾਂਸ ਕਲੈਕਸ਼ਨ ਤੋਂ 30 ਕਰੋੜ ਰੁਪਏ ਕਮਾ ਲਏ ਸਨ।
ਫਿਲਮ ‘ਅਵਤਾਰ’ ਸਾਲ 2009 ‘ਚ ਰਿਲੀਜ਼ ਹੋਈ ਸੀ। ਪ੍ਰਸ਼ੰਸਕ ਇਸ ਦੇ ਦੂਜੇ ਭਾਗ ਦਾ 12 ਸਾਲਾਂ ਤੋਂ ਇੰਤਜ਼ਾਰ ਕਰ ਰਹੇ ਸਨ। ‘ਅਵਤਾਰ 2’ ਭਾਰਤ ‘ਚ 3800 ਤੋਂ ਜ਼ਿਆਦਾ ਸਕ੍ਰੀਨਜ਼ ‘ਤੇ ਰਿਲੀਜ਼ ਹੋ ਚੁੱਕੀ ਹੈ। ‘ਅਵਤਾਰ: ਦਿ ਵੇ ਆਫ ਵਾਟਰ’ ਭਾਰਤ ‘ਚ ਛੇ ਭਾਸ਼ਾਵਾਂ ‘ਚ ਰਿਲੀਜ਼ ਹੋ ਚੁੱਕੀ ਹੈ, ਜਿਸ ‘ਚ ਅੰਗਰੇਜ਼ੀ, ਤਾਮਿਲ, ਮਲਿਆਲਮ, ਕੰਨੜ, ਤੇਲਗੂ ਅਤੇ ਹਿੰਦੀ ਸ਼ਾਮਲ ਹਨ। ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਤੋਂ ਕੁਝ ਘੰਟਿਆਂ ਬਾਅਦ, ਫਿਲਮ ਨੂੰ ਕੁਝ ਵੈੱਬਸਾਈਟਾਂ ‘ਤੇ ਫੁੱਲ HD ਵਿੱਚ ਲੀਕ ਕੀਤਾ ਗਿਆ ਹੈ। ਸੈਮ ਵਰਥਿੰਗਟਨ, ਜ਼ੋ ਸਲਡਾਨਾ, ਕੇਟ ਵਿੰਸਲੇਟ, ਸਿਗੌਰਨੀ ਵੀਵਰ, ਸਟੀਫਨ ਲੈਂਗ, ਬ੍ਰਿਟੇਨ ਡਾਲਟਨ ਵਰਗੇ ਕਲਾਕਾਰ ਫਿਲਮ ‘ਅਵਤਾਰ: ਦ ਵੇ ਆਫ ਵਾਟਰ’ ‘ਚ ਨਜ਼ਰ ਆਉਣਗੇ।
