ਰੋਜ਼ਾਨਾ ਇਸਤੇਮਾਲ ਦੀਆਂ ਵਸਤੂਆਂ ਦੀਆਂ ਵਧਦੀਆਂ ਕੀਮਤਾਂ ਨੇ ਦੇਸ਼ ਭਰ ਦੇ ਲੋਕਾਂ ਲਈ ਭਾਰੀ ਵਿੱਤੀ ਸੰਕਟ ਖੜ੍ਹਾ ਦਿੱਤਾ ਹੈ। ਇਸ ਦਾ ਅਸਰ ਸਿਰਫ਼ ਘਰੇਲੂ ਪੱਧਰ ‘ਤੇ ਹੀ ਨਹੀਂ ਸਗੋਂ ਦੁਕਾਨਦਾਰਾਂ ਅਤੇ ਨਿਰਮਾਤਾ ਉੱਤੇ ਵੀ ਪਿਆ ਹੈ। ਵਧਦੀਆਂ ਕੀਮਤਾਂ ਨੇ ਛੋਟੇ ਦੁਕਾਨਦਾਰਾਂ ਅਤੇ ਉਤਪਾਦਕਾਂ ਨੂੰ ਆਪਣਾ ਕਾਰੋਬਾਰ ਬੰਦ ਕਰਨ ਲਈ ਮਜਬੂਰ ਕਰ ਦਿੱਤਾ ਹੈ। ਰਿਟੇਲ ਇੰਟੈਲੀਜੈਂਟ ਪਲੇਟਫਾਰਮ ਬਾਇਜਾਮ ਅਤੇ ਗਲੋਬਲ ਫਰਮ ਨੀਲਸਨ ਨੇ ਦਾਅਵਾ ਕੀਤਾ ਹੈ ਕਿ ਨਵੰਬਰ ‘ਚ 6 ਫ਼ੀਸਦੀ ਛੋਟੇ ਦੁਕਾਨਦਾਰ ਆਪਣਾ ਕਾਰੋਬਾਰ ਬੰਦ ਕਰ ਗਏ ਅਤੇ 14 ਫ਼ੀਸਦ ਤੱਕ ਨਿਰਮਾਣ ਇਕਾਈਆਂ ਨੇ ਵੀ ਫੈਕਟਰੀਆਂ ਨੂੰ ਤਾਲਾ ਲਗਾ ਦਿੱਤਾ ਹੈ।
ਰਿਪੋਰਟ ਮੁਤਾਬਕ ਅਕਤੂਬਰ ਤਿਮਾਹੀ ‘ਚ ਐਫਐਮਸੀਜੀ ਉਤਪਾਦਕਤਾਂ ਦੇ ਛੋਟੇ ਨਿਰਮਾਤਾਵਾਂ ਦੀ ਕੁੱਲ ਉਦਯੋਗ ਵਿਚ ਹਿੱਸੇਦਾਰੀ ਸਮਰਫ਼ 2 ਫ਼ੀਸਦੀ ਰਹਿ ਗਈ ਹੈ। ਇਸ ਦੌਰਾਨ 14 ਫ਼ੀਸਦ ਛੋਟੇ ਨਿਰਮਾਤਾਵਾਂ ਨੇ ਆਪਣਾ ਕਾਰੋਬਾਰ ਬੰਦ ਕਰ ਦਿੱਤਾ। ਇਸ ਉਲਟ ਵੱਡੇ ਉਤਪਾਦਕਾਂ ਦੀ ਹਿੱਸੇਦਾਰੀ ਵਧ ਕੇ 76 ਫ਼ੀਸਦ ਤੱਕ ਪਹੁੰਚ ਗਈ ਹੈ। ਨੀਰਸਨ ਦੇ ਦੱਖਣੀ ਏਸ਼ੀਆ ਮੁੱਖੀ ਸਮੀਰ ਸ਼ੁੱਕਲਾ ਨੇ ਕਿਹਾ ਕਿ ਛੋਟੇ ਨਿਰਮਾਤਾ ਵਧਦੀ ਮਹਿੰਗਾਈ ਦਾ ਦਬਾਅ ਨਹੀਂ ਸਹਿ ਸਕੇ। ਲਗਾਤਾਰ ਘਾਟੇ ਕਾਰਨ ਉਨ੍ਹਾਂ ਨੂੰ ਆਪਣਾ ਕਾਰੋਬਾਰ ਬੰਦ ਕਰਨਾ ਪੈ ਰਿਹਾ ਹੈ।
ਦੀਵਾਲੀ ਦੇ ਬਾਅਦ 6.1 ਫ਼ੀਸਦੀ ਛੋਟੇ ਦੁਕਾਨਦਾਰ ਵੀ ਆਪਣਾ ਕਾਰੋਬਾਰ ਬੰਦ ਕਰਕੇ ਚਲੇ ਗਏ ਹਨ।ਰੋਜ਼ਾਨਾ ਇਸਤੇਮਾਲ ਵਾਲਾ ਸਮਾਨ ਜਿਵੇਂ ਕਿ ਸਾਬਣ, ਤੇਲ, ਟੁੱਥਪੇਸਟ, ਚਾਹ ਅਤੇ ਹੋਰ ਚੀਜ਼ਾਂ ਦੀ ਵਿਕਰੀ ਅਕਤੂਬਰ ਮਹੀਨੇ ਦੇ ਮੁਕਾਬਲੇ ਨਵੰਬਰ ‘ਚ 14.4 ਫ਼ੀਸਦੀ ਘਟੀ ਹੈ। ਇਸ ਦਾ ਪ੍ਰਮੁੱਖ ਕਾਰਨ ਵੱਡੇ ਮਾਲ ਵਿਚ ਸਸਤਾ ਸਮਾਨ ਮਿਲਣਾ ਵੀ ਹੈ। ਇਸ ਕਾਰਨ ਬਾਜ਼ਾਰਾਂ ਵਿਚ ਛੋਟੇ ਅਤੇ ਚਾਲੂ ਕਰਿਆਨਾ ਦੁਕਾਨਦਾਰਾਂ ਦੀ ਵਿਕਰੀ ਘਟੀ ਹੈ। ਪਿਛਲੇ ਸਾਲ ਦੇ ਮੁਕਾਬਲੇ ਉਪਭੋਗਤਾ ਸਮਾਨਾਂ ਦੀ ਵਿਕਰੀ 10.4 ਫ਼ੀਸਦੀ ਵਧੀ ਹੈ। ਇਸ ਸਾਲ ਡੱਬਾ ਬੰਦ ਖੁਰਾਕ ਉਤਪਾਦਾਂ ਦੀ ਮੰਗ ਵਧੀ ਹੈ ਕਿਉਂਕਿ ਦਫ਼ਤਰ ਦੁਬਾਰਾ ਖੁੱਲ੍ਹਣ ਅਤੇ ਯਾਤਰਾਵਾਂ ‘ਤੇ ਪਾਬੰਦੀ ਹਟਣ ਕਾਰਨ ਲੋਕ ਘਰਾਂ ਵਿਚੋਂ ਬਾਹਰ ਨਿਕਲ ਰਹੇ ਹਨ।
