ਦੁਨੀਆ ਦੇ ਪਹਿਲੇ ਫਲਾਇੰਗ ਮੋਟਰਸਾਈਕਲ ਦੀ ਬੁਕਿੰਗ ਸ਼ੁਰੂ ਹੋ ਗਈ ਹੈ। ਇਹ ਮੋਟਰਸਾਈਕਲ 30 ਮਿੰਟ ਤੱਕ 96 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਨਾਲ ਉੱਡ ਸਕਦਾ ਹੈ। ਇਸ ਫਲਾਇੰਗ ਬਾਈਕ ਦਾ ਨਾਂ ‘ਸਪੀਡਰ’ ਰੱਖਿਆ ਗਿਆ ਹੈ। ਇਸ ਦੀ ਸ਼ੁਰੂਆਤੀ ਕੀਮਤ 3.15 ਕਰੋੜ ਰੁਪਏ ਰੱਖੀ ਗਈ ਹੈ।
ਦੱਸ ਦਈਏ ਕਿ 136 ਕਿਲੋਗ੍ਰਾਮ ਵਜ਼ਨ ਵਾਲੀ ਬਾਈਕ 272 ਕਿਲੋਗ੍ਰਾਮ ਦਾ ਭਾਰ ਚੁੱਕ ਸਕੇਗੀ। ਇਸ ਨੂੰ ਰਿਮੋਟ ਤੋਂ ਵੀ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਇਸ ਫਲਾਇੰਗ ਬਾਈਕ ਨੂੰ ਅਮਰੀਕਾ ਦੀ ਜੈਟਪੈਕ ਏਵੀਏਸ਼ਨ ਕੰਪਨੀ ਨੇ ਬਣਾਇਆ ਹੈ। ਅਸਲ ਡਿਜ਼ਾਈਨ ਵਿੱਚ ਚਾਰ ਟਰਬਾਈਨਾਂ ਸਨ, ਪਰ ਅੰਤਮ ਉਤਪਾਦ ਵਿੱਚ ਅੱਠ ਹੋਣਗੇ। ਕੰਪਨੀ ਮੁਤਾਬਕ ਫਲਾਇੰਗ ਬਾਈਕ ਅਸਲ ‘ਚ ਏਅਰ ਯੂਟਿਲਿਟੀ ਵ੍ਹੀਕਲ ਹੈ। ਯਾਨੀ, ਇਸਦੀ ਵਰਤੋਂ ਮੈਡੀਕਲ ਐਮਰਜੈਂਸੀ ਅਤੇ ਅੱਗ ਬੁਝਾਉਣ ਵਰਗੇ ਉਦੇਸ਼ਾਂ ਲਈ ਵੀ ਕੀਤੀ ਜਾ ਸਕਦੀ ਹੈ।