Hero MotoCorp ਨੇ ਆਪਣੀ ਨਵੀਂ ਬਾਈਕ XPulse 200T 4V ਲਾਂਚ ਕਰ ਦਿੱਤੀ ਹੈ। Hero XPulse 200T ਨੂੰ ਸ਼ਾਨਦਾਰ ਸਪੋਰਟੀ ਲੁੱਕ ਦਿੱਤਾ ਗਿਆ ਹੈ। ਇਸ ਬਾਈਕ ਦੀ ਸ਼ੁਰੂਆਤੀ ਕੀਮਤ 1,25,726 ਰੁਪਏ (ਐਕਸ-ਸ਼ੋਰੂਮ, ਮੁੰਬਈ) ਤੋਂ ਸ਼ੁਰੂ ਹੁੰਦੀ ਹੈ। ਦੱਸ ਦੇਈਏ ਕਿ ਇਸ ਬਾਈਕ ਨੇ XPulse 200 2V ਨੂੰ ਰਿਪਲੇਸ ਕੀਤਾ ਹੈ।
ਬਾਈਕ ਨੂੰ LED ਹੈੱਡਲਾਈਟ ਅਤੇ ਬਾਡੀ ਕਲਰ ਪੇਂਟਿਡ ਹੈੱਡ ਕੇਸਿੰਗ ਦੇ ਉੱਪਰ ਇੱਕ ਛੋਟੀ ਫਲਾਈ ਸਕ੍ਰੀਨ ਮਿਲਦੀ ਹੈ। XPulse 200T 4V ਸਮਾਰਟਫੋਨ ਕਨੈਕਟੀਵਿਟੀ ਅਤੇ ਕਾਲ ਅਲਰਟ ਸਿਸਟਮ ਤੋਂ ਇਲਾਵਾ USB ਚਾਰਜਰ, ਗੇਅਰ ਇੰਡੀਕੇਟਰ ਅਤੇ ਸਾਈਡ-ਸਟੈਂਡ ਇੰਜਣ ਕੱਟ-ਆਫ ਦੇ ਨਾਲ ਇੱਕ ਪੂਰੀ ਤਰ੍ਹਾਂ ਨਾਲ ਡਿਜੀਟਲ LCD ਇੰਸਟਰੂਮੈਂਟ ਕਲੱਸਟਰ ਪ੍ਰਾਪਤ ਕਰੇਗਾ। ਬਾਈਕ ਦੇ ਅਲਾਏ ਡਿਜ਼ਾਈਨ, ਸਕੂਪਡ ਸੀਟ ਅਤੇ ਸਾਈਡ ਪੈਨਲ ਨੂੰ ਪਹਿਲਾਂ ਵਾਂਗ ਹੀ ਬਰਕਰਾਰ ਰੱਖਿਆ ਗਿਆ ਹੈ।
ਨਵੀਂ XPulse 200T 4V ਨੂੰ 200cc 4 ਵਾਲਵ ਆਇਲ-ਕੂਲਡ ਇੰਜਣ ਮਿਲਦਾ ਹੈ। ਇਹ 19.1PS ਦੀ ਅਧਿਕਤਮ ਪਾਵਰ ਅਤੇ 17.3Nm ਪੀਕ ਟਾਰਕ ਜਨਰੇਟ ਕਰਦਾ ਹੈ। ਇਸ ਦੇ ਇੰਜਣ ਨੂੰ 5-ਸਪੀਡ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ। ਰਾਈਡਰ ਦੀ ਸੁਰੱਖਿਆ ਲਈ ਇਸ ‘ਚ 276mm ਫਰੰਟ ਅਤੇ 220mm ਰੀਅਰ ਪੇਟਲ ਡਿਸਕ ਬ੍ਰੇਕ ਮਿਲੇਗੀ। ਬਾਈਕ ‘ਚ 17-ਇੰਚ ਕਾਸਟ-ਅਲਾਏ ਰਿਮ, ਸਕੂਪਡ ਸੀਟ ਅਤੇ ਸਾਈਡ ਪੈਨਲ ਦਿੱਤੇ ਗਏ ਹਨ।
ਕੰਪਨੀ ਇਸ ਨੂੰ ਤਿੰਨ ਨਵੇਂ ਕਲਰ ਆਪਸ਼ਨਸ- ਸਪੋਰਟਸ ਰੈੱਡ, ਮੈਟ ਫੰਕ ਲਾਈਮ ਯੈਲੋ ਅਤੇ ਮੈਟ ਸ਼ੀਲਡ ਗੋਲਡ ‘ਚ ਲੈ ਕੇ ਆਈ ਹੈ। ਇਸ ਵਿੱਚ ਨਿਓ-ਰੇਟਰੋ ਸਟਾਈਲਿੰਗ ਅਤੇ ਬੋਲਡ ਗ੍ਰਾਫਿਕਸ ਦੇ ਨਾਲ ਸਰਕੂਲਰ ਫੁੱਲ-LED ਹੈੱਡਲੈਂਪਸ ਅਤੇ LED ਪੋਜੀਸ਼ਨ ਲੈਂਪ ਦਿੱਤੇ ਗਏ ਹਨ।