ਚੀਨੀ ਤਕਨੀਕੀ ਕੰਪਨੀ Xiaomi ਆਪਣੀ ਪਹਿਲੀ ਇਲੈਕਟ੍ਰਿਕ ਕਾਰ SU7 28 ਮਾਰਚ ਨੂੰ ਚੀਨ ‘ਚ ਲਾਂਚ ਕਰੇਗੀ। ਕੰਪਨੀ ਦੇ ਸੰਸਥਾਪਕ ਅਤੇ ਸੀਈਓ ਲੇਈ ਜੂਨ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਇਹ ਜਾਣਕਾਰੀ ਦਿੱਤੀ।
ਉਨ੍ਹਾਂ ਲਿਖਿਆ, ‘ਤਿੰਨ ਸਾਲ ਪਹਿਲਾਂ ਮੈਂ ਐਲਾਨ ਕੀਤਾ ਸੀ ਕਿ Xiaomi EV ਬਾਜ਼ਾਰ ‘ਚ ਐਂਟਰੀ ਕਰਨ ਜਾ ਰਹੀ ਹੈ। ਪਿਛਲੇ ਤਿੰਨ ਸਾਲਾਂ ਵਿੱਚ ਮੈਂ ਅਣਗਿਣਤ ਚੁਣੌਤੀਆਂ ਦਾ ਸਾਹਮਣਾ ਕੀਤਾ ਹੈ। ਪਰ ਇੱਕ ਗੱਲ ਹਮੇਸ਼ਾ ਮੇਰੇ ਦਿਲ ਵਿੱਚ ਰਹੀ – ਅੱਗੇ ਵਧਦੇ ਰਹਿਣ ਦਾ ਅਟੁੱਟ ਇਰਾਦਾ।ਇਹ Xiaomi EV ਲਈ ਇੱਕ ਮਹੱਤਵਪੂਰਨ ਪਹਿਲਾ ਕਦਮ ਹੋਵੇਗਾ। ਸਾਡੇ ਗਲੋਬਲ ਪ੍ਰਸ਼ੰਸਕਾਂ ਲਈ, ਮੈਂ ਤੁਹਾਨੂੰ ਸਾਰਿਆਂ ਨੂੰ 28 ਮਾਰਚ ਨੂੰ ‘Xiaomi EV ਲਾਂਚ’ ਲਾਈਵਸਟ੍ਰੀਮ ਵਿੱਚ ਸ਼ਾਮਲ ਹੋਣ ਲਈ ਸੱਦਾ ਦੇ ਰਿਹਾ ਹਾਂ।”
ਇਸ ਕਾਰ ਦੀ ਕੀਮਤ 5 ਲੱਖ ਯੂਆਨ (ਕਰੀਬ 58 ਲੱਖ ਰੁਪਏ) ਤੋਂ ਘੱਟ ਹੋਵੇਗੀ। ਇਹ ਪਹਿਲੀ ਵਾਰ ਹੈ ਜਦੋਂ ਕੰਪਨੀ ਨੇ ਇਸ ਕਾਰ ਦੀ ਸਭ ਤੋਂ ਉੱਚੀ ਕੀਮਤ ਦਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਕਿਹਾ ਕਿ ਇਹ ਦਿੱਖ ‘ਚ ਸਟਾਈਲਿਸ਼ ਹੋਵੇਗੀ ਅਤੇ ਚਲਾਉਣ ‘ਚ ਸਭ ਤੋਂ ਆਸਾਨ ਅਤੇ ਸਮਾਰਟ ਕਾਰ ਹੋਵੇਗੀ। ਗਲੋਬਲ ਮਾਰਕੀਟ ‘ਚ ਇਸ ਦਾ ਮੁਕਾਬਲਾ BMW i4, BYD Seal ਅਤੇ Tesla Model 3 ਵਰਗੀਆਂ ਕਾਰਾਂ ਨਾਲ ਹੋਵੇਗਾ।