ਚੰਡੀਗੜ੍ਹ : ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਖਿਲਾਫ਼ ਐੱਫਆਈਆਰ ਦਰਜ ਕਰਨ ਦੇ ਮਾਮਲੇ ‘ਚ SIT ਗਠਿਤ ਕੀਤੀ ਗਈ ਹੈ। ਪੰਜਾਬ ਸਰਕਾਰ ਨੇ ਇਸ ਮਾਮਲੇ ਦੀ ਨਿਰਪੱਖ ਜਾਂਚ ਲਈ ਤਿੰਨ ਮੈਂਬਰੀ SIT ਦਾ ਗਠਨ ਕੀਤਾ ਹੈ। ਐੱਸਆਈਟੀ ਦੀ ਅਗਵਾਈ AIG ਬਲਰਾਜ ਸਿੰਘ ਕਰਨਗੇ। DSP ਰਾਜੇਸ਼ ਕੁਮਾਰ ਤੇ ਕੁਲਵੰਤ ਸਿੰਘ ਨੂੰ ਵੀ SIT ਦਾ ਹਿੱਸਾ ਹੋਣਗੇ। ਇਹ ਐੱਸਆਈਟੀ ਉਸ ਸਮੇਂ ਮਜੀਠੀਆ ਦੇ ਨਾਲ-ਨਾਲ ਕੌਣ-ਕੌਣ ਸੀ, ਇਸ ਸਬੰਧੀ ਜਾਂਚ ਕਰੇਗੀ। ਮਜੀਠੀਆ ਖਿਲਾਫ਼ ਦਰਜ ਐੱਫਆਈਆਰ ਦੀ ਕਾਪੀ ਵੀ ਸਾਹਮਣੇ ਆ ਗਈ ਹੈ। ਐੱਫਆਈਆਰ ਮੋਹਾਲੀ ਪੁਲਿਸ ਸਟੇਸ਼ਨ ‘ਚ NDPS ਐਕਟ ਤਹਿਤ ਦਰਜ ਹੋਈ ਹੈ ਜਿਸ ਨੂੰ ਸਪੈਸ਼ਲ ਟਾਸਕ ਫੋਰਸ ਨੇ ਦਰਜ ਕਰਵਾਇਆ ਹੈ।