ਗੁਰੂਗ੍ਰਾਮ ਪੁਲਿਸ ਟੀਮ ਨੇ ਗੁਰੂਗ੍ਰਾਮ ਵਿਚ ਐੱਨਐੱਨਸੀ ਕੈਂਪਸ ਵਿਚ ਕੰਸਟ੍ਰਕਸ਼ਨ ਦਾ ਠੇਕਾ ਦਿਵਾਉਣ ਦੇ ਨਾਂ ‘ਤੇ ਲਗਭਗ ਸਵਾ ਸੌ ਕਰੋੜ ਰੁਪਏ ਦੀ ਠੱਗੀ ਮਾਰਨ ਵਾਲੇ ਮੁੱਖ ਦੋਸ਼ੀ ਸਣੇ ਬੀਐਸਐਫ ਦੇ ਡਿਪਟੀ ਕਮਾਂਡੈਂਟ ਅਤੇ ਬੈਂਕ ਮੈਨੇਜਰ ਵਜੋਂ ਕੰਮ ਕਰ ਰਹੀ ਉਸਦੀ ਭੈਣ ਅਤੇ ਤਿੰਨ ਹੋਰ ਸਾਥੀਆਂ ਸਮੇਤ ਠੱਗੀ ਮਾਰਨ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਹੈ।
ਪੁਲਿਸ ਟੀਮ ਵੱਲੋਂ ਦੋਸ਼ੀਆਂ ਤੋਂ ਕੁੱਲ 13 ਕਰੋੜ 81 ਲੱਖ 26 ਹਜ਼ਾਰ ਰੁਪਏ ਦੀ ਨਕਦੀ ਤੇ 6 ਲਗਜ਼ਰੀ ਗੱਡੀਆਂ ਬਰਾਮਦ ਕੀਤੀਆਂ ਗਈਆਂ ਹਨ। ਦੋਸ਼ੀਆਂ ਨੂੰ ਪੁਲਿਸ ਰਿਮਾਂਡ ਉਤੇ ਲੈ ਕੇ ਪੁੱਛਗਿਛ ਕੀਤੀ ਜਾ ਰਹੀ ਹੈ। ਸ਼ਿਕਾਇਤਕਰਤਾ ਮੋਨੇਸ਼ ਇਸਰਾਨੀ ਨੇ ਦੱਸਿਆ ਕਿ ਪ੍ਰਵੀਨ ਯਾਦਵ ਪੁੱਤਰ ਕਮਲ ਸਿੰਘ, ਦਿਨੇਸ਼ ਮੋਹਨ ਸੋਰਖੀ, ਕਮਲ ਸਿੰਘ ਵੱਲੋਂ ਆਪਣੇ ਹੋਰ ਸਾਥੀਆਂ ਨਾਲ ਗਠਜੋੜ ਕਰਕੇ ਇਸ ਨੂੰ ਐੱਨ ਐੱਸ. ਜੀ. ਮਾਨੇਸਰ ਵਿਚ ਹਾਊਸਿੰਗ ਕੰਸਟ੍ਰਕਸ਼ਨ ਦਾ ਟੈਂਡਰ ਦਿਵਾਉਣ ਦੇ ਨਾਂ ਉਤੇ ਇਸ ਦੇ ਨਾਲ 64.49 ਕਰੋੜ ਰੁਪਏ ਦੀ ਠੱਗੀ ਕੀਤੀ ਗਈ।
ਉਨ੍ਹਾਂ ਕਿਹਾ ਕਿ ਬੀਐਸਐਫ ਅਧਿਕਾਰੀ ਖ਼ਿਲਾਫ਼ ਪਹਿਲੀ ਸ਼ਿਕਾਇਤ ਸਥਾਨਕ ਬਿਲਡਰ ਮੋਨੇਸ਼ ਇਰਾਨੀ ਨੇ 8 ਜਨਵਰੀ ਨੂੰ ਦਰਜ ਕਰਵਾਈ ਸੀ, ਜਿਸ ਵਿੱਚ ਦੋਸ਼ ਲਾਇਆ ਗਿਆ ਸੀ ਕਿ ਯਾਦਵ ਨੇ ਉਸ ਨੂੰ ਐਨਐਸਜੀ ਕੈਂਪਸ ਵਿੱਚ ਉਸਾਰੀ ਦਾ ਕੰਮ ਦਿਵਾਉਣ ਦੇ ਬਹਾਨੇ ਉਸ ਤੋਂ 65 ਕਰੋੜ ਰੁਪਏ ਲਏ ਸਨ।
ਇਸ ਤੋਂ ਬਾਅਦ 9 ਜਨਵਰੀ ਨੂੰ ਇੱਕ ਹੋਰ ਬਿਲਡਰ ਦਵਿੰਦਰ ਯਾਦਵ ਦੁਆਰਾ ਇੱਕ ਹੋਰ ਸ਼ਿਕਾਇਤ ਕੀਤੀ ਗਈ ਸੀ, ਜਿਸ ਨੇ ਇਹ ਵੀ ਦੋਸ਼ ਲਗਾਇਆ ਸੀ ਕਿ ਯਾਦਵ ਨੇ ਇਸੇ ਬਹਾਨੇ ਉਸ ਤੋਂ 37 ਕਰੋੜ ਰੁਪਏ ਲਏ ਸਨ, ਰਾਓ ਨੇ ਕਿਹਾ, ਬਾਅਦ ਵਿੱਚ ਯਾਦਵ ਵਿਰੁੱਧ ਤਿੰਨ ਹੋਰ ਅਜਿਹੀਆਂ ਸ਼ਿਕਾਇਤਾਂ ਦਰਜ ਕੀਤੀਆਂ ਗਈਆਂ ਸਨ।