ਫੁੱਟਬਾਲ ਦੇ ਸਰਬਕਾਲੀ ਮਹਾਨ ਖਿਡਾਰੀ ਪੇਲੇ ਦੀ ਹਾਲਤ ਨਾਜ਼ੁਕ ਹੈ। ਬ੍ਰਾਜ਼ੀਲ ਦਾ ਮਹਾਨ ਫੁੱਟਬਾਲਰ ਇਸ ਸਮੇਂ ਸਾਓ ਪਾਓਲੋ ਦੇ ਹਸਪਤਾਲ ‘ਚ ਮੌਤ ਨਾਲ ਜੂਝ ਰਿਹਾ ਹੈ। ਉਸ ਨੂੰ ਵਿਸ਼ੇਸ਼ ਨਿਗਰਾਨੀ ਹੇਠ ਰੱਖਿਆ ਗਿਆ ਹੈ। ਉਨ੍ਹਾਂ ਦੀ ਸਿਹਤ ਲਗਾਤਾਰ ਵਿਗੜਦੀ ਜਾ ਰਹੀ ਹੈ ਅਤੇ ਇਸ ਨਾਲ ਉਨ੍ਹਾਂ ਦੇ ਗੁਰਦੇ ਅਤੇ ਦਿਲ ਪ੍ਰਭਾਵਿਤ ਹੋਏ ਹਨ।
ਕੈਂਸਰ ਨਾਲ ਜੂਝ ਰਹੇ 82 ਸਾਲਾ ਬਜ਼ੁਰਗ ਫੁੱਟਬਾਲਰ ਨੂੰ ਦੇਖਣ ਲਈ ਨਜ਼ਦੀਕੀ ਦੋਸਤ ਅਤੇ ਪਰਿਵਾਰਕ ਮੈਂਬਰ ਹਸਪਤਾਲ ‘ਚ ਇਕੱਠੇ ਹੋਣੇ ਸ਼ੁਰੂ ਹੋ ਗਏ ਹਨ। ਉਨ੍ਹਾਂ ਦੇ ਪਰਿਵਾਰ ਨੇ ਐਤਵਾਰ ਨੂੰ ਹਸਪਤਾਲ ‘ਚ ਹੀ ਕ੍ਰਿਸਮਸ ਦਾ ਜਸ਼ਨ ਮਨਾਇਆ ਹੈ। ਐਤਵਾਰ ਸਵੇਰੇ ਉਨ੍ਹਾਂ ਦੀ ਬੇਟੀ ਕੈਲੀ ਨੈਸੀਮੈਂਟੋ ਨੇ ਇੰਸਟਾ ‘ਤੇ ਇਕ ਪਰਿਵਾਰਕ ਫੋਟੋ ਪੋਸਟ ਕੀਤੀ।
ਪੇਲੇ ਨੂੰ ਰੂਟੀਨ ਚੈਕਅੱਪ ਲਈ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ ਪਰ ਹੌਲੀ-ਹੌਲੀ ਉਨ੍ਹਾਂ ਦੀ ਹਾਲਤ ਵਿਗੜਨ ਲੱਗੀ। ਉਹ ਅਜੇ ਤੱਕ ਬਾਹਰ ਨਹੀਂ ਆਏ ਹਨ। ਪੇਲੇ ਨੂੰ ਦਿਲ ਦੀ ਸਮੱਸਿਆ ਸੀ। ਉਸ ਦੇ ਮੈਡੀਕਲ ਸਟਾਫ ਨੇ ਚਿੰਤਾ ਪ੍ਰਗਟ ਕੀਤੀ, ਕਿਉਂਕਿ ਉਸ ਦਾ ਕੀਮੋਥੈਰੇਪੀ ਇਲਾਜ ਵਧੀਆ ਜਵਾਬ ਨਹੀਂ ਦੇ ਰਿਹਾ ਸੀ। ਸਤੰਬਰ 2021 ਵਿੱਚ ਉਸਦਾ ਕੋਲਨ ਟਿਊਮਰ ਹਟਾ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਕੀਮੋਥੈਰੇਪੀ ਹੋਈ। ਪੇਲੇ ਨੂੰ ਪਹਿਲਾਂ ਵੀ ਕਈ ਵਾਰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ।
