ਦੱਖਣੀ ਕੋਰੀਆ ਦੇ ਪੂਰਬੀ ਤੱਟ ਦੇ ਜੰਗਲਾਂ ‘ਚ ਲੱਗੀ ਭਿਆਨਕ ਅੱਗ ਕਾਰਨ ਆਸ ਪਾਸ ਦੇ ਇਲਾਕੇ ਵਿਚ ਭਾਰੀ ਨੁਕਸਾਨ ਹੋਇਆ। ਇਸ ਅੱਗ ਕਾਰਨ ਹੁਣ ਤੱਕ 116 ਘਰ ਤਬਾਹ ਹੋ ਚੁੱਕੇ ਹਨ। ਇਸ ਦੇ ਨਾਲ ਹੀ 6 ਹਜ਼ਾਰ ਤੋਂ ਵੱਧ ਲੋਕਾਂ ਨੂੰ ਘਰ ਛੱਡਣਾ ਪਿਆ ਹੈ। ਤੱਟਵਰਤੀ ਸ਼ਹਿਰ ਵਿੱਚ ਸ਼ੁੱਕਰਵਾਰ ਸਵੇਰੇ ਜੰਗਲ ਦੀ ਅੱਗ ਉਲਜਿਨ ਦੇ ਇੱਕ ਪਹਾੜ ਤੋਂ ਸ਼ੁਰੂ ਹੋਈ। ਉਲਜਿਨ ਸਥਿਤ ਪਰਮਾਣੂ ਪਾਵਰ ਪਲਾਂਟ ਵੀ ਅੱਗ ਕਾਰਨ ਖਤਰੇ ‘ਚ ਸੀ।
ਰਾਸ਼ਟਰਪਤੀ ਮੂਨ ਜੇ-ਇਨ ਨੇ ਵੀ ਇਸ ਸਬੰਧੀ ਚੇਤਾਵਨੀ ਜਾਰੀ ਕੀਤੀ ਸੀ, ਜਿਸ ਤੋਂ ਬਾਅਦ ਪਾਵਰ ਪਲਾਂਟ ਦੀ ਸਮਰੱਥਾ 50% ਘਟਾ ਦਿੱਤੀ ਗਈ ਸੀ ਅਤੇ ਬਿਜਲੀ ਦੀਆਂ ਲਾਈਨਾਂ ਕੱਟ ਦਿੱਤੀਆਂ ਗਈਆਂ ਸਨ। ਨੈਸ਼ਨਲ ਫਾਇਰ ਏਜੰਸੀ ਦੇ ਅਧਿਕਾਰੀ ਮੁਤਾਬਕ ਪਲਾਂਟ ‘ਤੇ ਸੈਂਕੜੇ ਫਾਇਰਫਾਈਟਰ ਤਾਇਨਾਤ ਕੀਤੇ ਗਏ, ਜਿਸ ਤੋਂ ਬਾਅਦ ਅੱਗ ‘ਤੇ ਕਾਬੂ ਪਾਇਆ ਗਿਆ। ਅੱਗ ‘ਤੇ ਕਾਬੂ ਪਾਉਣ ਲਈ 2,000 ਤੋਂ ਵੱਧ ਫਾਇਰਫਾਈਟਰਜ਼ ਅਤੇ ਸੈਨਿਕਾਂ ਸਮੇਤ 51 ਹੈਲੀਕਾਪਟਰਾਂ ਅਤੇ 273 ਵਾਹਨਾਂ ਦੇ ਨੂੰ ਤਾਇਨਾਤ ਕੀਤਾ ਗਿਆ।
