ਅੰਮ੍ਰਿਤਸਰ ਵਿਚ ਫਿਰ ਕੋਰੋਨਾ ਧਮਾਕਾ ਹੋਇਆ ਹੈ। ਇਕ ਦਿਨ ਵਿਚ 305 ਪੀੜਤ ਮਿਲੇ ਹਨ। ਇਨ੍ਹਾਂ ਵਿਚ 22 ਡਾਕਟਰ ਹਨ। ਇਨ੍ਹਾਂ ਵਿਚ 12 ਸਰਕਾਰੀ ਮੈਡੀਕਲ ਕਾਲਜ ਨਾਲ ਸਬੰਧਤ ਹਨ ਪਰ ਉਥੇ ਹੀ ਤਿੰਨ ਡੈਂਟਲ ਕਾਲਜ ਤੋਂ ਹਨ।ਉੱਥੇ ਹੀ ਐਤਵਾਰ ਨੂੰ ਇਟਲੀ ਤੋਂ ਆਈ ਫਲਾਈਟ ਵਿਚ ਸਵਾਰ 18 ਲੋਕ ਪੀੜਤ ਪਾਏ ਗਏ। ਫਲਾਈਟ ’ਚ ਕੁੱਲ 300 ਮੁਸਾਫਰ ਸਵਾਰ ਸਨ।
ਇਨ੍ਹਾਂ ਵਿਚੋਂ 255 ਦੇ ਟੈਸਟ ਹੋਏ ਜਦੋਂ ਕਿ ਬਾਕੀ ਬੱਚੇ ਸਨ, ਇਸ ਲਈ ਉਨ੍ਹਾਂ ਦੇ ਟੈਸਟ ਨਹੀਂ ਕੀਤੇ ਗਏ। ਸਾਰੇ ਪੀੜਤਾਂ ਨੂੰ ਹੋਮ ਆਈਸੋਲੇਟ ਕੀਤਾ ਗਿਆ ਹੈ। ਨਾਲ ਹੀ ਤਾਕੀਦ ਕੀਤੀ ਗਈ ਹੈ ਕਿ ਉਹ ਅੱਠ ਦਿਨਾਂ ਤਕ ਘਰਾਂ ’ਚੋਂ ਬਾਹਰ ਨਾ ਨਿਕਲਣ। ਇਸ ਤੋਂ ਬਾਅਦ ਉਨ੍ਹਾਂ ਦਾ ਕੋਵਿਡ ਟੈਸਟ ਦੁਬਾਰਾ ਕੀਤਾ ਜਾਵੇਗਾ।ਦੂਜੇ ਪਾਸੇ ਜਨਵਰੀ 2021 ਦੀ ਗੱਲ ਕਰੀਏ ਤਾਂ ਪਹਿਲਾਂ ਨੌਂ ਦਿਨਾਂ ਵਿਚ ਸਿਰਫ਼ 150 ਮਰੀਜ਼ ਮਿਲੇ ਸਨ। 9 ਜਨਵਰੀ 2021 ਵਿਚ ਸਰਗਰਮ ਮਰੀਜ਼ ਸਿਰਫ਼ 203 ਸਨ, ਜੋ ਇੱਕ ਸਾਲ ਬਾਅਦ 1208 ਹੋ ਚੁੱਕੇ ਹਨ।