ਵਨਡੇ ਵਿਸ਼ਵ ਕੱਪ 2023 ਦੇ 43ਵੇਂ ਮੈਚ ‘ਚ ਬੰਗਲਾਦੇਸ਼ ਨੇ ਆਸਟ੍ਰੇਲੀਆ ਨੂੰ 307 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਬੰਗਲਾਦੇਸ਼ ਨੇ 50 ਓਵਰਾਂ ਵਿੱਚ ਅੱਠ ਵਿਕਟਾਂ ਗੁਆ ਕੇ 306 ਦੌੜਾਂ ਬਣਾਈਆਂ। ਤੌਹੀਦ ਹਿਰਦੋਏ ਨੇ ਅਰਧ ਸੈਂਕੜਾ ਲਗਾਇਆ। ਉਸ ਨੇ 79 ਗੇਂਦਾਂ ‘ਤੇ 74 ਦੌੜਾਂ ਦੀ ਪਾਰੀ ਖੇਡੀ। ਇਸ ਵਿੱਚ ਪੰਜ ਚੌਕੇ ਅਤੇ ਦੋ ਛੱਕੇ ਸ਼ਾਮਲ ਹਨ। ਜਦਕਿ ਕਪਤਾਨ ਨਜਮੁਲ ਸ਼ਾਂਤੋ ਨੇ 45 ਦੌੜਾਂ ਬਣਾਈਆਂ। ਇਸ ਤੋਂ ਇਲਾਵਾ ਤਨਜੀਦ ਹਸਨ ਨੇ 36 ਦੌੜਾਂ, ਲਿਟਨ ਦਾਸ ਨੇ 36 ਦੌੜਾਂ, ਮਹਿਮੂਦੁੱਲਾ ਨੇ 32 ਦੌੜਾਂ, ਮੁਸ਼ਫਿਕਰ ਰਹੀਮ ਨੇ 21 ਦੌੜਾਂ, ਮੇਹਦੀ ਹਸਨ ਮਿਰਾਜ ਨੇ 29 ਦੌੜਾਂ ਅਤੇ ਨਸੂਮ ਅਹਿਮਦ ਨੇ ਸੱਤ ਦੌੜਾਂ ਬਣਾਈਆਂ | ਮੇਹੇਦੀ ਹਸਨ ਦੋ ਦੌੜਾਂ ਬਣਾ ਕੇ ਨਾਬਾਦ ਰਹੇ ਅਤੇ ਤਸਕੀਨ ਅਹਿਮਦ ਜ਼ੀਰੋ ‘ਤੇ ਨਾਬਾਦ ਰਹੇ।
ਆਸਟ੍ਰੇਲੀਆ ਲਈ ਸ਼ਾਨ ਐਬੋਟ ਅਤੇ ਐਡਮ ਜ਼ੈਂਪਾ ਨੇ ਦੋ-ਦੋ ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਮਾਰਕਸ ਸਟੋਇਨਿਸ ਨੂੰ ਇਕ ਵਿਕਟ ਮਿਲੀ। ਦੱਸ ਦਈਏ ਕਿ ਆਸਟ੍ਰੇਲੀਆਈ ਟੀਮ ‘ਚ ਦੋ ਬਦਲਾਅ ਕੀਤੇ ਗਏ ਹਨ। ਗਲੇਨ ਮੈਕਸਵੈੱਲ ਅਤੇ ਮਿਸ਼ੇਲ ਸਟਾਰਕ ਨੂੰ ਆਰਾਮ ਦਿੱਤਾ ਗਿਆ ਹੈ, ਉਨ੍ਹਾਂ ਦੀ ਜਗ੍ਹਾ ਸਟੀਵ ਸਮਿਥ ਅਤੇ ਸੀਨ ਐਬੋਟ ਨੂੰ ਪਲੇਇੰਗ ਇਲੈਵਨ ‘ਚ ਮੌਕਾ ਮਿਲਿਆ ਹੈ।
ਓਧਰ, ਬੰਗਲਾਦੇਸ਼ ਨੇ ਟੀਮ ‘ਚ ਤਿੰਨ ਬਦਲਾਅ ਕੀਤੇ ਹਨ। ਮੁਸ਼ਫਿਕਰ ਰਹਿਮਾਨ, ਮੇਹਦੀ ਹਸਨ ਅਤੇ ਨਸੁਮ ਅਹਿਮਦ ਨੂੰ ਮੌਕਾ ਮਿਲਿਆ ਹੈ। ਜਦੋਂ ਕਿ ਤਨਜ਼ੀਮ ਹਸਨ ਸ਼ਾਕਿਬ, ਸ਼ਰੀਫੁਲ ਇਸਲਾਮ ਅਤੇ ਸ਼ਾਕਿਬ ਅਲ ਹਸਨ ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ।