ਅਦਾਕਾਰਾ ਮੌਨੀ ਰਾਏ ਸੂਰਜ ਨਾਂਬਿਆਰ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਚੁੱਕੀ ਹੈ। ਉਨ੍ਹਾਂ ਦਾ ਵਿਆਹ ਦੋ ਦਿਨ ਯਾਨੀ 26 ਅਤੇ 27 ਜਨਵਰੀ ਤੱਕ ਚੱਲਿਆ। ਦੱਸਿਆ ਜਾ ਰਿਹਾ ਹੈ ਕਿ ਅਦਾਕਾਰਾ ਨੇ ਪਹਿਲਾਂ ਦੱਖਣੀ ਭਾਰਤੀ ਅਤੇ ਫਿਰ ਬੰਗਾਲੀ ਰੀਤੀ-ਰਿਵਾਜਾਂ ਨਾਲ ਵਿਆਹ ਕੀਤਾ ਹੈ।
ਹੁਣ ਅਦਾਕਾਰਾ ਨੂੰ ਕਾਫੀ ਵਧਾਈਆਂ ਮਿਲ ਰਹੀਆਂ ਹਨ। ਬਾਲੀਵੁਡ ਦੇ ਪ੍ਰਸ਼ੰਸਕ ਵੀ ਉਨ੍ਹਾਂ ਨੂੰ ਵਧਾਈ ਦੇ ਰਹੇ ਹਨ। ਹਾਲ ਹੀ ‘ਚ ਅਨੁਸ਼ਕਾ ਸ਼ਰਮਾ ਨੇ ਉਨ੍ਹਾਂ ਨੂੰ ਵਿਆਹ ਦੀ ਵਧਾਈ ਦਿੱਤੀ ਸੀ ਅਤੇ ਹੁਣ ਆਲੀਆ ਭੱਟ ਵੀ ਮੌਨੀ ਦੇ ਵਿਆਹ ਤੋਂ ਕਾਫੀ ਖੁਸ਼ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਮੌਨੀ ਲਈ ਇਕ ਪਿਆਰਾ ਨੋਟ ਵੀ ਲਿਖਿਆ ਹੈ।
ਆਲੀਆ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਲਿਖਿਆ, ”ਮੁਬਾਰਕਾਂ ਮੌਨੀ! ਤੁਸੀਂ ਬਹੁਤ ਪਿਆਰੇ ਅਤੇ ਖੁਸ਼ ਦਿਖਾਈ ਦਿੰਦੇ ਹੋ !!!! ਤੁਹਾਨੂੰ ਦੋਵਾਂ ਨੂੰ ਪੂਰੀ ਦੁਨੀਆ ਦਾ ਪਿਆਰ!” ਮੌਨੀ ਅਤੇ ਆਲੀਆ ਭੱਟ ਫਿਲਮ ਬ੍ਰਹਮਾਸਤਰ ਵਿੱਚ ਇਕੱਠੇ ਨਜ਼ਰ ਆਉਣਗੇ। ਰਿਪੋਰਟ ਮੁਤਾਬਕ ਮੌਨੀ ਫਿਲਮ ‘ਚ ਨੈਗੇਟਿਵ ਕਿਰਦਾਰ ਨਿਭਾਅ ਰਹੀ ਹੈ। ਫਿਲਮ ‘ਚ ਅਮਿਤਾਭ ਬੱਚਨ, ਰਣਬੀਰ ਕਪੂਰ ਅਤੇ ਨਾਗਾਰਜੁਨ ਵਰਗੇ ਜ਼ਬਰਦਸਤ ਕਿਰਦਾਰ ਵੀ ਨਜ਼ਰ ਆਉਣਗੇ।
