ਬਾਲੀਵੁੱਡ ਦੇ ‘ਸਿੰਘਮ’ ਅਭਿਨੇਤਾ ਅਜੇ ਦੇਵਗਨ ਦਾ ਹਰ ਅੰਦਾਜ਼ ਪ੍ਰਸ਼ੰਸਕਾਂ ਨੂੰ ਖੂਬ ਪਸੰਦ ਆਉਂਦਾ ਹੈ। ਅਜੇ ਦੇਵਗਨ ਨਾ ਸਿਰਫ ਆਨਸਕ੍ਰੀਨ ਸਗੋਂ ਆਫਸਕ੍ਰੀਨ ‘ਤੇ ਵੀ ਆਪਣੇ ਪ੍ਰਸ਼ੰਸਕਾਂ ਦੇ ਦਿਲਾਂ ‘ਤੇ ਰਾਜ ਕਰਦੇ ਹਨ। ਇਸ ਦੇ ਨਾਲ ਹੀ ਅਜੇ ਦਾ ਨਾਂ ਉਨ੍ਹਾਂ ਸਿਤਾਰਿਆਂ ‘ਚੋਂ ਇਕ ਹੈ, ਜਿਨ੍ਹਾਂ ਦਾ ਭਗਵਾਨ ‘ਤੇ ਖਾਸ ਭਰੋਸਾ ਹੈ। ਇਸ ਦੌਰਾਨ ਅਜੇ ਦੇਵਗਨ ਨੇ ਹਾਲ ਹੀ ‘ਚ ਕੇਰਲ ਦੇ ਸਬਰੀਮਾਲਾ ਮੰਦਰ ਪਹੁੰਚੇ ਸਨ। ਇੱਥੇ ਉਨ੍ਹਾਂ ਨੇ ਭਗਵਾਨ ਅਯੱਪਾ ਦੀ ਪੂਜਾ ਕੀਤੀ ਤੇ ਇਥੇ ਉਨ੍ਹਾਂ ਨੇ 41 ਦਿਨਾਂ ਤੱਕ ਕਰੜੀ ਸਾਧਨਾ ਕੀਤੀ। ਸਬਰੀਮਾਲਾ ਮੰਦਿਰ ਦੇ ਦਰਸ਼ਨਾਂ ਦੌਰਾਨ ਅਜੇ ਦੇਵਗਨ ਦੀਆਂ ਕਈ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਈਆਂ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ ।
https://www.instagram.com/p/CYlYf46hWHd/
ਅਜੇ ਦੇਵਗਨ ਇੱਥੇ ਕਾਲੇ ਕੱਪੜਿਆਂ ‘ਚ ਨਜ਼ਰ ਆਏ। ਉਨ੍ਹਾਂ ਦੇ ਇਸ ਲੁੱਕ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਸੀ ਕਿਉਂਕਿ ਪ੍ਰਸ਼ੰਸਕਾਂ ਨੂੰ ਲੱਗਦਾ ਸੀ ਕਿ ਅਜੇ ਦੇਵਗਨ ਦਾ ਇਹ ਲੁੱਕ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ਦਾ ਹੈ ਪਰ ਹੁਣ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਸ ਨੇ ਸਾਫ ਕਰ ਦਿੱਤਾ ਹੈ ਕਿ ਅਜਿਹਾ ਨਹੀਂ ਹੈ। ਅਜੇ ਦੇਵਗਨ ਇੱਕ ਔਖੀ ਸਾਧਨਾ ਕਰਕੇ ਕਾਲੇ ਕੱਪੜਿਆਂ ‘ਚ ਇਸ ਮੰਦਰ ‘ਚ ਪਹੁੰਚੇ ਸਨ ਅਤੇ ਇਹ ਸਾਧਨਾ ਇੱਕ ਦਿਨ ਲਈ ਨਹੀਂ ਸਗੋਂ ਪੂਰੇ 41 ਦਿਨਾਂ ਦੀ ਹੈ, ਜਿਸ ‘ਚ ਸਖ਼ਤ ਨਿਯਮਾਂ ਦਾ ਪਾਲਣ ਕਰਨਾ ਪੈਂਦਾ ਹੈ। ਅਜੇ ਦੇਵਗਨ ਨੇ 11 ਦਿਨਾਂ ਤੱਕ ਸਾਰੇ ਰੀਤੀ-ਰਿਵਾਜ ਪੂਰੇ ਕੀਤੇ।
ਅਜੈ ਦੇ ਕਰੀਬੀ ਸੂਤਰ ਨੇ ਕਿਹਾ, ”ਅਜੈ ਦੇਵਗਨ 11 ਦਿਨਾਂ ਤੱਕ ਜ਼ਮੀਨ ‘ਤੇ ਚਟਾਈ ‘ਤੇ ਸੌਂਦਾ ਸੀ, ਸਿਰਫ ਕਾਲੇ ਕੱਪੜੇ ਪਹਿਨਦਾ ਸੀ, ਦਿਨ ‘ਚ ਦੋ ਵਾਰ ਕਿਆਪਾ ਦੀ ਪੂਜਾ ਕਰਦਾ ਸੀ, ਪਿਆਜ਼ ਅਤੇ ਲਸਣ ਤੋਂ ਬਿਨਾਂ ਸਿਰਫ ਸ਼ਾਕਾਹਾਰੀ ਭੋਜਨ ਹੀ ਖਾਂਦਾ ਸੀ, ਹਰ ਜਗ੍ਹਾ ਨੰਗੇ ਪੈਰੀਂ ਘੁੰਮਦਾ ਸੀ। ਅਜੇ ਦੇਵਗਨ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ। ਅਜੇ ਦੇਵਗਨ ਦੇ ਇਸ ਲੁੱਕ ਨੂੰ ਫੈਨਜ਼ ਕਾਫੀ ਪਸੰਦ ਕਰ ਰਹੇ ਹਨ। ਅਜੇ ਦੇਵਗਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਸ ਸਫਰ ਦੀ ਵੀਡੀਓ ਵੀ ਸ਼ੇਅਰ ਕੀਤੀ ਹੈ, ਇਸ ‘ਚ ਅਭਿਨੇਤਾ ਧਮਾਕੇਦਾਰ ਐਂਟਰੀ ਕਰਦੇ ਨਜ਼ਰ ਆ ਰਹੇ ਹਨ।
