ਬਾਲੀਵੁੱਡ ਅਦਾਕਾਰਾ ਅਮੀਸ਼ਾ ਪਟੇਲ ਅਤੇ ਸੰਨੀ ਦਿਓਲ ਦੀ ਫਿਲਮ ‘ਗਦਰ 2’ ਜਲਦ ਹੀ ਰਿਲੀਜ਼ ਹੋਣ ਜਾ ਰਹੀ ਹੈ। ਰਿਲੀਜ਼ ਤੋਂ ਪਹਿਲਾਂ ਅਮੀਸ਼ਾ ਮੁੰਬਈ ਦੀ ਮਾਹਿਮ ਦਰਗਾਹ ‘ਤੇ ਪਹੁੰਚੀ, ਜਿੱਥੇ ਅਦਾਕਾਰਾ ਨੇ ਚਾਦਰ ਚੜ੍ਹਾਈ ਅਤੇ ਮੱਥਾ ਟੇਕਿਆ। ਇਸ ਦੌਰਾਨ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਵੀਡੀਓ ‘ਚ ਅਮੀਸ਼ਾ ਕਾਲੇ ਅਨਾਰਕਲੀ ਸਲਵਾਰ ਸੂਟ ‘ਚ ਨਜ਼ਰ ਆ ਰਹੀ ਹੈ। ਸਿਰ ‘ਤੇ ਕਾਲੀ ਚੁੰਨੀ ਲੈ ਅਮੀਸ਼ਾ ਬਹੁਤ ਖੂਬਸੂਰਤ ਲੱਗ ਰਹੀ ਸੀ। ਪਰ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਕਈ ਯੂਜ਼ਰਸ ਉਨ੍ਹਾਂ ਨੂੰ ਟ੍ਰੋਲ ਕਰ ਰਹੇ ਹਨ।
ਅਮੀਸ਼ਾ ਦੇ ਇਸ ਵੀਡੀਓ ‘ਤੇ ਜਿੱਥੇ ਕੁਝ ਲੋਕਾਂ ਨੇ ਉਸ ਦਾ ਸਮਰਥਨ ਕੀਤਾ। ਇਸ ਦੇ ਨਾਲ ਹੀ ਕਈ ਲੋਕ ਉਨ੍ਹਾਂ ਦੀ ਦਰਗਾਹ ‘ਤੇ ਜਾਣ ‘ਤੇ ਇਤਰਾਜ਼ ਜਤਾ ਰਹੇ ਹਨ। ਕਈ ਲੋਕਾਂ ਨੇ ਫਿਲਮ ਦਾ ਬਾਈਕਾਟ ਕਰਨ ਦੀ ਮੰਗ ਵੀ ਕੀਤੀ ਹੈ। ਵੀਡੀਓ ‘ਤੇ ਕਮੈਂਟ ਕਰਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ,’ਹਿੰਦੂ ਹੋਣ ਦੇ ਨਾਤੇ ਉਹ ਇਹ ਸਭ ਕਰਦੀ ਹੈ, ਬਹੁਤ ਗਲਤ ਹੈ’। ਤਾਂ ਇਕ ਹੋਰ ਨੇ ਲਿਖਿਆ, ‘ਜਦੋਂ ਫਿਲਮ ਆਉਣ ਵਾਲੀ ਹੁੰਦੀ ਹੈ, ਉਨ੍ਹਾਂ ਨੂੰ ਮੰਦਰ ਅਤੇ ਦਰਗਾਹਾਂ ਯਾਦ ਆਉਂਦੀਆਂ ਹਨ’।”
ਦੱਸ ਦਈਏ ਕਿ ਬਾਲੀਵੁੱਡ ਅਭਿਨੇਤਾ ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦੀ ਫਿਲਮ ‘ਗਦਰ 2’ 11 ਅਗਸਤ, 2023 ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਇਹ 22 ਸਾਲ ਪਹਿਲਾਂ ਰਿਲੀਜ਼ ਹੋਈ ਫਿਲਮ ‘ਗਦਰ: ਏਕ ਪ੍ਰੇਮ ਕਥਾ’ ਦਾ ਸੀਕਵਲ ਹੈ। ‘ਗਦਰ 2’ ਦੇ ਨਿਰਦੇਸ਼ਕ ਅਨਿਲ ਸ਼ਰਮਾ ਹਨ। ਉਹ ਗਦਰ ਦੇ ਪਹਿਲੇ ਭਾਗ ਦੇ ਵੀ ਨਿਰਦੇਸ਼ਕ ਸਨ। ਫਿਲਮ ‘ਚ ਸੰਨੀ, ਅਮੀਸ਼ਾ ਦੇ ਨਾਲ ਉਤਕਰਸ਼ ਸ਼ਰਮਾ ਵੀ ਮੁੱਖ ਭੂਮਿਕਾ ‘ਚ ਨਜ਼ਰ ਆਉਣਗੇ।