ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੇ ਵਿਆਹ ਦੇ ਫੰਕਸ਼ਨ ਸ਼ੁਰੂ ਹੋ ਗਏ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਕੱਲ ਯਾਨੀ 13 ਅਪ੍ਰੈਲ ਨੂੰ ਰਣਬੀਰ ਅਤੇ ਆਲੀਆ ਦੀ ਹਲਦੀ ਸੈਰੇਮਨੀ ਸੀ। ਵਿਆਹ 14 ਅਪ੍ਰੈਲ ਨੂੰ ਹੈ। ਇਸ ਖਾਸ ਮੌਕੇ ‘ਤੇ ਕਰੀਬੀ ਰਿਸ਼ਤੇਦਾਰ ਅਤੇ ਦੋਸਤ ਮੌਜੂਦ ਸਨ। ਤੁਹਾਨੂੰ ਦੱਸ ਦੇਈਏ ਕਿ ਹਲਦੀ ਸੈਰੇਮਨੀ ਦੌਰਾਨ ਰਣਬੀਰ ਦੀ ਮਾਂ ਨੀਤੂ ਕਪੂਰ ਦੇ ਨਾਲ ਭੈਣ ਰਿਧੀਮਾ ਕਪੂਰ, ਪੂਜਾ ਭੱਟ, ਅਯਾਨ ਮੁਖਰਜੀ, ਮਹੇਸ਼ ਭੱਟ, ਕਰੀਨਾ ਕਪੂਰ ਖਾਨ, ਆਧਾਰ ਜੈਨ ਅਤੇ ਕਰਿਸ਼ਮਾ ਕਪੂਰ ਮੌਜੂਦ ਸਨ। ਇਸ ਦੌਰਾਨ ਰਣਬੀਰ ਅਤੇ ਆਲੀਆ ਨੂੰ ਬੀ-ਟਾਊਨ ਦੀਆਂ ਮਸ਼ਹੂਰ ਹਸਤੀਆਂ ਵੱਲੋਂ ਵਧਾਈ ਸੰਦੇਸ਼ ਵੀ ਮਿਲਣੇ ਸ਼ੁਰੂ ਹੋ ਗਏ ਹਨ। ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੇ ਵਿਆਹ ਤੋਂ ਪਹਿਲਾਂ ਕਰਨ ਜੌਹਰ ਤੋਂ ਲੈ ਕੇ ਸੰਜੇ ਦੱਤ ਸਮੇਤ ਕਈ ਸਿਤਾਰੇ ਉਨ੍ਹਾਂ ਨੂੰ ਵਿਆਹ ਦੀਆਂ ਵਧਾਈਆਂ ਦੇ ਚੁੱਕੇ ਹਨ।
ਇਸ ਦੇ ਨਾਲ ਹੀ ਹੁਣ ਅਮਿਤਾਭ ਬੱਚਨ ਨੇ ਵੀ ਇਸ ਸਟਾਰ ਜੋੜੇ ਨੂੰ ਵਿਆਹ ਤੋਂ ਪਹਿਲਾਂ ਵਧਾਈ ਦਿੱਤੀ ਹੈ।ਬਿੱਗ ਬੀ ਨੇ ਖਾਸ ਤਰੀਕੇ ਨਾਲ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਨੂੰ ਵਿਆਹ ਤੋਂ ਪਹਿਲਾਂ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ। ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ‘ਬ੍ਰਹਮਾਸਤਰ’ ਦੇ ਗੀਤ ‘ਕੇਸਰੀਆ’ ਦੀ ਕਲਿੱਪ ਸ਼ੇਅਰ ਕੀਤੀ ਅਤੇ ਨਾਲ ਹੀ ਲਿਖਿਆ, ‘ਈਸ਼ਾ ਅਤੇ ਸ਼ਿਵ ਆਉਣ ਵਾਲੇ ਦਿਨਾਂ ‘ਚ ਇਕ ਖਾਸ ਸਫਰ ਸ਼ੁਰੂ ਕਰਨ ਵਾਲੇ ਹਨ। ਸਾਡੇ ਵੱਲੋਂ ਬਹੁਤ ਸਾਰਾ ਪਿਆਰ ਅਤੇ ਸ਼ੁਭਕਾਮਨਾਵਾਂ।
ਆਉ ਇਸ ਜਸ਼ਨ ਦੀ ਸ਼ੁਰੂਆਤ ਬ੍ਰਹਮਾਸਤਰ ਟੀਮ ਦੀ ਤਰਫੋਂ ਕੁਝ ਖਾਸ ਤਰੀਕੇ ਨਾਲ ਕਰੀਏ। ਬੁੱਧਵਾਰ ਨੂੰ ਕਰਨ ਜੌਹਰ ਨੇ ਵੀ ‘ਬ੍ਰਹਮਾਸਤਰ’ ਦੇ ਗੀਤ ‘ਕੇਸਰੀਆ’ ਦੀ ਕਲਿੱਪ ਨਾਲ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਨੂੰ ਅਗਾਊਂ ਵਧਾਈ ਦਿੱਤੀ। ਬਾਅਦ ‘ਚ ਕਰਨ ਜੌਹਰ ਵੀ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੀ ਮਹਿੰਦੀ ਲਗਾਉਣ ਪਹੁੰਚੇ। ਇਸ ਫਿਲਮ ‘ਚ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਪਹਿਲੀ ਵਾਰ ਅਮਿਤਾਭ ਬੱਚਨ ਨਾਲ ਸਕ੍ਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਫਿਲਮ ‘ਚ ਇਨ੍ਹਾਂ ਕਲਾਕਾਰਾਂ ਤੋਂ ਇਲਾਵਾ ਨਾਗਾਰਜੁਨ ਅਤੇ ਮੌਨੀ ਰਾਏ ਵੀ ਹਨ। ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੀ ਵੀ ਇਹ ਪਹਿਲੀ ਫਿਲਮ ਹੋਵੇਗੀ।
